Joannostir 10:34 - Библия - Пэ Балтитко Романи чиб (Романэс) 2019

³⁴ Ису́со отпхэндя́ лэ́нгэ: “Ци нанэ чхиндло́ дрэ тумаро́ Зако́но: “Мэ пхэндём: ‘Тумэ́ сан дэвэла́?’”

Joannostir Svencono lačopheniben 1933 (Latvia)

³⁴ Iisusos otphendža lenge: te nāni hobi čhindlo an tumāro dopheniben: Me phendžom: tume Dēvela? (David. gili 82, 6.).

Biblija - Pe Baltitko Romani čib (Romanes) 2019

³⁴ Isúso otphendiá lénge: “Ci nane čhindló dre tumaró Zakóno: “Me phendjom: ‘Tumé san develá?’”

Joannostir 10:34 Referans Kwoze

Vygiiben 7:1

И Рай Дэвэ́л пхэндя́ Мойза́скэ: “Дыкх, Мэ чхудём тут дэвлэса фараоно́скэ, а Ааро́но, тыро́ пшал, явэ́ла тырэса пророкоса:

Psalmy 82:1

Асафоскиро Пса́лмо. Дэвэ́л исын тэрдо́ пэ Дэвлэ́скиро скэдыибэ́н, Ёв сэндякирэ́ла машки́р дэвлэндэ.

Vygiiben 4:16

и явэ́ла ёв тэ ракирэ́л заме́ст ту́тэ манушэ́нгэ; и адя́кэ ёв явэ́ла тырэ́ уштэ́нца, а ту явэ́са лэ́скэ заме́ст Дэвлэ́стэ;

Psalmy 138:1

Давидо́скиро Пса́лмо. Мэ ява́ва тэ парикира́в Ту́кэ сарэ́ мирэ́ илэ́стыр, мэ ява́ва тэ бага́в псалмы ту́кэ анги́л дэвлорэндэ.

Vygiiben 22:28

Сэндарьен на кош, и тхагарьен дрэ тырэ́ манушэ́ндэ на обракир.

Joannostir 8:17

Нэ и дро тумаро́ Зако́но исын чхиндло́, со дуенгирэ-манушэ́нгиро допхэныбэ́н исын чачуно́:

Joannostir 15:25

Нэ мэк тэ кэрэ́лпэ лав, саво́ исын чхиндло́ дро лэ́нгиро Зако́но: ‘Ёнэ бидыкхэна Ман ни палсо́’.

Joannostir 12:34

Мануша́ отпхэндлэ́ Лэ́скэ: “Амэ уджиндям Законо́стыр; со Христо́со на мэрэ́ла ние́кхвар; сыр Ту ракирэ́са, со Чхаво́ Манушэ́скиро явэ́ла ґаздыно́? И кон адава́ исын Манушэ́скиро Чхаво́?”

1 Коринфянэнгэ 14:21

Исын чхиндло́ дро Зако́но: “Мэ ява́ва тэ ракира́в адалэ́ манушэ́нца пэ яви́р чиба́ (чибья́) и явирэ уштэ́нца, нэ и тэды ёнэ на явэ́на тэ кандэ́н Ман, ракирэ́ла Рай Дэвэ́л.”

Joannostir 10:35

Ко́ли Ёв кхардя́ дэвлэнца одолэ́н, кэ савэ́ сыс Дэвлэ́скиро лав, а Свэ́нто Чхиныбэ́н на могинэ́ла тэ парудёл,