Joannostir 13:13 - Библия - Пэ Балтитко Романи чиб (Романэс) 2019

¹³ Тумэ́ Ман кхарэ́на “Сыклякирибна́скиро” и “Дэвэ́л”, и мишто́ кэрэ́на, пал-дова́ со Мэ адасаво́ и Сом.

Joannostir Svencono lačopheniben 1933 (Latvia)

¹³ Tume dena goli Man Sikļakirbnaskīreske te Raske, te čačo rakirna tume; hai Me dova isom.

Biblija - Pe Baltitko Romani čib (Romanes) 2019

¹³ Tumé Man kharéna “Sykliakiribnáskiro” i “Devél”, i mištó keréna, pal-dová so Me adasavó i Som.

Joannostir 13:13 Referans Kwoze

Luka 6:46

Со тумэ́ кхарэ́н Ман, ‘Раё Дэ́вла! Раё Дэ́вла,’ а тумэ́ кокорэ́ на кэрэ́на дова́, со Мэ ракира́ва?

Filipiicenge 2:11

и, соб (кай) кажно чиб тэ ракирэ́л, со Рай Дэвэ́л, Ису́со Христо́со, исын Рай Дэвэ́л ваш Дэвлэ́скирэ-Дадэ́скири сла́ва.

1 Коринфянэнгэ 12:3

Палдава́ мэ упхэнава тумэ́нгэ, со ние́кх, кон ракирэ́ла Дэвлэ́скирэ Духо́са, на пхэнэ́ла кошыбэ́н пэ Христосо́стэ; адя́кэ-паць и ние́кх на пхэнэ́ла “Рай Дэвэ́л Ису́со”, ко́ли ёв на кэрэ́ла дава́ Свэнтонэ́ Духо́скирэ зорья́са.

Joannostir 11:28

И ке́ли Марфа пхэндя́ дава́, ёй чораханэ́с гия́ и кхардя́ пэскирья́ пхэня́ Мари́я, ракири́ ла́кэ: “Сыклякирибна́скиро исын ада́й, Ёв кхарэ́ла тут.”

Filipiicenge 3:8

И мэ гинава саро́ яви́р пал хасибэ́н ваш дова́, соб (кай) бутэды́р тэ уджинав мирэ́ Рас-Дэвлэ́с, Исусо́с Христосо́с, ваш Лэ́скэ мэ сарэ́стыр отпхэндёмпэ, мэ саро́ гинава пал шума (смети), соб (кай) ма́нгэ екх тэ явав дро екхипэ́н Христосо́са;

1 Коринфянэнгэ 8:6

нэ амэ́ндэ ж исын екх Дэвэ́л Дад, Саво́ создыя́ саро́ и ваш Савэ́скэ амэ дживаса; и исын екх Рай Дэвэ́л, Ису́со Христо́со, пир Савэ́стэ саро́ яця́ и пир Савэ́стэ амэ дживаса.

Jakov 2:19

Ту патя́са, со Дэвэ́л исын екх. Ту кэрэ́са миштэ́с. И аж налачхэ́ ду́хи патя́на и издрана.

Luka 10:28

Ису́со пхэндя́ Лэ́скэ: “Ту чачунэ́с отпхэндян, кэр адя́кэ, и ту явэ́са тэ дживэ́с.”

Luka 7:43

И отпхэндя́ Си́моно: “Мэ думинава, со кодова́, конэ́скэ ёв буты́р примангдя.” Ису́со пхэндя́ Лэ́скэ: “Чачэс ту пхэндя́н.”

Ереме́ё 1:12

Тэды пхэндя́ Рай Дэвэ́л ма́нгэ: “Ту миштэ́с дыкхэ́са. Мэ ракхава, соб (кай) миро лав тэ кэрэ́лпэ (сполнинэ́лпэ) дро чачипэ́н.”

Матфеё 20:28

адя́кэ сыр Чхаво́ Манушэ́скиро явдя́ на ваш дова́, соб (кай) Лэ́скэ тэ дынаринэ́л, нэ соб (кай) Ёв тэ дынаринэ́л и тэ отдэ́л Пэ́скиро джиибэ́н, сыр выкиныбэ́н пал бутэндэ.”

Joannostir 11:2

Мари́я, савьякиро пшал Лазарё сыс насвало́, сыс одоя-паць джувлы́, сави́ макця Рас-Дэвлэ́с миро́са и выкхосця Лэ́скирэ ґэра́ пэ́скирэ балэнца.

Joannostir 11:3

Палдова́ пхэня́ бичхадэ́ тэ пхэнэ́н Лэ́скэ: “Раё Дэ́вла! Ѓа́да, кон исын дро́го Ту́кэ, исын насвало́”

Эфесянэнгэ 6:9

И тумэ́, хулая́лэ, адя́кэ-паць отлыджанпэ шука́р кэ пэ́скирэ писха́рья и на страхакирэн лэн, джинэ́н, со дро Болыбна́скиро Раё исын Хула́й ваш лэ́нгэ и ваш тумэ́нгэ и Ёв кутякирэла шэра́ (ра́внэс) сарэ́ манушэ́н.