Joannostir 14:12 - Библия - Пэ Балтитко Романи чиб (Романэс) 2019

¹² Чачэс, чачэс Мэ ракира́ва тумэ́нгэ: Одова́, кон патя́ла дрэ Ма́ндэ, явэ́ла тэ кэрэ́л дасавэ́-паць рэ́нды, со и Мэ кэра́ва и буты́р одолэ́ рэндэ́ндыр ёв кэрэ́ла; пал-дова́ со Мэ джа́ва кэ Миро Дад.

Joannostir Svencono lačopheniben 1933 (Latvia)

¹² Lašņes, lašņes rakirava tumenge: pa Čaibnaskīro an Mange, buča, saje; kērava Me, te nin jov kērla, te bāredīr dolendīr kērla; vašo dova so Me ko Dād Mīro džava.

Biblija - Pe Baltitko Romani čib (Romanes) 2019

¹² Čačes, čačes Me rakiráva tuménge: Odová, kon patiála dre Mánde, javéla te kerél dasavé-pac' réndy, so i Me keráva i butýr odolé rendéndyr jov keréla; pal-dová so Me džáva ke Miro Dad.

Joannostir 14:12 Referans Kwoze

Матфеё 21:21

И Ису́со отпхэндя́ лэ́нгэ: “Чачэс, Мэ ракира́ва тумэ́нгэ: ко́ли явэ́ла тумэ́ндэ патяибэ́н и тумэ́ на кунинэнапэ, то кэрэ́на на со екх инжыритконэ каштэса, со сыс лэ́са, а, ко́ли пхэнэ́на далэ́ бэргакэ: ‘Джа́ штэто́стыр и чхурдэпэ дро мо́рё (дэрья́в), и явэ́ла’,

Marko 16:17

Патяибнаскирэ явэ́на тэ сыкавэ́н дасавэ́ ди́вы: ёнэ явэ́на Мирэ́ лавэ́са тэ традэ́н налачхэ́ ду́хи, ёнэ явэ́на тэ ракирэ́н пэ нэвэ чиба́ (чибья́);

Apostolengiri Butý 16:18

И ёй адя́кэ кэрдя́ бут дывэса́. А Па́вли, сыр холя́сыя, рисия́ и пхэндя́ налачхэ́ духоскэ: “Исусо́скирэ Христосо́скирэ лавэ́са Мэ припхэнава ту́кэ: выджа ла́тыр.” И ду́хо (фа́но) дро дова́-паць часо выгия́.

Apostolengiri Butý 9:34

Пэ́три пхэндя́ лэ́скэ: “Энеё! Ису́со Христо́со састякирэла тут: ушты́ и кэр пэ́скиро чхуибэ́н” И ёв дава́-паць моменто уштыя́.

Apostolengiri Butý 19:12

со пэ насвалэндэ чхувэ́нас дыкхлэ и и́ди лэ́скирэ масэ́ндыр, и насвалэндэ пириячэнас дукха́ и налачхэ́ ду́хи джа́нас криг лэ́ндыр.

Apostolengiri Butý 9:40

А Пэ́три традыя́ яври́ сарэ́н штубатыр, тэрдия́ пэ чанга́ и лыя́ тэ мангэ́лпэ Дэвлэ́скэ; тэды ёв порисия кэ мулы и пхэндя́: “Тавифие, ушты́!” И ёй отчхакирдя́ якха́, дыкхця́ Пэтрис и бэсця́.

Apostolengiri Butý 8:7

Пал-дова́ со бутэ́ манушэ́ндэ сыс бэштэ́ бэнгланэ ду́хи, савэ́ джа́нас яври́ барэ́ годла́са; мануша́, савэ́ндыр сыс праличо и савэ́ на псирдэ́, высастинэ.

Apostolengiri Butý 5:15

сыр мануша́ вылыджанас насвалэн пэ вули́ца (га́са) и чхувэ́нас лэн пэ пасиндля (постели) и чхуибэна, соб (кай) ке́ли Пэ́три явэ́ла тэ джал маму́й, тэ пэрэ́л Лэ́скири зэр (тенё) пэ вари-конэ́стэ лэ́ндыр.

Apostolengiri Butý 2:41

И одолэ́, кон илэ́са прилэлас лэ́скиро лав, болдэпэ, и дро дова́ дывэ́с упатя́ндынэ пашэ́ трин тысёнцы мануша́.

Apostolengiri Butý 4:4

Бут мануша́, савэ́ шундлэ́ лэ́нгиро пхэныбэ́н, упатя́ндынэ; и манушэ́н, савэ́ лынэ́ тэ патя́н, яця́ буты́р, сыр пандж тысёнцы.

Joannostir 16:7

Нэ Мэ, чачэс, ракира́ва тумэ́нгэ: фэды́р ваш тумэ́нгэ, соб (кай) Мэ тэ джав; ко́ли Мэ на джа́ва, тэды Обрадыпнаскиро на явэ́ла кэ тумэ́, нэ ко́ли Мэ джа́ва, тэды Мэ бичхава́ва Лэс кэ тумэ́.

Apostolengiri Butý 2:33

Дэвэ́л ґаздыя́ Лэс Пэ́скирэ най зоралэды́р вастэ́са, и Ёв прилыя́ Лэ́стыр Свэ́нто Ду́хо (Фа́но), пал саво́ дыя́ лав Дад; Дэвэ́л кэрдя́ дова́, со тумэ́ какана́ шунэ́на и дыкхэ́на.

Joannostir 7:39

Ису́со адя́кэ ракирдя́ пал Ду́хо (Фа́но), саво́ явэ́ла тэ одолэ́ндэ, кон явэ́ла тэ патял дрэ Лэ́стэ; пал-дова́ со на сыс пэ лэ́ндэ Свэ́нто Ду́хо (Фа́но), пал-дова́ со Ису́со ишчо (инкэ́) на сыс славиндло.

Joannostir 7:33

Нэ Ису́со: “Ишчо нагара яця́пэ Ма́нгэ тэ явав тумэ́нца, и Мэ джа́ва кэ Одова́ пхэндя́, Кон бичхадя́ Ман.

Римлянэнгэ 15:19

ґэртыкакирэ зорья́са и дивэнца, Дэвлэ́скирэ Духо́скирэ зорья́са адя́кэ, со мэ пхэрдэ́с роспхэндём Христососкири бахталы́ зан (звесь) Ерусалимо́стыр и пашы́л дава́ фо́ро кэ Илирика;

Apostolengiri Butý 6:7

И Дэвлэ́скиро лав розджаласпэ буты́р, и сыкляибны́тка дро Ерусалимо ячнэ́ древа́н бут, адя́кэ-паць и бут рашая́ упатя́ндынэ.

Apostolengiri Butý 4:16

и ракирдэ́: “Со амэ́нгэ тэ кэра́с адалэ́ манушэ́нца? Пал-дова́ со сарэ́ мануша́ джинэ́на, со ёнэ кэрдэ́ ди́во, и амэ на могинаса дава́ тэ на приґалёвас.

Joannostir 14:28

Тумэ́ шундлэ́, со Мэ пхэндём тумэ́нгэ: ‘Мэ джа́ва криг тумэ́ндыр и ява́ва кэ тумэ́. Ко́ли тумэ́нгэ Мэ явавас дро́го, тумэ́ явэ́нас ра́да, со Мэ джа́ва кэ Дад; пал-дова́ со Миро Дад исын барэды́р Ма́ндыр’.

Apostolengiri Butý 10:46

пал-дова́ со ёнэ шундлэ́, сыр одолэ́ ракирдэ́ пэ яви́р чиба́/чибья́, и ёнэ барьякирэнас паты́в Дэвлэ́скэ. Тэды Пэ́три пхэндя́:

Apostolengiri Butý 4:33

а Апо́столы барэ́ зорья́са допхэнэнас пал Дэвлэ́скиро, Исусо́скирэ-Христосо́скиро отджидякирибэн мулэ́ндыр; и баро́ бахтякирибэ́н Дэвлэ́стыр сыс пэ лэ́ндэ сарэ́ндэ.

Marko 11:13

и Ёв дыкхця́ дура́л инжыритко кашт (дрэ́во), саво́ сыс чхакирдо патренца (листэнца) и подги́я пашылэды́р тэ дыкхэ́л, ци исын пэ лэ́стэ барьякирдэ́ (пло́ды). Нэ барьякирдэ́ пэ кашт на сыс, екх патря, пал-дова́, со часо ваш му́ри на явдя́.

Joannostir 4:37

Пал-дова́ со дро дава́ исын чачуно́ пхэныбэ́н: ‘Екх сеинэла, яви́р счхинэла’.

Joannostir 5:20

Пал-дова́ со Дадэ́скэ исын дро́го Лэ́скиро Чхаво́ и Ёв сыкавэ́ла Лэ́скэ саро́, со кэрэ́ла Кокоро́; Ёв сыкавэ́ла Лэ́скэ най буты́р рэ́нды далэндыр, со тумэ́ явэ́на тэ дивинэнпэ.