Joannostir 1:45 - Библия - Пэ Балтитко Романи чиб (Романэс) 2019

⁴⁵ Филипо латхя́ Нафанаилос и пхэндя́ лэ́скэ: “Амэ латхям Одолэ́с, пал Конэ́стэ Мо́йза чхиндя́ дро Зако́но и проро́ки – Исусо́с, Ёза́скирэ чхавэ́с Назаретостыр.”

Joannostir Svencono lačopheniben 1933 (Latvia)

⁴⁵ Fiļipos lačel Nafanailos, te rakirla leske: me lačam Doles, Konestir čhinenas Moisejos ano dopheniben te proroki, Iisusos, Josifoskīre čhāves, Nazaretatir.

Biblija - Pe Baltitko Romani čib (Romanes) 2019

⁴⁵ Filipo lathiá Nafanailos i phendiá léske: “Ame lathiam Odolés, pal Konéste Mójza čhindiá dro Zakóno i proróki – Isusós, Jozáskire čhavés Nazarietostyr.”

Joannostir 1:45 Referans Kwoze

Luka 24:27

И Ису́со лыя́ тэ роспхэнэл лэ́нгэ сарэ́ лылваря Свэнтонэ́ Чхиныбна́стыр Мойзастыр кэ пророкэ́нгирэ зачхиныбэна, со сыс пхэндло́ пал Лэ́стэ.

Mihiejo 5:2

“Нэ ту, Вифлее́мо-Ефрафэ! На дыкхи́ пэ дова́, со ту сыр фо́ро сан тыкно́ машки́р тысёнцы штэ́ты пэ Юдаскири пхув, ту́тыр явэ́ла Ма́нгэ Одова́, Савэ́скэ трэй тэ явэ́л Барэ́ Ра́са пэ Израилё; Савэскиро ро́до джа́ла ґаратунэ́ англыпна́стыр, вечнонэ дывэсэ́ндыр.”

Матфеё 2:23

И явдя́ ёв и лыя́ тэ дживэ́л кэ фо́ро Назарето, соб (кай) тэ кэрэ́лпэ пир дова́ лав, со проро́ко пхэндя́: “Со Лэ́скиро лав явэ́ла Назареё.”

Luka 24:44

И пхэндя́ Ёв лэ́нгэ: “Ѓа́да, исын долэ́ лава́, савэ́ Мэ пхэндём тумэ́нгэ, пака Мэ ишчо (инкэ́) со́мас тумэ́нца: со саро́, со исын чхиндло́ дро Мойза́скиро Зако́но и дрэ пророкэ́нгирэ зачхиныбэна и дрэ псалмы пал Ма́ндэ, трэй тэ сполнинэ́лпэ (тэ кэрэ́лпэ кэ ко́нцо/яго́ро).”

Isajos 7:14

Нэ кокоро́ Рай Дэвэ́л дэ́ла ґерты́к/ досыкаибэн тумэ́нгэ: акэ, э патывалы́ тэрны́ джувлы́ прилэ́ла и биянэ́ла чхавэ́с, и дэ́на Лэ́скэ лав: Эмануило.

Luka 4:22

И ёнэ сарэ́ прилынэ́ дава́ Лэ́стыр и дивиндэпэ пэ бахталыпэ́н лавэ́ндыр, савэ́ Ису́со ракирдя́ и ёнэ ракирдэ́: “Ци на Ёв исын Ёзаскиро Чхаво́?”

Заха́рия 9:9

Ра́дынпэ зоралэ́с бахтятыр, Сионо́скири чхай, дэ го́дла радыма́тыр, Ерусалимо́скири чхай: акэ, кра́ли тыро́ явэ́ла кэ ту, чачипна́скиро и зракхибнаскиро, ковлэ́-илытко, уклисто пэ ослицатэ и пэ тэрнэ́ ослостэ, савэскири дай псирдя́ тэло ґа́мо.

Isajos 9:6

Пал-дова́ со Бия́то бия́ндыя амэ́нгэ, чхаво́ исын дыно́ амэ́нгэ; Ёв лэ́ла зор дро Пэ́скиро васт, и дэ́на Лэ́скэ лав: Лачхо́ Годыпнари, зорало́ Дэвэ́л, Дад, конэ́стэ исын ве́чно джиибэ́н, далэ́-свэтоскиро Тхага́ри (Князё).

Заха́рия 6:12

и пхэн лэ́скэ: – “Адя́кэ ракирэ́ла янголэ́нгирэ-болыбна́скиро Рай Дэвэ́л: ‘Акэ, Мурш, – лав Лэ́скиро Отбарьякирибэн, Ёв барьёла Пэ́скирэ корнёстыр (рукхэстыр) и кэрэ́ла Кхангири́ Дэвлэ́скири.

Isajos 53:2

Ёв выбария анги́л Лэ́стэ сыр чарори, сыр отбарипэн шукэ́ пхувья́тыр; Ёв на выдыкхэлас, сыр ману́ш патывалэ́ минаса, на сыс дрэ Лэ́стэ барипэ́н; амэ Лэс дыкхцям, и Лэ́стэ на сыс дасаво, со б притырдыя амэн кэ Ёв.

Joannostir 18:7

Нэвэ́стыр Ёв пхуця́ лэ́ндыр: “Конэ́с тумэ́ родэ́на?” Ёнэ пхэндлэ́: “Исусо́с Назареёс.”

Isajos 4:2

Дро дова́ дывэ́с сыкавэлапэ дро шукарипэ́н и дрэ паты́в отбарипэн Ра́скирэ-Дэвлэ́скиро, а пхувитко барьякирдо́ (пло́до) – дрэ барипэ́н и шарибэ́н ваш одолэ́ Израильсконэ чхавэ́нгэ, савэ́ зракхнэпэ.

Džiibén 22:18

и явэ́на бахтякирдэ пир тыро́ ро́до сарэ́ пхувья́кирэ манушы́тка ро́ды, пал-дова́, со ту кандыян Мири́ зан.”

Marko 6:3

Ци дава́ на Ёв исын скаминда́ри, Марьякиро чхаво́, а пша́ла Лэ́стэ Яково, Ёза, Юда и Си́моно? И пхэня́ Лэ́скирэ исын ада́й.” Дава́ холякирдя лэн.

Матфеё 21:11

И ракирдэ́ мануша́: “Дава́ исын проро́ко Ису́со Галилеякирэ Назаретостыр.”

Džiibén 49:10

На отджала Юдастыр скипетро и законоскиро дыибнари лэ́скирэ трушулэндыр, кэ дава́ часо, пака явэ́ла Раманёскиро (Примирителё), и лэс явэ́на тэ кандэ́н мануша́.

Džiibén 3:15

И нараманё (намиро) кэра́ва Мэ машки́р ту́тэ и джувля́тэ, и машки́р ро́до тыро́ и ла́киро; ёв явэ́ла дро шэро́ тэ дукхавэл тут, а ту явэ́са тэ дукхавэс лэс дрэ пента (кхур).

Apostolengiri Butý 22:8

И мэ отпхэндём: “Кон Ту сан, Раё Дэ́вла?” И Ёв отпхэндя́ ма́нгэ: “Мэ сом Ису́со Назареё, Савэс ту традэса.”

Apostolengiri Butý 10:38

пал Исусо́стэ Назаретостыр: сыр Дэвэ́л дыя́ Свэ́нто Ду́хо (Фа́но) Лэ́скэ и зор, и, сыр Ёв псирдя́ пир сари́ пхув, кэрдя́ лачхипэ́н и састякирдя сарэ́н, савэ́ндэ сыс налачхэскири зор, пал-дова́ со Дэвэ́л сыс Лэ́са.

Joannostir 21:2

Си́моно Пэ́три сыс кхэтанэ́ Фамаса, Савэс кхарэнас “Близняко”, Нафанаило Канатыр Галилеякирьятыр, и Зеведеёскирэ чхавэ́, и дуй яви́р Лэ́скирэ сыкляибны́тка.

Luka 2:4

И Ёза (Иосифо) адя́кэ-паць гия́ Назаретостыр, саво́ исын дрэ Галиле́я кэ Юдэ́я дро фо́ро Вифлеэмо, саво́ кхарлапэ адя́кэ-паць “Давидо́скиро фо́ро”, пал-дова́ со ёв сыс Давидо́скирэ манушэ́ндыр и родо́стыр,

Marko 14:67

Ёй дыкхця́ Пэтрис, сыр ёв татёлас пашы́л яг, ракхибны́ткэс дыкхця́ пэ лэ́стэ и пхэндя́: “Ту жа са́нас адалэса Исусо́са Назаретостыр?”

Матфеё 13:55

На Ёв исын скаминдарискиро Чхаво́? На Лэ́скирэ Да кхарэ́на Мари́я, и пшалэ́н Лэскирэн Яково и Ёза и Си́моно и Юда?

Apostolengiri Butý 26:9

Мэ, чачо́, адя́кэ-паць думиндём, со проти Исусо́скирэ Назареёскиро лав ма́нгэ трэй бут со тэ кэра́в.

Apostolengiri Butý 3:6

Нэ Пэ́три пхэндя́: “Сувнака́й и руп ма́ндэ нанэ; нэ дова́, со ма́ндэ исын, мэ да́ва ту́кэ: ваш лав Исусо́скиро Христосо́скиро Назаретостыр, ушты́ и псир.”

Apostolengiri Butý 2:22

Мануша́лэ Израилёскирэ! Шунэ́н адалэ́ лава́: Исусо́скирэ Назареёскирэ, Манушэ́с, Савэс Дэвэ́л выкэдыя́ ваш тумэ́нгэ, и допхэндя тумэ́нгэ барэ́ Лэ́скирэ рэндэ́нца (делэнца), ґертыкэ́нца машки́р тумэ́ндэ, савэ́ тумэ́ кокорэ́ джинэ́на, и дава́ сыс анги́л тумарэ́ якха́.

Joannostir 19:19

Пила́то кэрдя́ подчхиныбэн и чхудя́ пэ трушу́л и одо́й сыс чхиндло́: “Ису́со Назареё, Юдэ́нгиро Кра́ли.”

Joannostir 18:5

Лэ́скэ отпхэндлэ́: “Исусо́с Назареёс.” Ису́со пхэндя́ лэ́нгэ: “Ѓа́да, сом Мэ.” О Юда, Лэ́скиро здыибнари, сыс тэрдо́ кхэтанэ́ лэ́нца.

Joannostir 6:42

Ёнэ ракирдэ́: “Ци дава́ Ису́со исын чхаво́ Ёзаскиро (Иосифоскиро), Савэскирэс Дадэ́с и Да амэ джина́са? Сыр Ёв могинэ́ла тэ ракирэ́л: “Мэ явдем болыбна́стыр?”

Luka 3:23

Ке́ли Ису́со лыя́ тэ кэрэ́л Дэвлэ́скири буты́, Лэ́скэ сыс трия́нда бэрш; и, сыр мануша́ думиндлэ, Ёв сыс Ёзаскиро (Иосифоскиро) Чхаво́,

Матфеё 10:3

Филипо и Варфаламеё; Тамашо и Матфеё, мытоскиро скэдыибнари, Алфеёскиро Яково и Фадеё,

Luka 2:48

Ке́ли Лэ́скирэ дада́ дыкхнэ́ Лэс, ёнэ здивиндлэпэ, и Лэ́скири Дай пхэндя́ Лэ́скэ: “Мро Чха́воро! Со Ту кэрдя́н амэ́нгэ? Ѓа́да, Тыро́ дад и Мэ барэ́ дукхаса родыям Тут.”

Joannostir 1:44

Филипо сыс Вифсаидатыр, екхэ форо́стыр Ендриса и Пэтриса.

Joannostir 6:5

Ису́со ґаздыя́ якха́ и дыкхця́, со бут мануша́ джа́на кэ Ёв, ракирэ́ла Филипоскэ: “Кай амэ́нгэ тэ кинас маро́, соб (кай) тэ чалякирас лэн?”

Joannostir 6:7

Филипо отпхэндя́ Лэ́скэ: “Дуй шэла́ динарья на ухты́лла (на́доси) лэ́нгэ пэ маро́, соб (кай) кажнонэ́скэ лэ́ндыр тэ дас пир котэ́р (куско).”

Joannostir 12:21

ёнэ подгинэ́ кэ Филипо, саво́ сыс одолэ́ штэто́стыр Вифсаидатыр, со исын дрэ Галиле́я, и мангнэ́ лэс, ракири́: “Раё! Амэ камас тэ дыкхас Исусо́с.”

Joannostir 14:8

Филипо пхэндя́ Лэ́скэ: “Раё Дэ́вла! Сыка́в амэ́нгэ Дадэ́с, и буты́р амэ́нгэ нисо́ на трэй.”

Luka 18:37

Ёнэ пхэндлэ́ лэ́скэ: “Ису́со Назаретостыр джа́ла.”