Jakov 5:13 - Библия - Пэ Балтитко Романи чиб (Романэс) 2019

¹³ Ци вари-кон тумэ́ндыр мэнчынэлапэ? Мэк ёв тэ мангэ́лпэ Дэвлэ́скэ. Ци исын вари-кон радо тумэ́ндыр? Мэк ёв тэ багал псалмы.

Biblija - Pe Baltitko Romani čib (Romanes) 2019

¹³ Ci vari-kon tuméndyr menčynelape? Mek jov te mangélpe Devléske. Ci isyn vari-kon rado tuméndyr? Mek jov te bagal psalmy.

Jakov 5:13 Referans Kwoze

Psalmy 50:15

И кхар Ман дрэ дывэса́, ке́ли Ту́тэ исын бари дар, и Мэ зракха́ва тут, и ту барьякирэса кэ вучипэ́н Ман.”

Эфесянэнгэ 5:19

сыклякирэ́н екх екхэ́с псалмэнца, бахталэ́ лавэ́нца и Дэвлытконэ́ гиленца, бага́н и славинэ́н Рас-Дэвлэ́с сарэ́ илэ́стыр,

Jona 2:2

Тэ́ньци мангдя́пэ о Ёна Ра́скэ-Дэвлэ́скэ, лэ́скирэ Дэвлэ́скэ китоскирэ пэрэстыр.

Юдэ́нгэ 5:7

Ке́ли Христо́со дживдя́ пэ пхув, Ёв барэ́ годла́са и ясвэ́нца мангдя́ и мангдя́пэ Дэвлэ́скэ, Кон могиндя́ тэ зракхэ́л Лэс мэрибна́стыр. Дэвэ́л шундя́ Лэс пал Лэ́скири дар анги́л Лэ́стэ;

Jona 2:7

Мэ догиём кэ бэргэнгиро дугно (дно): пхув пэ́скирэ штабэнца закэрдяпэ пал ма́ндэ; нэ Ту, Раё Дэ́вла, миро Дэ́вла, лыджиян джидэс миро ди яври́ люностыр (адостыр).

Osija 6:1

Дрэ смэнтныма пэ́скири ёнэ пэ зло́ко (ра́нко) явэ́на тэ родэ́н Ман и тэ ракирэ́н: ‘Явэ́н, и рисёваса амэ кэ Рай Дэвэ́л: пал-дова́ со Ёв дукхадя, и Ёв састякирэла амэн; Ёв пэкадя́ амэн, и Ёв пирипхандэла амарэ́ фра́нсы (раны).

Sykadyipén 14:3

И ёнэ баганас нэви́ гилы́ анги́л троно и анги́л штарэ́ джидалэндэ (жывотнонэндэ) анги́л годэпхурэндэ. И нико́н на могиндя́ тэ сыклёл дая́ гилы́ апри́ч кадалэ́ шэл тэ штардэша́-штар-шэла́ тысёнцы манушэ́ндэ, савэ́н Христо́со выкиндя сарэ́ манушэ́ндыр пэ пхув.

Luka 22:44

Исусо́стэ сыс пхаро́ пэ ило́ и Ёв зоралэ́с мангдя́пэ Дэвлэ́скэ. Лэ́скири кхамлын (пото) сыс, сыр ратэскирэ капли (чолыня), со пэрэнас пэ пхув

Матфеё 26:30

И ке́ли ёны багандлэ шардытко гилы́ Дэвлэ́скэ, то тэды гинэ́ пэ Оливи́тко (Елеоноскири) бэ́рга.

Дание́лё 5:4

Пинэ́ мол, славиндлэ дэвэла́ (дэвлорэн), сувнакунэ́, рупунэ, харкунэ́, саструнэ́, каштунэ и барунэ́.

Psalmy 118:5

Мэ кхардём Рас-Дэвлэ́с барэ́ дара́тыр (дарьятыр), Ёв отпхэндя́ ма́нгэ и вылыджия́ пэ баро́ штэ́то.

Psalmy 91:15

Ёв прикхарэла Ман и Мэ отпхэнава лэ́скэ, Мэ ява́ва лэ́са, ке́ли явэ́ла пхаро́ лэ́скэ, Мэ зракха́ва лэс и Мэ ява́ва тэ кутякирав лэс.

Sykadyipén 7:10

И ёнэ дэ́нас го́дла зоралэ́ заня́са и пхэнэнас: “Зракхибэ́н явэ́ла амарэ́ Дэвлэ́стыр, Саво́ исын бэшто́ пэ троно и Свэнтонэ́ Бакрорэстыр.”

1 Коринфянэнгэ 14:26

Со ж тэды, пшала́лэ? Ке́ли тумэ́ могинэ́на тэ скэдэ́нпэ кхэтанэ́, кажнонэ́ манушэ́стэ исын, ци пэ́скиро пса́лмо, ци сыклякирибэ́н, ци сыкадыипэн (откэрибэн) Дэвлэ́стыр, ци тэ пирипхэнэл дова́, со исын пхэндло́ пэ наджиндлы чиб, мэк саро́ дава́ тэ явэ́л, соб (кай) тэ подрикирэн патяибнаскирэн дро патяибэ́н.

Luka 23:42

И ёв пхэндя́ Исусо́скэ: “Пририпир пал ма́ндэ, Ису́се, ке́ли Ту явэ́са сыр Кра́ли тэ хулаинэс?”

Mihiejo 4:5

Сарэ́ мануша́ псирэ́на и мангэ́напэ лавэ́са лэ́нгирэ дэвлорэндыр, нэ амэ ява́са тэ псирас, и мангаспэ Ра́скирэ-Дэвлэ́скирэ лавэ́са, амарэ́ Дэвлэскирэса пэ сарэ́ ве́ки.

Psalmy 105:2

Бага́н Лэ́скэ, бага́н псалмы Лэ́скэ, розлэн сарэ́ Лэ́скирэ ди́вна бутя́.

Psalmy 95:2

явэ́н тэ заджа́н анги́л Лэ́стэ шарибнаса, явэ́н тэ радынаспэ зоралэ́с псалмэнца анги́л Лэ́стэ.

Psalmy 18:6

Дарья (дара) исын люностыр (адостыр) трусця́л ма́ндэ, мэрибнаскирэ фэля́ облынэ ман.

Ióvo 33:26

Ёв явэ́ла тэ мангэ́лпэ Дэвлэ́скэ, и Дэвэ́л прилэ́ла лэс ласкаса, и ёв явэ́ла тэ дэл паты́в анги́л Лэ́стэ барэ́ радыма́са, пал-дова́ со Дэвэ́л рискирэ́ла палэ лэ́скиро чачипэ́н.

1 Паралипоменоно 16:9

бага́н Лэ́скэ, башавэн псалмы Лэ́скэ; ракирэ́н пал сарэ́ Лэ́скирэ ди́вы;

Isajos 65:14

Мирэ́ писха́рья явэ́на тэ радынэ́нпэ, а тумэ́ явэ́на ладжакирдэ́; ёнэ явэ́на тэ бага́н илэ́скирэ радыма́тыр, а тумэ́ явэ́на тэ годлэн илэ́скирэ дукхатыр, и заровэна пхагирдэ́ духо́стыр.

1 Коринфянэнгэ 14:15

Со ж тэды? Мэ ява́ва тэ мангавпэ Дэвлэ́скэ Свэнтонэ́ Духо́са, нэ мэ адя́кэ-паць ява́ва тэ мангавпэ Дэвлэ́скэ годя́са; мэ ява́ва тэ бага́в Свэнтонэ́ Духо́са, нэ мэ адя́кэ-паць ява́ва тэ бага́в годя́са.

Jakov 5:10

Пшала́лэ мирэ́, сыклён пророкэндыр, сыр ёнэ страдындлэ и сыр ґара́ ёнэ ужакирдэ, савэ́ ракирдэ́ Дэвлэ́скирэ лавэ́стыр.