Joannostir 1:31 - Библия - Пэ Балтитко Романи чиб (Романэс) 2019

³¹ Мэ Лэс на джиндём, а мэ явдём ваш дова́ тэ болав дрэ пани́, соб (кай) Израилё тэ уджинэл пал Лэ́стэ.”

Joannostir Svencono lačopheniben 1933 (Latvia)

³¹ Me nadžindžom Les; ne vašo dova javdžom bolav ano paņing, sobi Jov jāl džindlo Izraiļenge.

Biblija - Pe Baltitko Romani čib (Romanes) 2019

³¹ Me Les na džindjom, a me javdjom vaš dová te bolav dre paní, sob (kaj) Izrailjo te udžinel pal Léste.”

Joannostir 1:31 Referans Kwoze

Малахия 3:1

“Акэ, Мэ бичхава́ва Мирэ́ Янголо́с (звесь-яныбнаскирэс), и ёв кэрэ́ла дром анги́л Ма́ндэ. О Рай Дэвэ́л, Савэс родэ́на тумэ́, явэ́ла кэ Пэ́скири Кхангири́, и Янго́ло (звесь-яныбнаскиро) пэ дава́ завето, Савэс камэ́на тумэ́: акэ, Ёв джа́ла”, – ракирэ́ла янголэ́нгирэ-болыбна́скиро Рай Дэвэ́л.

Luka 1:17

И ёв явэ́ла анги́л Растэ-Дэвлэ́стэ, зорья́са и духо́са сыр Или́я, и ёв кэрэ́ла рама́не (миро) машки́р дадэндэ и чхавэ́ндэ, рискирэ́ла пэ чачуно́ дром кодолэ́н, савэ́ на кандэ́на Дэвлэ́с, соб (кай) тэ скэдэл манушэ́н ваш Ра́скэ-Дэвлэ́скэ.”

Joannostir 1:33

Мэ на джиндём Лэс: нэ Одова́, Кон бичхадя́ ман тэ болав дро пани́, пхэндя́ ма́нгэ: “Пэ Конэ́стэ дыкхэ́са Ду́хо (Фа́но), Саво́ явэ́ла тэ джал тэлэ́ болыбна́стыр и ячэ́лапэ пэ Лэ́стэ, Ёв исын Кодова́, Кон явэ́ла тэ болэл Свэнтонэ́ Духо́са.”

Joannostir 1:7

Ёв явдя́ ваш дова́, соб (кай) тэ допхэнэл пал Христосо́стэ сыр пал Дуд (Свэ́то), соб (кай) пир Лэ́стэ сарэ́ тэ патя́н.

Матфеё 3:6

и ёв болдя лэн дро Иорда́но, пало́ дова́, сыр ёнэ приґалёнас пэ́скирэ грэ́хи.

Apostolengiri Butý 19:4

И пхэндя́ Па́вли: “Иа́но болдя болдэипнаса ваш рискирибэн кэ Дэвэ́л, ёв ракирдя́ манушэ́нгэ тэ патя́н дрэ Одолэ́стэ, Кон банго́ тэ явэ́л пал лэ́стэ, дрэ Исусо́стэ Христосо́стэ.”

Матфеё 3:13

Тэ́ньци явэ́ла Ису́со Галилеятыр кэ рэка (лэнь) Иорда́но кэ Иа́но, соб (кай) Иа́но тэ болэл Лэс.

Joannostir 1:30

Ѓа́да, исын Ёв, пал Конэ́стэ мэ ракирдём: “Пал ма́ндэ джа́ла Мурш, Саво́ яця́ анги́л ма́ндэ, пал-дова́, со Ёв сыс ґарэдыр Ма́ндыр.”

Joannostir 1:32

Иа́но допхэнэлас, ракири́: “Мэ дыкхцём Ду́хо (Фа́но), саво́ зджалас болыбна́стыр сыр голумбо, и Ёв яця́пэ пэ Лэ́стэ.