Joannostir 10:11 - Библия - Пэ Балтитко Романи чиб (Романэс) 2019

¹¹ Мэ сом лачхо́ чхупна́ри: лачхо́ чхупна́ри отдэ́ла пэ́скиро джиибэ́н пал бакрэндэ:

Joannostir Svencono lačopheniben 1933 (Latvia)

¹¹ Me isom pastuhos lačo: lačo pastuhos dela pesko džīben vaše bakrenge.

Biblija - Pe Baltitko Romani čib (Romanes) 2019

¹¹ Me som lačhó čhupnári: lačhó čhupnári otdéla péskiro džiibén pal bakrende:

Joannostir 10:11 Referans Kwoze

Joannostir 15:13

Нанэ барэды́р долэ́ ласкатыр, ко́ли вари-кон отдэ́ла пэ́скиро джиибэ́н пал малэндэ.

Psalmy 23:1

Давидо́скиро Пса́лмо. Раё Дэ́вла, ми́ро Па́стырё (Чхупна́ри); ма́ндэ на явэ́ла трэ́бима ни дро со,

Sykadyipén 7:17

сыр Свэ́нто Бакроро́, Саво́ исын машкира́л троно, явэ́ла тэ чалякирэл лэн и тэ лыджа́л кэ ґанынгорья джидэ́-панескирэ. И Дэвэ́л выкхосэла кажно ясвин лэ́нгирэ якхэ́ндыр.”

Isajos 40:11

Сыр чхупна́ри Ёв ракхэ́ла Пэ́скирэ бакрэ́н; а бакрорэ́н лэ́ла Ёв пэ васта́ и явэ́ла тэ лыджа́л пэ Пэ́скиро колы́н, и савэ́ дэ́на тхуд тэ лыджа́л.

1 Ian 3:16

Амэ уджинаса пшалы́тко паты́в дро дава́, со Христо́со отдыя́ Пэ́скиро джиибэ́н пал амэ́ндэ; и амэ сам бангэ́ тэ отдас пэ́скиро джиибэ́н пал пшалэ́ндэ.

2 Kralip 24:17

И пхэндя́ Дави́до Ра́скэ-Дэвлэ́скэ, сыр дыкхця́ Янголо́с, саво́ мулякирэ́ла манушэ́н, ракири́: “Ѓа́да, мэ кэрдём грэ́хо, мэ кэрдём грэ́хо; а адалэ́ бакрэ́, со кэрдэ́ ёнэ?

Юдэ́нгэ 13:20

Дэвэ́л, Саво́ дэ́ла рама́нё (миро), Саво́ отджидякирдя́ мулэ́ндыр амарэ́ Рас-Дэвлэ́с, Исусо́с Христосо́с, Барэ́ Чхупнарис пир рат вечнонэ Заветостыр,

Езэкилё 34:23

И Мэ чхува́ва лэ́нгэ екхэ чхупнарис, саво́ явэ́ла тэ чаравэл лэн, Мирэ́ писхари́с Давидо́с, ёв явэ́ла тэ чаравэл лэн, ёв явэ́ла лэ́нгиро чхупна́ри.

Езэкилё 37:24

А Миро писха́ри, Дави́до, явэ́ла лэ́нгиро кра́ли и Чхупна́ри (Пасту́хо), ёнэ явэ́на тэ псирэ́н дрэ Мирэ́ припхэныбэна́, явэ́на тэ кэрэ́н пир Мирэ́ лава́.

1 Petr 5:4

И ке́ли явэ́ла Са́мо Барэды́р Пастырё (Чхупна́ри), Христо́со, тэды тумэ́ дорэсэ́на славакири коро́на, сави́ явэ́ла тэ зяинэл ве́чнэс.

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

Матфеё 20:28

адя́кэ сыр Чхаво́ Манушэ́скиро явдя́ на ваш дова́, соб (кай) Лэ́скэ тэ дынаринэ́л, нэ соб (кай) Ёв тэ дынаринэ́л и тэ отдэ́л Пэ́скиро джиибэ́н, сыр выкиныбэ́н пал бутэндэ.”

Заха́рия 13:7

О, Курта́ля! Ѓаздэпэ пэ пастырёстэ Мирэстэ и пэ сэмэнцатэ Мирьятэ, ракирэ́ла янголэ́нгирэ-болыбна́скиро Рай Дэвэ́л. Замар пастырёс, и роспрастанапэ бакрэ́! И Мэ протырдава васт Миро кэ тыкнэ́.

Isajos 53:6

Сарэ́ амэ, сыр бакря́ псирасас, гиям кажно пэ́скирэ дромэ́са, и Рай Дэвэ́л чхудя́ пэ Лэ́стэ грэ́хи, савэ́ сарэ́ амэ кэрдя́м.

Psalmy 80:1

Хоро́скирэ Дирижоро́скэ. Допхэныбэ́н пэ Лилиякири Мелодия. Асафоскиро Пса́лмо.

Mihiejo 5:4

И Ёв тэрдёла и Ёв явэ́ла тэ чаравэл Лэ́скирэ-бакрэнгири стада Ра́скирэ-Дэвлэ́скирэ зоралыпнаса, лавэскирэ райканыпнаса Ра́стыр-Дэвлэ́стыр, Лэ́скирэ Дэвлэ́стыр. И ёнэ ячэ́напэ тэ дживэ́н би дара́киро, пал-дова́ со Ёв явэ́ла Баро́ пэ яго́ры (пэ краи́) пхувья́кирэ.

Эфесянэнгэ 5:2

дживэ́н дрэ паты́в кэ яви́р мануша́, сыр и Христо́со сыкадя́ паты́в амэ́нгэ и отдыя́ Пэс пал амэ́ндэ, сыр гудло́ кхандыпэн и свэ́нто дыибэ́н, саво́ исын лачхо́ Дэвлэ́скэ.

Езэкилё 34:2

“Манушэ́скиро чхава! Пхэн пир лав ангилпхэныбэ́н пэ Израилёскирэ чхупнарьендэ (пастырендэ), пхэн пир лав ангилпхэныбэ́н, пхэн лэн, чхупнарьенгэ: Адя́кэ ракирэ́ла Рай Дэвэ́л, Дэвэ́л: ‘Бида Израилёскирэ чхупнарьенгэ, савэ́ кокорэ́ пэс чаравэнас! Ци на бакрэ́н трэй тэ чаравэн чхупнарьенгэ?

Joannostir 10:2

а одова́, саво́ заджа́ла дро вуда́р, исын чхупна́ри бакрэнгэ;