Joannostir 10:14 - Библия - Пэ Балтитко Романи чиб (Романэс) 2019

¹⁴ Мэ сом лачхо́ Чхупна́ри, и Мэ джино́м Мирэ́ бакрэ́н, и Мирэ́ бакрэ́ джинэ́на Ман.

Joannostir Svencono lačopheniben 1933 (Latvia)

¹⁴ Me isom pastuhos lačo; te džinav Mīren, te Mīre džinen Man.

Biblija - Pe Baltitko Romani čib (Romanes) 2019

¹⁴ Me som lačhó Čhupnári, i Me džinóm Miré bakrén, i Miré bakré džinéna Man.

Joannostir 10:14 Referans Kwoze

Joannostir 10:27

Мирэ́ бакрэ́ шунэ́на зан Мири́, и Мэ джино́м (джина́в) лэн, и ёнэ джа́на пал Ма́ндэ;

2 Ximaske 2:19

Нэ усае́кх зорало́ чачыпнаскиро фунда́менто, со Дэвэ́л чхудя́ анги́л, исын тэрдо́, пэ лэ́стэ исын чхуды́ чэргэнори́ чхиндлэ́ лавэ́нца: “Рай Дэвэ́л джинэ́ла Пэскирэн манушэ́н, кажно, кон рипирэла Ра́скирэ-Дэвлэ́скиро лав, мэк тэ дурьёл начачипнастыр.”

Joannostir 10:11

Мэ сом лачхо́ чхупна́ри: лачхо́ чхупна́ри отдэ́ла пэ́скиро джиибэ́н пал бакрэндэ:

1 Ian 5:20

Амэ джина́са, со Дэвлэ́скиро Чхаво́ явдя́ и дыя́ амэ́нгэ годы́, соб (кай) амэ тэ уджинас, кон исын чачуно́ Дэвэ́л, и соб (кай) амэ́нгэ тэ явас дро екхипэ́н чачунэ́ Дэвлэ́са, Лэ́скирэ Чхавэ́са, Исусо́са Христосо́са. Дава́ исын чачуно́ Дэвэ́л и ве́чно джиибэ́н.

Эфесянэнгэ 1:17

соб (кай) Дэвэ́л амарэ́ Ра́скирэ-Дэвлэ́скиро, Исусо́скиро Христосо́скиро, славу́тно Дад, тэ дэл тумэ́нгэ пир Ду́хо (Фа́но) годы́ и тэ сыкавэ́л, соб (кай) тумэ́ фэды́р тэ уджинэ́н Лэс,

Joannostir 17:3

А ве́чно джиибэ́н исын дро дова́, соб (кай) тэ джинэ́н Тут, Екхэ́с Чачипнаскирэ Дэвлэ́с, и Исусо́с Христосо́с, Савэс Ту бичхадян.

Psalmy 1:6

Пал-дова́ со Дэвэ́л джинэ́ла дром, пир савэ́ чачунэ́ мануша́ псирэ́на, а надэвлытка дрома́ хасёна.

Sykadyipén 2:2

“Мэ джино́м (джина́в) Тыри́ буты́ и сыр бут ту кэрдя́н буты́, и тыро́ вырикирибэн, и дова́, со ту на могинэ́са тэ пирилыджас чорэ́ манушэ́н, и со ту пропатякирдян кодолэ́н, савэ́ пхэнэ́на пэ пэ́стэ “Апо́столы” и савэ́ нанэ, со ту латхян, со ёнэ исын хохаибнарья;

2 Ximaske 1:12

Пал дава́ мэ и мэнчынавапэ какана́ адя́кэ; нэ мэ на ладжава далэ́стыр, пал-дова́ со мэ джино́м дрэ Конэ́стэ мэ упатяндыём и мэ зоралэ́с (твардэс) джино́м, со Ёв могинэ́ла тэ зракхэ́л дова́, со ёв ма́нгэ допатяндыя анги́л дова́ Дывэ́с, ке́ли Ёв явэ́ла.

Filipiicenge 3:8

И мэ гинава саро́ яви́р пал хасибэ́н ваш дова́, соб (кай) бутэды́р тэ уджинав мирэ́ Рас-Дэвлэ́с, Исусо́с Христосо́с, ваш Лэ́скэ мэ сарэ́стыр отпхэндёмпэ, мэ саро́ гинава пал шума (смети), соб (кай) ма́нгэ екх тэ явав дро екхипэ́н Христосо́са;

Эфесянэнгэ 3:19

и тэ ґалён, со исын барэды́р сарэ́стыр пэ свэ́то Христососкири ла́ска ваш дова́, соб (кай) Дэвэ́л тэ явэ́л сарэ́ пэ́скирэ пхэрдыпнаса дро тумаро́ джиибэ́н.

Joannostir 17:8

пал-дова́ со лав, саво́ Ту Ма́нгэ дыя́н, Мэ дыём лэ́нгэ, и ёнэ прилынэ́ лэс и чачунэ́с ґалынэ́, со Мэ явдём Ту́тыр, и ёнэ патя́на, со Ту бичхадян Ман.

Sykadyipén 2:19

Мэ джино́м тыри́ буты́, тыро́ лачхипэ́н кэ яви́р мануша́, и тыро́ патяибэ́н и тыри́ буты́ ваш Дэвлэ́скэ, и тыро́ вырикирибэн. Тыри́ буты́ какана́ исын буты́р кодолятыр, сави́ сыс ґарэдыр (вагэды́р).

Sykadyipén 2:13

Мэ джино́м тыри́ буты́, и, кай ту дживэса, одо́й, кай на́лачхо исын бэшто́ пэ пэ́скиро троно. Ту рикирэсапэ пал Миро лав и ту на отпхэндянпэ пэ́скирэ патяибнастыр дрэ Ма́ндэ аж дрэ долэ́ дывэса́, ке́ли Антипо, миро патяибнаскиро якхи́тко, сыс замардо машки́р тумэ́ндэ одо́й, кай на́лачхо дживэ́ла.

2 Коринфянэнгэ 4:6

Адава́ исын Дэвэ́л, Саво́ пхэндя́: “Тэ зяинэл дуд (свэ́то) цямлыпнастыр”, исын дова́-паць Дэвэ́л, Кон зачхудя дава́ дуд тэ зяинэл дро амаро́ ило́, соб (кай) амэ тэ ґалёвас Дэвлэ́скири ярко сла́ва, сави́ зяинэла Исусо́стыр Христосостыр.

Sykadyipén 3:15

Мэ джино́м (джина́в) тыри́ буты́, со ту на сан шылало, и со ту на сан хачкирдо. Фэды́р явэ́лас, соб (кай) ту тэ явэс хачкирдо ци шылало.

Sykadyipén 3:8

Мэ джино́м тыри́ буты́. Дыкх: Мэ чхудём анги́л ту́тэ псирадо вуда́р и никонэ́скэ нашты́ тэ пхандэл дава́ вуда́р. Ту́тэ исын на́бут зор, и ту зракхця́н Миро лав и ту на отпхэндянпэ Ма́ндыр.

Sykadyipén 2:9

Мэ джино́м (джина́в) тырэ́ рэ́нды (де́лы), тыро́ калыпэ́н (ту́га), нэ ту сан барвало́ и Мэ джино́м (джина́в), сыр калякирдэ тут одолэ́, савэ́ ракирэ́на, со ёнэ исын Юды и савэ́ нанэ, а ёнэ исын налачхэскирэ скэдынятыр (скедыибнастыр).

Isajos 53:11

Бахтало́ явэ́ла Ёв одолэ́стыр тэ дыкхэ́л, со кэрдя́ Лэ́скиро ди; Пэ́скирэ ґалыибнастыр Ёв, чачипна́скиро, писха́ри Миро, зракхэ́ла бут манушэ́н и грэ́хи лэ́нгирэ лыджа́ла пэ Пэ́стэ.

Sykadyipén 3:1

И чхин Янголоскэ Сардисоскирэ кхангирья́тыр: “Дава́ ракирэ́ла Одова́, Конэ́стэ исын эфта́ Дэвлэ́скирэ ду́хи и эфта́ чэргэня́: “Мэ джино́м (джина́в) тыри́ буты́, и со мануша́ дэн годы́ пэ́скэ (думинэ́на), со ту сан джидо́, нэ ту сан муло́.

Isajos 40:11

Сыр чхупна́ри Ёв ракхэ́ла Пэ́скирэ бакрэ́н; а бакрорэ́н лэ́ла Ёв пэ васта́ и явэ́ла тэ лыджа́л пэ Пэ́скиро колы́н, и савэ́ дэ́на тхуд тэ лыджа́л.

Naumo 1:7

О Рай Дэвэ́л исын лачхо́, и сы́рбы кхэр тэ гарадёл, сыр исын пхаро́ манушэ́скэ: Ёв джинэ́ла кодолэ́н, савэ́ допатяна Лэ́скэ.

Joannostir 10:13

Ёв исын на чхупна́ри, нэ ёв исын доракирдо пэ буты́ пал ловэ́, и ёв нашэла, и ёв на думинэ́ла пал бакрэндэ