Joannostir 15:11 - Библия - Пэ Балтитко Романи чиб (Романэс) 2019

¹¹ Дава́ Мэ пхэндём тумэ́нгэ, соб (кай) Мири́ ра́дыма тэ ячэ́л тумэ́нца, и, соб (кай) тумари́ ра́дыма тэ явэ́л пхэрды́.

Joannostir Svencono lačopheniben 1933 (Latvia)

¹¹ Dava Me phendžom tumenge, raduma Mīro an tumenge jačela te raduma tumāro jāla phečkirdo.

Biblija - Pe Baltitko Romani čib (Romanes) 2019

¹¹ Davá Me phendjom tuménge, sob (kaj) Mirí rádyma te jačél tuménca, i, sob (kaj) tumarí rádyma te javél pherdý.

Joannostir 15:11 Referans Kwoze

Римлянэнгэ 15:13

Дэвэ́л, Саво́ дэ́ла наде́я, – мэк тэ пхэрдякирэл тумэн кажнонэ́ радыма́са и раманёса дро тумаро́ патяибэ́н, соб (кай) наде́я тэ барьёл Свэнтонэ́ Духо́скирэ зорья́са дрэ тумэ́ндэ.

Joannostir 17:13

Какана́ Мэ джа́ва кэ Ту, и дава́ Мэ ракира́ва, пака Мэ сом дро свэ́то, соб (кай) лэ́ндэ тэ явэ́л Мири́ пхэрды́ ра́дыма дрэ пэ́стэ.

Joannostir 16:24

Кэ дава́ часо тумэ́ нисо́ на мангнэ́ Мирэ́ лавэ́са, мангэ́н, и дорэсэ́на, соб (кай) ра́дыма дро тумаро́ ило́ тэ явэ́л пхэрды́.

1 Ian 1:4

И дава́ амэ чхинаса тумэ́нгэ, соб (кай) тумари́ ра́дыма тэ явэ́л пхэрды́.

1 Petr 1:8

Савэс тумэ́ ние́кхвар на дыкхнэ́, нэ Ёв исын дро́го тумэ́нгэ, и Савэс кэ дава́ часо на дыкхнэ́, нэ тумэ́ усае́кх патя́на дрэ Лэ́стэ и пир дава́ тумэ́ адя́кэ древа́н радынэ́напэ, со нашты́ тэ пхэнас лавэ́нца, и Савэс тумэ́ прославиндлэ,

2 Ian 1:12

Ма́ндэ исын бут, со трэй тэ чхинав ту́кэ, нэ мэ на кама́м тэ кэра́в дава́, пэ папира чэрниласа. Амэ́ндэ исын наде́я тэ явав тумэ́нца тэ ракира́в муй кэ муй, соб (кай) амари́ ра́дыма тэ явэ́л пхэрды́.

Joannostir 16:33

ґа́да, Мэ пхэндём тумэ́нгэ, соб (кай) тумэ́ тэ явэ́н дро рама́нё Ма́нца. Дро свэ́то мэ́ньки тумэн ужакирэ́на; нэ рикирэнпэ муршканэ́с: Мэ збердындём (пиризорьякирдём) дава́ свэ́то”

2 Коринфянэнгэ 1:24

Амэ на рикираса упралыпэ́н пэ тумаро́ патяибэ́н, нэ амэ кэра́са буты́ кхэтанэ́ ваш тумари́ ра́дыма, пал-дава́ со тумаро́ патяибэ́н исын зорало́.

1 Фесалоникийцэнгэ 5:16

тумэ́ усады (сак) радынэ́нпэ;

Luka 15:32

нэ палдава́ трэй тэ веселинаспэ (тэ лошалёвас), со кадава́ тыро́ пшал сыс сы́рбы муло́ ваш амэ́нгэ и какана́ отджидыя́, хасия́ и латхяпэ.’”

Luka 15:9

А ке́ли ёй латхэ́ла ловэ́, тэды кхарэ́ла кэ пэ подругэ́н (малне́н) и суседкэн (котаркэн) и пхэнэ́ла: ‘Радынэ́нпэ тумэ́ Ма́нца, мэ латхём ґасприн, сави́ нашадём.’”

Filipiicenge 1:25

и мэ чачэс, джино́м дава́, со мэ ячавапэ и мэ ява́ва сарэ́нца тумэ́нца кхэтанэ́ ваш тумари́ бахт и ра́дыма дро патяибэ́н;

Эфесянэнгэ 5:18

И на пьен кэ матыбэн мол, савья́тыр джа́ла на́лачхо джиибэ́н, нэ фэды́р пхэрдякирэн пэс Духо́са,

Joannostir 3:29

Тэрны́ исын ваш Тэрнэскэ, а Тэрнэскиро дру́го (мал), саво́ исын тэрдо́ пашы́л, шунэ́ла лэс и радынэ́лапэ, ке́ли шунэ́ла, со ёв ракирэ́ла. Кадая́ мири́ бахт явдя́ сарэ́са кэ мэ.

Luka 15:5

А ке́ли ёв латхэ́ла ла, ёв чхувэ́ла ла пэ псикэ́ радыма́са;

Luka 15:23

Янэ́н тхулэ целянтос, чхинэн лэс и ява́са тэ хас и тэ радынаспэ,

Ереме́ё 32:41

И Мэ ява́ва зоралэ́с тэ радынавпэ пал лэ́ндэ тэ кэра́в лачхипэ́н лэ́нгэ, и Мэ почхувава лэн пэ дая́ пхув сарэ́ Мирэ́ илэ́стыр и сарэ́ Мирэ́ дестыр.

Isajos 53:11

Бахтало́ явэ́ла Ёв одолэ́стыр тэ дыкхэ́л, со кэрдя́ Лэ́скиро ди; Пэ́скирэ ґалыибнастыр Ёв, чачипна́скиро, писха́ри Миро, зракхэ́ла бут манушэ́н и грэ́хи лэ́нгирэ лыджа́ла пэ Пэ́стэ.

Софония 3:17

О Рай Дэвэ́л, тыро́ Дэвэ́л, исын ту́са, Ёв исын Зоралыпнаскиро тэ зракхэ́л тут; Ёв явэ́ла древа́н тэ радынэ́лпэ радыма́са, Ёв дэ́ла рама́нё (миро) ту́кэ Лэ́скирэ ласкатыр, Ёв явэ́ла тэ радынэ́лпэ ту́тыр весёлымаса (лошаса).

Ереме́ё 33:9

Тэ́ньци лав ‘Ерусалимо’ явэ́ла тэ радынэл манушэ́н, ёнэ явэ́на тэ шарэ́н лэс, и тэ дэн паты́в анги́л сарэ́ Наюдытконэ́ нацыендэ пир пхув, савэ́ явэ́на тэ шунэ́н пал саро́ лачхипэ́н, со Мэ кэрдём лэ́нгэ: и ёнэ явэ́на тэ дарэ́н, и тэ издран сарэ́ лачхипнастыр и сарэ́ миштыпна́стыр, со Мэ кэра́ва далэ́ фороскэ.”

Isajos 62:4

Тут на кхарна буты́р “ячкирдо (ячадо)”, пэ тыри́ пхув на пхэнэ́на “чхучи́”, нэ кхарэ́на тут “исын кэ ёв Мири́ лачхи́ во́ля”, а пхув тыри́ кхарлапэ “палоромитко”, пал-дова́ со Ра́скирэ-Дэвлэ́скири во́ля исын лачхи́ кэ ту, и пхув Тыри́ сы́рбы палоро́м джа́ла.