Joannostir 13:18 - Библия - Пэ Балтитко Романи чиб (Романэс) 2019

¹⁸ Мэ на пал сарэ́ндэ тумэ́нгэ ракира́ва. Мэ джино́м (джина́в) одолэ́н, савэ́н Мэ выкэдыём; нэ мэк тэ сполнинэ́лпэ Свэ́нто Чхиныбэ́н: Одова́, кон ха́ла маро́ кхэтанэ́ Ма́нца, ґаздыя́ ґэро́й пэ Ма́ндэ.

Joannostir Svencono lačopheniben 1933 (Latvia)

¹⁸ Na sārendir tumendir rakirava; Me džinav, sajen vilijom. Ne mephečkirenpen Čhinibena: habnaskīro Mansa māro hadija pe Mange peskīro pīro (David. gili, 40, 10).

Biblija - Pe Baltitko Romani čib (Romanes) 2019

¹⁸ Me na pal sarénde tuménge rakiráva. Me džinóm (džináv) odolén, savén Me vykedyjom; ne mek te spolninélpe Svénto Čhinybén: Odová, kon xála maró khetané Mánca, ĥazdyjá ĥerój pe Mánde.

Joannostir 13:18 Referans Kwoze

Psalmy 41:9

“Чорипэ́н Велиаростыр пыя́ пэ лэ́стэ и ёв пасия́ и буты́р ёв на уштэ́ла”, – ёнэ ракирэ́на.

Матфеё 26:23

Ёв жа отпхэндя́: “Кон чхудя́ васт Ма́нца дро чаро́, кодова́ здэла Ман.

Joannostir 17:12

Ке́ли Мэ со́мас лэ́нца дро свэ́то, Мэ приракхавас лэн Тырэ́ лавэ́са; одолэ́н, савэ́н Ту дыя́н Ма́нгэ, Мэ приракхцём, и нико́н лэ́ндыр на хасия́ апри́ч чхавэ́стэ, савэ́скэ трэй тэ хасёл, мэк тэ сполнинэ́лпэ Свэ́нто Чхиныбэ́н.

Marko 14:20

“Екх дэшудуендыр”, – пхэндя́ Ису́со, – “одова́, кон кхэтанэ́ Ма́нца макинэла дро чаро́.

Joannostir 13:26

Ису́со отпхэндя́: “Одова́, конэ́скэ Мэ болавава котэ́р маро́ и подава”, и Ёв подыя котэ́р маро́ Юда́скэ, Симоноскирэ-Искариотоскирэ чхавэ́скэ.

Joannostir 6:70

Ису́со отпхэндя́ лэ́нгэ: “Ци на Мэ выкэдыём дэшудуен тумэн, нэ екх тумэ́ндыр исын на́лачхо.”

Joannostir 15:19

Ко́ли тумэ́ тэ явэ́н далэ́ свэто́стыр, тэды лэ́скэ явэ́нас дро́га тумэ́, сыр пэ́скирэ; нэ адя́кэ, сыр тумэ́ на сан далэ́ свэто́стыр, нэ Мэ выкэдыём тумэн далэ́ свэто́стыр, палдава́ тумэ́ сан на дро́га свэтоскэ.

Юдэ́нгэ 4:13

Нисо́ дро свэ́то, со Дэвэ́л создыя́, нанэ ґарадо Дэвлэ́стыр; нэ саро́ исын нанго и бицяло́ анги́л Лэ́скирэ якха́, анги́л Конэ́стэ амэ ява́са тэ отпхэнас пал саро́.

Joannostir 15:16

На тумэ́ выкэдынэ́ Ман, нэ дава́ Мэ тумэн выкэдыём, соб (кай) тумэ́ тэ джа́н и дэн барьякирдо́ и, соб (кай) барьякирдо́ тумаро́ тэ барьёл и тэды, пал со тумэ́ на помангэнас Мирэ́ Дадэ́с Мирэ́ лавэ́стыр, Ёв дэ́ла тумэ́нгэ.

Матфеё 10:36

манушэ́скирэ вэ́рги исын кодолэ́, савэ́ исын лэ́скирэ кхэрэ́стыр.

Sykadyipén 2:23

и Мэ мулякирава ла́кирэ чхавэ́н, соб (кай) сарэ́ кхангирья тэ джинэ́н, со Мэ сом Одова́, Кон джинэ́ла, со ману́ш думинэ́ла, и со ёв мангэ́ла, Мэ да́ва палэ кажнонэ́скэ тумэ́ндыр пир дова́, сави́ буты́ тумэ́ кэрдэ́.

Joannostir 21:17

И три́то мо́ло ракирэ́ла лэ́скэ Ису́со: “Симоне, Ианоскиро чхаво́! Ци сом Мэ дро́го Ту́кэ?” Пэ́три яця́ смэнтно, со дро три́то мо́ло Ису́со пхэндя́ лэ́скэ: “Ци сом Мэ дро́го ту́кэ?”, и ёв пхэндя́ Исусо́скэ: “Раё Дэ́вла! Ту саро́ джинэ́са; Ту джинэ́са, со Ту сан дро́го ма́нгэ.” Ису́со ракирэ́ла лэ́скэ: “Чара́в Мирэ́ бакрэ́н.

2 Коринфянэнгэ 4:5

Пал-дова́ со амэ на роспхэнаса пал пэ́стэ, а пал Христосо́стэ, амарэ́ Растэ-Дэвлэ́стэ, и амэ сам Христосо́скирэ писха́рья.

Ереме́ё 41:2

И о Исмаило, чхаво́ Нафанияскиро, и дэш мануша́, савэ́ сыс лэ́са, уштынэ́ и пэкадэ пэ мэрибэ́н Годолияс, чхавэ́с Ахикамоскирэс (ўнукос Сафаноскирос) куртала́са, и замардэ́ лэс, конэ́с Вавилоно́скиро кра́ли чхудя́ шэралэ́ ра́са пир дова́ тхэм (страна).

Матфеё 26:21

И ке́ли ёнэ ханас, Ёв пхэндя́: “Чачэс, Мэ ракира́ва тумэ́нгэ: Екх тумэ́ндыр здэла Ман.”

Marko 14:17

И ке́ли яця́ бэльвэ́ль, Ёв явдя́ дэшудуе́ сыкляибнытконэ́нца.

Marko 14:18

И ке́ли ёнэ сыс бэштэ́ пал сками́нд и ханас, Ису́со пхэндя́: “Чачэс, Мэ ракира́ва тумэ́нгэ: екх тумэ́ндыр здэла Ман, саво́ ха́ла Ма́нца.”

Luka 22:21

И дыкхэ́н: ада́й исын васт кодолэскиро, кон исын Ма́нца пал сками́нд, и саво́ бикнэла Ман;

Joannostir 13:21

Ке́ли Ису́со пхэндя́ дава́, Ёв древа́н пиридживэлас дро ило́ и досыкадя и выпхэндя: “Чачэс, чачэс Мэ ракира́ва тумэ́нгэ, со екх тумэ́ндыр здэла Ман.”

Joannostir 13:22

Тэды сыкляибны́тка, дыкхи́ екх пэ екхэ́стэ, на джиндлэ́, пал конэ́стэ Ёв ракирдя́.

Joannostir 15:25

Нэ мэк тэ кэрэ́лпэ лав, саво́ исын чхиндло́ дро лэ́нгиро Зако́но: ‘Ёнэ бидыкхэна Ман ни палсо́’.

Joannostir 18:32

мэк тэ сполнинэ́лпэ Исусо́скиро лав, саво́ пхэндя́ Ёв, савэ́ Ёв дэ́лас тэ ґалён, савэ́ мэрибнаса Ёв мэрэ́ла.

Joannostir 19:24

“Амэ на ява́са тэ кушас лэс, – пхэндлэ́ ёнэ екх екхэ́скэ, – а фэды́р чхурдаса кокалкицо, сыр жре́биё.” Мэк тэ сполнинэнпэ лава́, савэ́ исын чхиндлэ́ дро Свэ́нто Чхиныбэ́н: “Ёнэ роскэрдэ Мирэ́ ризы машки́р пэ́стэ и чхурдэнас жре́биё и пал Миро урибэ́н.” Адя́кэ и кэрдэ́ халадэ́.

Joannostir 19:36

Пал-дова́ со саро́ дава́ сыс, соб (кай) тэ сполнинэ́лпэ Свэ́нто Чхиныбэ́н: “Ни екх Лэ́скиро кокало на явэ́ла пхагирдо́.

Apostolengiri Butý 1:2

кэ/жы́ко дова́ дывэ́с, дро саво́ Ёв ґаздыя́пэ пэ болыбэ́н и дыя́ припхэныбэ́н пир Свэ́нто Ду́хо (Фа́но) одолэ́ Апостолэнгэ, савэ́н Ёв Кокоро́ выкэдыя́,

Apostolengiri Butý 1:16

“Мануша́лэ – Пшала́лэ! Трэиндя́ тэ сполнинэ́лпэ дова́, со сыс анги́л пхэндло́ дро Свэ́нто Чхиныбэ́н, дро саво́ Свэ́нто Ду́хо (Фа́но) ангилпхэндя пир Давидо́стэ пал Юда́стэ, саво́ сыс лыджаибнаскиро (вождё) одолэ́нгэ, савэ́ бикиндлэ Исусо́с.