Jakov 5:20 - Библия - Пэ Балтитко Романи чиб (Романэс) 2019

²⁰ мэк тэ джинэ́л одова́ ману́ш, со кодова́ ману́ш, кон рискирэлас палэ кэ Дэвэ́л грэхитконэ́ манушэ́с, ёв зракхэ́ла лэс мэрибна́стыр, и бут лэ́скирэ грэ́хи явэ́на гарадэ́.

Biblija - Pe Baltitko Romani čib (Romanes) 2019

²⁰ mek te džinél odová manúš, so kodová manúš, kon riskirelas pale ke Devél grehitkoné manušés, jov zrakhéla les meribnástyr, i but léskire gréhi javéna garadé.

Jakov 5:20 Referans Kwoze

1 Petr 4:8

а буты́р сарэ́стыр сыкавэ́н паты́в екх екхэ́скэ сарэ́ илэ́стыр, пал-дова́ со паты́в зачхакирэла бут грэ́хи;

Pritčy 10:12

Зорало́ накамибэн ґаздэ́ла кошыбэ́н, паты́в кэ яви́р мануша́ зачхакирэла сарэ́ грэ́хи.

1 Ximaske 4:16

Дыкх цямкэс пал пэ́скиро джиибэ́н и сыклякирибэ́н, кэр дава́ саро́ часо, ко́ли ту адя́кэ явэ́са тэ кэрэ́с, зракхэ́са пэс и кодолэ́ манушэ́н, савэ́ шунэ́на тут.

Римлянэнгэ 11:14

ци на ґазда́ва мэ зэвлыныпэ́н дрэ мирэ́ пшалэ́ндэ, савэ́ исын ма́нгэ пир рат, соб (кай) тэ зракхав вари-савэ́ лэ́ндыр?

Pritčy 11:30

Чачипэ́н исын джиибна́скиро кашт (дрэ́во) сы́рбы пхабай и годо́ ману́ш притырдэла дия́.

Jakov 5:19

Пшала́лэ мирэ́, ко́ли вари-кон тумэ́ндыр змарэлапэ чачунэ́ дромэ́стыр, нэ яви́р ману́ш рискирэ́ла лэс палэ кэ Дэвэ́л,

Jakov 1:15

пало́ дава́ злыджаибэн, саво́ на трэй, и саво́ лыджа́ла кэ грэ́хо, саво́ явэ́ла кэрдо́ и саво́ лыджа́ла кэ мэрибэ́н.

1 Коринфянэнгэ 9:22

Мэ яцём сы́рбы бизорья́киро дро патяибэ́н ваш одолэ́нгэ, конэ́стэ нанэ зорало́ патяибэ́н ваш одова́, соб (кай) ма́нгэ тэ кэдав одолэ́н, конэ́стэ нанэ зорало́ патяибэ́н. Ваш сарэ́ манушэ́нгэ мэ кэрдёмпэ сы́рбы кажнонэса лэ́ндыр ваш дова́, соб (кай) ма́нгэ тэ зракхав вари-конэ́с, сыр фэ́ни сашты́.

Pritčy 11:4

Барвалыпэ́н на дэ́ла ни саво́ лачхипэ́н дро хасибны́тко дывэ́с, нэ чачипэ́н зракхэ́ла мэрибна́стыр.

Psalmy 32:1

Давидо́скиро Пса́лмо. Сыклякирибэ́н. Бахтало́ исын кодова́ ману́ш, савэскиро чорипэ́н исын примангло, конэ́скиро грэ́хо исын отмэкно.

Joannostir 5:24

Чачэс, чачэс Мэ ракира́ва тумэ́нгэ: одова́, кон шунэ́ла Миро Лав и патя́ла Кодолэ́скэ, Кон бичхадя́ Ман, лэ́стэ исын ве́чно джиибэ́н и ёв пэ сэ́ндо на явэ́ла, ёв какана́ пиригия мэрибна́стыр дро джиибэ́н.

Pritčy 10:2

Кучипэна (сокровишчы), со дорэсэ́на чорэ́ рэндэ́ндыр, на янэ́на лачхипэ́н, нэ чачипэ́н зракхэ́ла мэрибна́стыр.

Filimon 1:19

Мэ, кокоро́ Па́вли, чхиндём дава́ мирэ́ вастэ́са, мэ плэскирава ту́кэ саро́: ма́нгэ трэй тэ пхэна́в ту́кэ пал дова́, со ту и кокоро́ сан банго́ ма́нгэ пал тыро́ нэво́ джиибэ́н, ке́ли ту упатяндыян дрэ Христосо́стэ.

Sykadyipén 20:6

Бахталэ́ и свэ́нта исын одолэ́, савэ́нгэ явэ́ла штэ́то дро пэ́рво отджидыипэн мэрибна́стыр. Яви́р мэрибэ́н на явэ́ла тэ рикирэ́л зор пэ лэ́ндэ, а ёнэ явэ́на рашая́ Дэвлэ́скэ и Христосо́скэ, и ёнэ явэ́на тэ кралинэн Лэ́са бар бэрш.

Pritčy 17:9

Кон учхакирэ́ла налачхэ́ рэ́нды, одова́ родэ́ла рама́нё (миро): нэ кон ракирэ́ла палэ пал дова́, кодова́ дурьякирэла фэды́р малэн (другэн).

1 Коринфянэнгэ 1:21

Палдава́ Дэвэ́л пир Пэ́скиро годыпэ́н кэрдя́ адя́кэ, соб (кай) мануша́ тэ на ґалён Дэвлэ́с пэ́скирэ годя́са би патяибнаскиро; Дэвлэ́скэ сыс лачхо́ тэ зракхэ́л одолэ́н, савэ́ патя́на, пир пхэныбнытко лав, саво́ исын сы́рбы дылныпэ́н.

Jakov 1:21

Ваш дава́ отчхувэн пэ́стыр сарэ́ ладжавэ кэ магирипэ́н рэ́нды и песьцёныма, савэ́ ишчо (инкэ́) ячнэ́пэ андрэ́ тумэ́ндэ и прилэ́н лав ковлэ́ илэ́са, саво́ мэкця́ корнё (рукх) дро тумаро́ ило́ и могинэ́ла тэ зракхэ́л тумэн.

Jakov 5:15

и мангипэ́н Дэвлэ́скэ патяибна́са высастякирэла насвалэс и Дэвэ́л кэрэ́ла зоралэса лэс; а ко́ли ёв кэрдя́ грэ́хи, тэды саро́ явэ́ла отмэкно лэ́скэ.