Joannostir 13:34 - Библия - Пэ Балтитко Романи чиб (Романэс) 2019

³⁴ Мэ да́ва тумэ́нгэ нэво́ припхэныбэ́н: явэ́н дро́га екх ваш екхэ́скэ; сыр Ма́нгэ, адя́кэ-паць и тумэ́ явэ́н дро́га екх ваш екхэ́скэ.

Joannostir Svencono lačopheniben 1933 (Latvia)

³⁴ Dopheniben nevo dava tumenge miļinen jek vavres: sir Me iemiļidžom tomen, jake te tume miļinen jek vavres.

Biblija - Pe Baltitko Romani čib (Romanes) 2019

³⁴ Me dáva tuménge nevó priphenybén: javén dróga jekh vaš jekhéske; syr Mánge, adiáke-pac' i tumé javén dróga jekh vaš jekhéske.

Joannostir 13:34 Referans Kwoze

Эфесянэнгэ 5:2

дживэ́н дрэ паты́в кэ яви́р мануша́, сыр и Христо́со сыкадя́ паты́в амэ́нгэ и отдыя́ Пэс пал амэ́ндэ, сыр гудло́ кхандыпэн и свэ́нто дыибэ́н, саво́ исын лачхо́ Дэвлэ́скэ.

Левито 19:18

На отдэ́ палэ чорипнаса (на отха палэ), и на рикир холы́ пэ тырэ́-манушэ́нгирэ чхавэ́ндэ, а сыка́в паты́в кэ тыро́ пашатуно, сыр пэ́скэ. Мэ сом Рай Дэвэ́л.

Joannostir 15:17

Ѓа́да, со Мэ припхэнава тумэ́нгэ: сыкавэ́н паты́в екх екхэ́скэ.

1 Petr 1:22

Сыр тумэ́ лынэ́ тэ кандэ́н чачипэ́н, тэды тумэ́ выжужакирдэ пэ́скирэ дия́ ваш чачуны́ пшалы́тко паты́в, палдава́ сыкавэ́н паты́в екх екхэ́скэ сарэ́ илэ́стыр.

Galatenge 6:2

Помогинэн екх екхэ́скэ тэ лыджа́н пхарипэ́н, и далэ́са тэды тумэ́ сполнинэна Христосо́скиро Зако́но.

1 Ian 3:23

А припхэныбэ́н Лэ́скиро исын дасаво: соб (кай) амэ тэ патяс дро лав Лэ́скирэ-Чхавэ́скирэ, Исусо́скирэ Христосо́скиро, и соб (кай) тэ дас паты́в екх екхэ́скэ, сыр Ёв припхэндя́ амэ́нгэ.

1 Ian 4:21

И дава́ исын дасаво припхэныбэ́н, саво́ амэ́ндэ исын Христосостыр, со одова́ ману́ш, конэ́скэ дро́го исын Дэвэ́л, исын банго́ (мусинэла) адя́кэ-паць тэ явэ́л лачхо́ кэ пэ́скиро пшал.

Jakov 2:8

Ко́ли тумэ́ сан патяибнытка крали́скирэ Законоскэ, саво́ исын чхиндло́ дро Свэ́нто Чхиныбэ́н: “Рикир сыр дро́гима дро ило́ манушэ́с, саво́ исын пашы́л ту́тэ, сыр кокоро́ пэс, тэды тумэ́ кэрэ́на миштэ́с.”

1 Фесалоникийцэнгэ 3:12

Нэ мэк Рай Дэвэ́л тэ пхэрдякирэл тумаро́ ило́ екх кэ екх и кэ сарэ́ мануша́ ишчо (инкэ́) барэды́р ласкаса, сави́ амэ́ндэ исын кэ тумэ́,

Римлянэнгэ 12:10

сыкавэ́н паты́в екх екхэ́скэ пшалытконэ патыва́са и тангинэн екх екхэ́с: кутякирэн (важынэн) екх екхэ́с;

2 Ian 1:5

И какана́ Мэ древа́н манга́ва Тут, дро́го Ранори; ява́са тэ явас лачхэ́ екх кэ екх. Мэ чхина́ва дава́ на нэво́ припхэныбэ́н, а дава́ припхэныбэ́н сыс амэ́нгэ англыпна́стыр.

Galatenge 6:10

Палдава́, ко́ли исын часо/саштыпэн, то ява́са тэ кэра́с лачхипэ́н сарэ́нгэ, и древа́н фэды́р кодолэ́нгэ, савэ́ исын пша́ла пир патяибэ́н.

1 Ian 3:11

Палдава́ дасави́ исын мавлы́н (малва), сави́ амэ шундя́м англыпна́стыр, соб (кай) амэ тэ дас паты́в екх екхэ́скэ,

Левито 19:34

о ману́ш, саво́ притрадыя явирэ рига́тыр, и яця́ тэ дживэ́л тумэ́ндэ; мэк тэ явэ́л ваш тумэ́нгэ дасаво-паць, сыр тумаро́ ману́ш исын; сыка́в паты́в лэ́скэ, сыр пэ́скэ; пал-дова́ со и тумэ́ са́нас мануша́, савэ́ явнэ́ явирэ рига́тыр пэ Египто́скири пхув. Мэ сом Рай Дэвэ́л, тумаро́ Дэвэ́л.

Юдэ́нгэ 13:1

Сыкавэ́н паты́в дурэды́р екх екхэ́скэ, сыр пша́ла.

2 Фесалоникийцэнгэ 1:3

Пшала́лэ, амэ́нгэ трэй саро́ часо тэ парикирас Дэвлэ́скэ пал тумэ́ндэ пир чачипэ́н, пал-дова́ со тумари́ паты́в кэ яви́р мануша́ барьёла и тумари́ паты́в екх кэ екх ячэ́ла бутэды́р;

Galatenge 5:22

А пир Свэ́нто Ду́хо (Фа́но) мануша́ дживэ́на патыва́са кэ яви́р мануша́, радыма́са, спокойнымаса, длугонэ вырикирибнаса, лачхэ́-илыткимаса, лачхипна́са, чачипна́са;

2 Petr 1:7

дэвлыткиматыр сыкавэ́н пшалы́тко паты́в екх екхэ́скэ:

Колосянэнгэ 1:4

амэ шундя́м пал тумаро́ патяибэ́н дрэ Исусо́стэ Христосо́стэ и пал паты́в кэ яви́р мануша́, сави́ тумэ́ндэ исын кэ сарэ́ свэ́нта мануша́,

Galatenge 5:6

Пал-дова́ со, ке́ли амэ сам дро екхипэ́н Исусо́са Христосо́са, ни обчхиныбэн, ни наобчхыныбэн на мол ничы́, а саро́ смысло исын дро патяибэ́н, саво́ сыкавэ́ла пэс пир паты́в кэ яви́р мануша́.

Joannostir 17:21

соб (кай) ёнэ тэ явэ́н сарэ́ сыр екх, сыр Ту, Да́до, сан дрэ Ма́ндэ, и Мэ сом дрэ Ту́тэ, адя́кэ-паць Мэ и ёнэ тэ явэ́н дрэ Амэ́ндэ, мэк тэ упатял свэ́то, со Ту бичхадян Ман.

Psalmy 119:63

Мэ сом дру́го (мал) сарэ́нгэ, кон дарэ́ла Ту́тыр, и кодолэ́нгэ, савэ́ рикирэнапэ кэ Тырэ́ упхэныбэна́.

Psalmy 16:3

Свэ́нта дэвлы́тка мануша́ пэ пхув, савэ́ исын патяибнытка, – лэ́нгэ исын мири́ бари паты́в,

Матфеё 5:44

Нэ Мэ пхэна́ва тумэ́нгэ: сыкавэ́н паты́в пэ́скирэ вэргэ́нгэ, и мангэ́нпэ Дэвлэ́скэ пал одолэ́ндэ, савэ́ кошэна тумэн, кэрэ́н лачхипэ́н одолэ́нгэ, савэ́ древа́н на камэ́на тумэн и мангэ́нпэ Дэвлэ́скэ пал одолэ́ндэ, савэ́ нашукар отлыджанапэ кэ тумэ́ и традэ́на тумэн;

Римлянэнгэ 13:8

На явэ́н дро вужлыпэ́н ни конэ́стэ апри́ч сыр вужлыпэ́н тэ сыкавэ́н паты́в екх екхэ́скэ: пал-дова́ со, кон сыкавэ́ла паты́в пэ́скирэ пашатунэ́ манушэ́скэ, одова́ сполнинэла Зако́но.

Римлянэнгэ 13:10

Кон сыкавэ́ла паты́в, одова́ на кэрэ́ла чорипэ́н пашатунэ́ манушэ́скэ, пал-дова́ со, кон сыкавэ́ла паты́в, одова́ сполнинэла Зако́но.