Joannostir 1:29 - Библия - Пэ Балтитко Романи чиб (Романэс) 2019

²⁹ Пэ яви́р дывэ́с Иа́но дыкхэ́ла Исусо́с, Саво́ джа́ла кэ ёв и ракирэ́ла: “Ѓа́да, исын Дэвлэ́скиро Свэ́нто Бакроро́, Саво́ лэ́ла пэ Пэ́стэ свэтоскиро грэ́хо.

Joannostir Svencono lačopheniben 1933 (Latvia)

²⁹ Ano vār dīves dikhela Ioannos javibnaskīres ke jov Iisusos, te rakirla: dik Davlesko Jerhos, Sav lela pe Peske svetoskīre grehi.

Biblija - Pe Baltitko Romani čib (Romanes) 2019

²⁹ Pe javír dyvés Iáno dykhéla Isusós, Savó džála ke jov i rakiréla: “Ĥáda, isyn Devléskiro Svénto Bakroró, Savó léla pe Péste svetoskiro grého.

Joannostir 1:29 Referans Kwoze

Isajos 53:7

Лэс марэнас, и притасавэнас, нэ Ёв выкэдыя́ тэ страдынэл, Ёв на откэрэлас Пэ́скирэ ушта́; сыр бакри Ёв гия́ пэ мэрибэ́н; сыр бакроро́ ничи́ на пхэнэ́ла, ко́ли злэнас лэ́скири вы́лна, адя́кэ Ёв Пэ́скирэ ушта́ на откэрэлас.

1 Ian 2:2

и Ёв исын Кодова́, Кон пирилыджия пхарипэ́н кэ мэрибэ́н Пэ́скирэ ратэ́са пал амарэ́ грэ́хи сы́рбы свэ́нто дыибэ́н, и на фэ́ни (то́ка) пал амарэ́, а адя́кэ-паць пал грэ́хи сарэ́ свэто́скирэ.

1 Ian 3:5

И тумэ́ джинэ́на, со Ёв явдя́ ваш дова́, соб (кай) тэ лэл амарэ́ грэ́хи, и со нанэ грэ́хо дрэ Лэ́стэ.

1 Petr 1:19

а тумэ́ сан выкиндлэ дрогонэ́ Христосо́скирэ Ратэ́са, Саво́ сыс сыр Свэ́нто Бакроро́, Конэ́стэ на сыс банг и дош.

2 Коринфянэнгэ 5:21

Пэ Христосо́стэ, Савэ́стэ на сыс грэ́хо, Дэвэ́л чхудя́ сарэ́ амарэ́ грэ́хи сыр свэ́нто отдыибэ́н, соб (кай) амэ тэ ячаспэ чачунэнца анги́л Дэвлэ́стэ пир Христосо́стэ.

1 Petr 2:24

Христо́со Кокоро́ Пэ́скирэ Масэнца ґаздыя́ амарэ́ грэ́хи пэ трушу́л, соб (кай) амэ тэ явас мулэ́ ваш грэ́хо и тэ джива́с пир чачипэ́н: Лэ́скирэ фра́нсы (раны) высастякирдэ тумэн.

Юдэ́нгэ 1:3

а Чхаво́, Саво́ зяинэла Дадэ́скирэ слава́са, сыкавэ́ла Пэ́са чачипэ́н пал Дэвлэ́стэ, и рикирэ́ла Пэ́скирэ зоралэ́ лавэ́са саро́ свэ́то, и ке́ли Ёв выжужакирдя́ сарэ́ амарэ́ грэ́хи, тэды бэсця́ пир чачи́ риг Дэвлэ́скирэ Барипнастыр дро Болыбна́скиро Раё.

Isajos 53:11

Бахтало́ явэ́ла Ёв одолэ́стыр тэ дыкхэ́л, со кэрдя́ Лэ́скиро ди; Пэ́скирэ ґалыибнастыр Ёв, чачипна́скиро, писха́ри Миро, зракхэ́ла бут манушэ́н и грэ́хи лэ́нгирэ лыджа́ла пэ Пэ́стэ.

Sykadyipén 6:1

И мэ дыкхцём, ке́ли Свэ́нто Бакроро́ отпхандя пэ́рво чэргэнори́ эфта́ (эфтанэ) чэргэнорьендыр и мэ шундём сыр екх штарэ́ джидалэндыр пхэндя́ дасавэ́ заня́са сыр громо: “Яв и дыкх!”

Sykadyipén 12:11

И амарэ́ пша́ла лынэ́ упралыпэ́н пэ лэ́стэ свэнтонэ́ Бакрорэ́скирэ ратэ́са и лавэ́са лэ́нгирэ допхэныбнэндыр и ёнэ на дэ́нас чол (цэниндлэ) пэ́скиро джиибэ́н буты́р мэрибна́стыр.

Galatenge 3:13

Христо́со выкиндя амэн Законо́скирэ прокошыбнастыр, ке́ли Ёв лыя́ Законоскиро прокошыбэ́н пэ Пэ́стэ, сыр исын чхиндло́ дро Зако́но: “Кажно ману́ш, кон исын убладо пэ кашт, тэ явэ́л тэл Дэвлэ́скиро прокошыбэ́н”,

Joannostir 1:36

Дыкхи́ Исусо́с, Саво́ джа́лас пашы́л, ёв пхэндя́: “Ѓа́да, исын Свэ́нто Бакроро́ Дэвлэ́скиро.”

Sykadyipén 7:17

сыр Свэ́нто Бакроро́, Саво́ исын машкира́л троно, явэ́ла тэ чалякирэл лэн и тэ лыджа́л кэ ґанынгорья джидэ́-панескирэ. И Дэвэ́л выкхосэла кажно ясвин лэ́нгирэ якхэ́ндыр.”

Apostolengiri Butý 8:32

А штэ́то, саво́ ёв гиндя Свэнтонэ́ Чхиныбна́стыр, сыс дасаво: “Сыр бакрэ́с яндлэ́ Лэс пэ замарибэн, и сыр бакроро́ анги́л манушэ́стэ, саво́ лэс обчхинэла, Ёв на отчхакирдя́ Пэ́скирэ ушта́.

Sykadyipén 17:14

Ёнэ явэ́на тэ марэ́нпэ проти Свэнтонэ́ Бакрорэстэ и Свэ́нто Бакроро́ лэ́ла упралыпэ́н пэ лэ́ндэ, пал-дова́ со Ёв исын Кра́ли Кралье́ндыр, Рай Дэвэ́л ра́ндыр, кхэтанэ́ пэ́скирэ выкэдынэ́ и патяибнытконэ манушэ́нца, савэ́ исын пашы́л Лэ́стэ.

Sykadyipén 15:3

И ёнэ баганас Мойзаскири гилы́, Дэвлэ́скирэ писхарискири, и Свэнтонэ́ Бакрорэскири гилы́, пхэни́: “Савэ барэ́ и ди́вна тырэ́ бутя́, Раё Дэ́вла, Сарэзорья́киро! Тырэ́ дрома́ исын чачунэ́ и чачипнаскирэ, Кра́ли манушэ́нгиро!

Sykadyipén 14:1

И мэ дыкхцём и, акэ, Свэ́нто Бакроро́ исын тэрдо́ пэ бэ́рга Сио́но, и сыс Лэ́са шэл тэ штардэша́ штар тысёнцы манушэ́н, савэ́ндэ Лэ́скиро лав и Лэ́скирэ-Дадэ́скиро лав сыс чхиндлэ́ пэ чэкат.

Sykadyipén 7:14

И мэ пхэндём лэ́скэ: “Раё Миро, Ту ж джинэ́са.” И ёв пхэндя́ ма́нгэ: “Дава́ исын кодолэ́ мануша́, со явнэ́ барэ́ страдицостыр (бидатыр), вымордэ пэ́скирэ урибэна́ и парнякирдэ лэн Свэнтонэ́ Бакрорэскирэ ратэ́са.

1 Petr 3:18

пал-дова́ со и Христо́со, соб (кай) тэ янэл амэн кэ Дэвэ́л, е́кхвар мыя́ пал амарэ́ грэ́хи, чачуно́ пал начачунэндэ, Лэ́скирэ Маса́ сыс отдынэ́ пэ мэрибэ́н, а Лэ́скиро Ду́хо (Фа́но) сыс рискирдо кэ джиибэ́н;

Sykadyipén 19:9

И Янго́ло пхэндя́ ма́нгэ: “Зачхин: ‘Бахталэ́ исын одолэ́, савэ́н кхардэ́ пэ Свэнтонэ́-Бакрорэ́скиро бьяв.’” И Ёв ишчо (инкэ́) допхэндя: “Ѓа́да, исын чачунэ́ Дэвлэ́скирэ лава́.”

Sykadyipén 14:10

кодова́ явэ́ла тэ пьел Дэвлэ́скирэ-холякири мол, со исын нарозлыджими пане́са дрэ кучик Лэ́скирэ зорьякири! Кон создыя́ дава́, явэ́ла тэ мэнчынэлапэ дрэ яг и дрэ се́ра (дзэвэ́ля) анги́л свэнтонэ́ Янголэндэ и анги́л Свэнтонэ́ Бакрорэстэ.

Sykadyipén 13:8

И сарэ́, кон дживэ́ла пэ пхув, явэ́на тэ клонинэнпэ патыва́са далэ́ рискирибна́скирэ мурдалэскэ, кон исын на зачхиндло́ дрэ джиибна́скири лылвари́, сави́ исын Свэнтонэ́ Бакрорэстэ, Саво́ сыс мулякирдо свэто́скирэ англыпна́стыр.

Joannostir 3:16

Дэвлэ́скэ адя́кэ яця́ дро́го свэ́то, со Ёв отдыя́ Пэ́скирэ Екхэбияныпнытконэ Чхавэ́с, соб (кай) кажно, кон явэ́ла тэ патял дрэ Лэ́стэ, тэ на хасёл, а тэ явэ́л лэ́стэ ве́чно джиибэ́н.

Sykadyipén 19:7

Явэ́н тэ радынаспэ и ява́са древа́н ра́да; барьякираса Лэс слава́са, пал-дова́ со явдя́ Свэнтонэ́-Бакрорэскиро бьяв, и Лэ́скири джувлы́ приготовиндя пэс!”

Sykadyipén 14:4

Дава́ исын мануша́, савэ́ на магирдэ́ пэс джувле́нца; ёнэ сыс на́романдунэ мурша́. Ёнэ джа́нас пала́л пал Свэнтонэ́ Бакрорэ́стэ, карик на джа́лас Ёв. Ёнэ сыс выкиндлэ машки́р манушэ́ндэ, и ёнэ исын пэ́рва мануша́ пхувья́тыр ваш Дэвлэ́скэ и Свэнтонэ́ Бакрорэскэ.

Sykadyipén 5:8

И ке́ли Ёв лыя́ сви́тко, штар джидалэ (жывотна) и биш тэ штар годэпхурэ́ пынэ́ пэ чанга́ анги́л Свэнтонэ́ Бакрорэстэ. Кажнонэ́стэ лэ́ндыр сыс гусли и сувнакунэ́ тахтая́ (чашы), савэ́ сыс пхэрдэ́ фимиамоса дрогонэ́-смолакирэ тхувипнаса (фимиамоса), со исын патерья (молитвы), ке́ли свэ́нта мангэ́напэ Дэвлэ́скэ.

Sykadyipén 1:5

и Исусо́стыр Христосостыр, Саво́ исын патяибны́тко Якхи́тко (Свидетелё), Саво́ исын Пэ́рво, кон уштыя́ мулэ́ндыр и Саво́ исын Барыдыро́ пэ кралье́ндэ пир пхув. Лэ́скэ, Савэ́скэ яця́м дро́га амэ, Ёв отмэкця́ амарэ́ грэ́хи Пэ́скирэ ратэ́са,

Sykadyipén 21:9

И ґа́да, екх эфта́ (эфтэ) Янголэ́ндыр, савэ́ндэ сыс эфта́ тахтая́ (чашы), со сыс пхэрдэ́ эфта́ палатунэ́ франсэ́нца, подги́я кэ, мэ и пхэндя́: “Яв! Мэ сыкава́ва ту́кэ тэрня́ Свэнтонэ́-Бакрорэ́скирья ромня́!”

Sykadyipén 6:16

и ёнэ ракирэ́нас бэргэнгэ и скалэнгэ: “Пэрэн пэ амэ́ндэ и гаравэн амэн якхэ́ндыр Одолэ́стыр, Саво́ исын бэшто́ пэ троно, и Свэнтонэ́ Бакрорэскирэ холя́тыр,

Titoske 2:14

Саво́ отдыя́ Пэс пал амэ́ндэ, соб (кай) Ёв тэ зракхэ́л амэн сарэ́ начачунэ рэндэ́ндыр, тэ кэрэ́л амэн жужэ́ манушэ́нца, соб (кай) амэ тэ явас екх Лэ́скирэ манушэ́нца, савэ́ древа́н тырдэнапэ тэ кэрэ́н лачхипэ́н.

Sykadyipén 21:27

Ни саво́ магирдо́, и кодова́, кон кэрэ́ла джунгалыпэ́н (брыткима) и хохавэла нашты́ тэ заджа́л дро дава́ фо́ро, а екх одова́, кон исын зачхиндло́ дрэ джиибна́скири лылвари́ Бакрорэстэ.

1 Ian 4:10

Акэ, дро со пшалы́тко паты́в исын: дава́ нанэ, со амэ́нгэ яця́ дро́го Дэвэ́л, а дава́ исын, со Лэ́скэ яця́м дро́га амэ и Ёв бичхадя́ Пэ́скирэ Чхавэ́с тэ страдынэл (тэ пирилыджал пхарипэ́н) кэ мэрибэ́н пал амарэ́ грэ́хи.

1 Ximaske 2:6

Саво́ отдыя́ Кокоро́ Пэс, сыр выкиныбэ́н пал сарэ́ манушэ́ндэ, Ёв сыс Дэвлэ́скиро допхэныбэ́н свэтоскэ, саво́ сыс дыно́ дро пэ́скиро часо;

1 Коринфянэнгэ 15:3

Палдава́ мэ роспхэндём тумэ́нгэ англэды́р сарэ́стыр дова́, со мэ адя́кэ-паць прилыём, со Христо́со мыя́ пал амарэ́ грэ́хи, сыр исын пир Свэ́нто Чхиныбэ́н;

Матфеё 20:28

адя́кэ сыр Чхаво́ Манушэ́скиро явдя́ на ваш дова́, соб (кай) Лэ́скэ тэ дынаринэ́л, нэ соб (кай) Ёв тэ дынаринэ́л и тэ отдэ́л Пэ́скиро джиибэ́н, сыр выкиныбэ́н пал бутэндэ.”

Sykadyipén 5:6

И мэ дыкхцём Свэнтонэ́ Бакрорэс, Саво́ сыс сы́рбы нагара зачхиндло́ машки́р троно и штар джидалэндэ и годэпхурэндэ. Свэнтонэ́ Бакрорэстэ сыс эфта́ шынга́ (ро́ги) и эфта́ якха́, савэ́ исын эфта́ Дэвлэ́скирэ Ду́хи и сыс бичхадэ́ пир сари́ пхув.

Юдэ́нгэ 9:28

адя́кэ-паць и Христо́со сыс е́кхвар яндло сыр свэ́нто дыибэ́н пал бутэ́-манушэ́нгирэ грэ́хи. Нэ Ёв явэ́ла яви́р мо́ло кэ одолэ́, савэ́ древа́н ужакирэ́на Лэс тэ зракхэ́л лэн, нэ на ваш дова́, соб (кай) тэ отмэкэ́л грэ́хи.

Galatenge 1:4

Саво́ отдыя́ Пэс Кокоро́ пал амарэ́ грэ́хи, соб (кай) тэ зракхэ́л амэн далэ́ хоханэ́ свэто́стыр пир Дэвлэ́скирэ-Дадэ́скири во́ля,

Apostolengiri Butý 13:39

и дрэ саро́, дрэ со тумэ́ на могиндлэ́ тэ явэ́н зракхнэ́ Мойза́скирэ Законоса, кажно ману́ш, кон патя́ла, ячэ́ла чачипна́скиро пир Исусо́стэ Христосо́стэ.

Матфеё 1:21

ёй биянэ́ла Чхавэ́с, ту дэ́са Лэ́скэ лав Ису́со, пал-дова́ со Ёв зракхэ́ла Пэ́скирэ манушэ́н грэхэ́ндыр.”

Sykadyipén 21:14

Форо́скиро ты́но рикирдяпэ пэ дэшуду́й тэлатунэ́ бара́, пэ савэ́ сыс дэшуду́й лава́ Свэнтонэ́-Бакрорэ́скирэ Апостолэ́ндыр.

Юдэ́нгэ 2:17

Ваш дава́ Христосо́скэ трэиндя́ тэ явэ́л адасаво́-паць, сыр Лэ́скирэ пша́ла, соб (кай) ёв тэ явэ́л лачхэ́-илэ́скиро и чачуно́ Англатуно́ Раша́й тэ дынаринэ́л анги́л Дэвлэ́стэ, соб (кай) Ёв тэ отмэкэ́л манушэ́нгирэ грэ́хи;

Левито 10:17

“Со́скэ тумэ́ на ханэ́ свэ́нта дыибэна́ пал грэ́хо пэ свэ́нто штэ́то? Пал-дова́ со ёй исын бари свэнтыма, и ёй дыны́ тумэ́нгэ, соб (кай) тэ лэн пэ пэ́стэ грэ́хи манушэ́ндыр и тэ жужакирэн лэн анги́л Дэвлэ́стэ;

Osija 14:2

О Израиле! Рисёв палэ кэ Рай Дэвэ́л, тыро́ Дэвэ́л, пал-дова́ со ту обштадянпэ ґэрьяса пал пэ́скиро чорипэ́н.

Vygiiben 28:38

и явэ́ла ёй пэ Аароноскиро шэро́, и лыджа́ла пэ пэ́стэ Ааро́но яныбнаскирэ надо ухтылыбэна, ке́ли высвэнцынэнас Израилёскирэ чхавэ́ндыр, и сарэ́ да́ры, савэ́ ёнэ янэ́нас; и явэ́ла ёй саро́ часо пэ лэ́скиро шэро́, соб (кай) ёнэ тэ латхэ́н ла́ска анги́л Растэ-Дэвлэ́стэ.

Čysly 18:23

мэк Леви́ты тэ кэрэ́н рашаитко буты́ дрэ скэдыибна́скири ша́тра и тэ лыджа́н пэ пэ́стэ лэ́нгиро грэ́хо. Дава́ явэ́ла упхэныбэ́н пэ ве́ки дрэ тумарэ́ ро́ды; машки́р Израилёскирэ чхавэ́ндэ ёнэ на дорэсэ́на миштыпна́скири ме́ра;

Čysly 18:1

И пхэндя́ Рай Дэвэ́л Аароно́скэ: “Ту и тырэ́ чхавэ́ и кхэр тырэ́-дадэ́скиро ту́са лыджа́на пэ пэ́стэ отпхэныбэ́н пал бизладо пэ свэ́нто штэ́то: и ту и тырэ́ чхавэ́ ту́са лыджа́на пэ пэ́стэ грэ́хо пал бизладо пэ тумаро́ свэ́нто штэ́то.

Čysly 7:27

екхэ гуруво́рэс, екхэ бакрэ́с, екхэ екхэ-бэршытконэ бакрорэс, ваш цэ́ло схачкирибэ́н,

Isajos 53:10

Нэ сыс Ра́скирэ-Дэвлэ́скири во́ля, соб (кай) Лэс тэ марэ́н кэ калэ́ маса́; Ёв отдыя́ Лэс пэ мэ́ньки; ко́ли ж Лэ́скиро ди янэ́ла свэ́нто дыибэ́н, соб (кай) тэ отмэкэнпэ грэ́хи, то Ёв удыкхэ́ла Пэ́скиро ро́до анги́л, и Ра́скирэ-Дэвлэ́скири во́ля явэ́ла тэ кэрэ́лпэ Лэ́скирэ вастэ́са.

Заха́рия 13:1

Дро дова́ дывэ́с псиравэлапэ (откэрэлапэ) ґанынгори ваш Давидо́скиро кхэр и Ерусалимо́скирэ манушэ́нгэ, соб (кай) тэ выморэн (тэ халавэн криг) лэ́ндыр грэ́хо и кажно мэлалыпэн.

Joannostir 1:35

Пэ яви́р дывэ́с Иа́но нэвэ́стыр (нэвэ́с) сыс тэрдо́ дуе Пэ́скирэ сыкляибнытконэ́нца.

Joannostir 1:43

Пэ яви́р дывэ́с Ису́со кэдыяпэ тэ джал кэ Галиле́я. Одо́й Ёв стрэниндя (пирилыя) Филипос и ракирэ́ла лэ́скэ “Джа́ пал Ма́ндэ.”

Joannostir 2:1

Пэ три́то дывэ́с сыс бьяв дрэ Кана́, сави́ сыс дрэ Галиле́я, и Исусо́скири Дай сыс одо́й.

Joannostir 4:42

Ёнэ пхэндлэ́ одолэ́ джувля́кэ: “Какана́ амэ патя́са на екхэ тырэ́ лавэнгэ, со ту амэ́нгэ роспхэндян. Амэ шундя́м кокорэ́ Лэс и джина́са, со Ёв исын чачуно́ свэтоскиро Зракхибнари.”

Joannostir 6:51

Мэ сом джидо́ маро́, саво́ явдя́ болыбна́стыр; кон явэ́ла тэ хал Миро маро́, одолэ́ манушэ́скэ дэ́лапэ ве́чно джиибэ́н; маро́, саво́ Мэ да́ва, исын Мири́ лоч (маса́), савэ́ Мэ отда́ва, соб (кай) свэ́то тэ дживэ́л.”

Čysly 7:39

екх гуруворо (телянто), екх бакро, екх екхэ-бэршытко бакроро́, ваш цэ́ло схачкирибэ́н;

Čysly 21:9

И кэрдя́ Мо́йза харкунэ́ сапэс и чхудя́ лэс пэ вучо́ кило, и сыс адя́кэ: и ке́ли сап дандырэлас манушэ́с, ёв, дыкхи́, пэ харкунэ́ сапэстэ, ячэ́лапэ джидо́.