Jakov 5:1 - Библия - Пэ Балтитко Романи чиб (Романэс) 2019

¹ Какана́ шунэ́н тумэ́, барвалэ́ мануша́лэ, ровэ́н и годлэн зоралэ́с анги́л хасибэ́н, саво́ явэ́ла пэ тумэ́ндэ.

Biblija - Pe Baltitko Romani čib (Romanes) 2019

¹ Kakaná šunén tumé, barvalé manušále, rovén i godlen zoralés angíl xasibén, savó javéla pe tuménde.

Jakov 5:1 Referans Kwoze

Pritčy 11:28

Кон зоралэ́с патя́ла дро пэ́скиро барвалыпэ́н, одова́ пэрэ́ла, нэ чачунэ́ мануша́ явэ́на най шука́р сыр патря (листы) пэ кашт (дрэ́во).

Ереме́ё 9:23

Адя́кэ, ракирэ́ла Рай Дэвэ́л: “Мэк годо́ ману́ш тэ на барьякирэл пэс пэ́скирэ годыпнаса (годя́са), мэк зорало́ ману́ш тэ на барьякирэл пэс пэ́скирэ (шарэлпэ) зорья́са; и мэк барвало́ ману́ш тэ на барьякирэл пэс (тэ на шарэлпэ) пэ́скирэ барвалыпнаса:

Pritčy 11:4

Барвалыпэ́н на дэ́ла ни саво́ лачхипэ́н дро хасибны́тко дывэ́с, нэ чачипэ́н зракхэ́ла мэрибна́стыр.

Jakov 1:11

Пал-дова́ со уштэ́ла кхам и шутькирэла чар пэ́скирэ хачкирибнаса, и ла́кирэ лулудя́ (цвэты) пэрэ́на, и саро́ шукарибэн хасёла, адя́кэ-паць и хасёла барвало́ ману́ш сарэ́са, со ёв кэрдя́.

Mihiejo 6:12

Барвалэ́ мануша́ далэ́ форо́стыр исын древа́н начачунэ [нахрата-ю.о.], и кодолэ́ сарэ́, кон дживэ́ла дро дава́ фо́ро, хохавэнас, и чиб лэ́нгири исын хоханы дро лэ́нгирэ ушта́.

Софония 1:18

Ни лэ́нгиро руп, ни сувнака́й нашты́ (на змогинэна) тэ зракхэн лэн дро дова́ дывэ́с барэ́ Ра́скирэ-Дэвлэ́скирэ холынатыр. Лэ́скирэ-зэвлыныпнаскири яг ха́ла сарэ́са сари́ пхув, пал-дова́ со Ёв янэ́ла сы́гэс ко́нцо (яго́ро) пэ сарэ́ндэ, кон дживэ́ла пэ пхув.

Isajos 13:6

Ровэ́н, джа́ла Ра́скирэ-Дэвлэ́скиро дывэ́с, джа́ла, сыр зор, сави́ пхагирэ́ла саро́, Сарэзорьякирэстыр.

Jakov 4:13

Какана́ шунэ́н тумэ́, савэ́ ракирэ́на: “Ададывэ́с ци атася́ традаса кэ дасаво фо́ро, и ява́са тэ джива́с одо́й екх бэрш, и ява́са тэ кофаринас и явэ́ла амэ́ндэ саро́;

Jakov 2:6

А тумэ́ ладжакирдэ́ чорорэс. Ци на сан тумэ́ тэл барвалэнгири зор, и ци на ёнэ тырдэна тумэн тэл сэ́ндо?

Яви́р Зако́но 32:15

И тхулыя Израилё, и яця́ пхарэ́-илытко; яця́ тхуло, зоралыя и ростхулыя; и ячкирдя́ ёв Дэвлэ́с, Саво́ создыя́ лэс, и лыя́ на́бут тэ кутякирэл Лэс, Саво́ выракхця лэс.

Ioil 1:11

Ладжан тумэ́, кон сан пхувья́кирэ бутярнэ́, тугинэн ровибнаса, тумэ́, кон сан винаградарья, пир парно́ гив и ґэрсто (ячменё), пал-дова́ со фэлдакирэ гива́ хасинэ́.

Ioil 1:5

Джангадён, матымарьялэ, и ровэ́н киркэс, и тугинэн ровибнаса, сарэ́, кон пьела мол (вино) пал бродно (винаграды́тко) со́ко (хум), пал-дова́ со ёв исын отлыно тумарэ́ уштэндыр.

Езэкилё 19:2

И пхэн: ‘Со за шчэрица (львица) исын тыри́ дай? Дживэлас ёй машки́р шчэрэндэ, и машки́р тэрнэ́ шчэрэндэ барьякирэлас пэ́скирэ тыкнэн.

Ереме́ё 4:8

Палдава́ подпхандэнпэ жалобнонэ гонэса, обровэн и ровэ́н годла́са: пал-дова́ со Ра́скирэ-Дэвлэ́скиро холякирибэ́н, на рисия́ амэ́ндыр.

Jakov 4:9

Пиридживэн кэ хасибэ́н, тугинэн зоралэ́с и ровэ́н, мэк тумаро́ сабэн тэ рисёл кэ тумэ́ дрэ ясва, тумари́ ра́дыма дрэ туча.

Ioil 1:13

Подпхандэнпэ жалобнонэ балытконэ гонэса, и ровэ́н зоралэ́с тумэ́, кон сан рашая́: тугинэ́н ровибнаса, тумэ́ кон кэрэ́ла Дэвлэ́скири буты́ анги́л алта́рё. Явэ́н, пасён сари́ рат, дрэ жалобна балытка гонэ́ тумэ́, кон кэрэ́ла буты́ мирэ́ Дэвлэ́скэ; пал-дова́ со буты́р на янэ́на свэ́нто дыибэ́н гивэстыр и тхадуно свэ́нто дыибэ́н дрэ Кхангири́ тумарэ́ Дэвлэ́скири.

Psalmy 17:14

манушэ́ндыр Тырэ́ вастэ́са, Раё Дэ́вла, манушэ́ндыр свэто́стыр, конэ́стэ исын саро́, со ёнэ камэ́на. Лэ́нгиро пэр Ту пхэрдякирэса Пэ́скирэ пиралятыр, ёнэ радынэ́напэ пэ́скирэ чхаворэндыр, и ёнэ ячкирэна пэ́скиро миштыпэ́н чхаворэнгэ.

Isajos 15:3

Пэ вули́цы (га́сы) лэ́нгирэ обпхандэнапэ балытконэ гонэса, пэ лэ́нгирэ барэ́ дрома́ [пэ форуня́-р.с.] и пэ стрэхи сарэ́ ровэна, саро́ исын дрэ ясва.

Езэкилё 30:2

“Манушэ́скиро чхава! Пхэн пир лав ангилпхэныбэ́н и пхэн: адя́кэ ракирэ́л Рай Дэвэ́л, Дэвэ́л: ‘Ровэ́н! О! бибахтало́ дывэ́с, ай!