Jakov 4:6 - Библия - Пэ Балтитко Романи чиб (Романэс) 2019

⁶ Нэ Дэвэ́л дэ́ла барэды́р бахтякирибэ́н. Пал-дова́ со и исын пхэндло́: “Дэвлэ́скэ исын на дро́га пхутькирдэ́, а Ёв бахтякирэ́ла напхутькирдэ манушэ́н.”

Biblija - Pe Baltitko Romani čib (Romanes) 2019

⁶ Ne Devél déla baredýr bahtiakiribén. Pal-dová so i isyn phendló: “Devléske isyn na dróga phut'kirdé, a Jov bahtiakiréla naphut'kirde manušén.”

Jakov 4:6 Referans Kwoze

Матфеё 23:12

Нэ дова́, кон ґаздэ́ла пэс, лэс Дэвэ́л чхувэ́ла тэлэды́р, а кон чхувэ́ла пэс тэлэды́р, кодолэ́с Дэвэ́л ґаздэ́ла вучэды́р.

Pritčy 3:34

Ёв салапэ холямэс одолэ́ндыр, кон салапэ холямэс явирэндыр, нэ Ёв дэ́ла бахталыпэ́н одолэ́нгэ, савэ́ исын на пхутькирдэ́.

1 Petr 5:5

Адя́кэ-паць, тэрнэ́ мануша́лэ, кандэ́н пэ́скирэ годэпхурэн, явэ́н ковлэ́-илы́тка екх кэ екх, на шарэ́н пэс екх анги́л явирэ́стэ, пал-дова́ со Дэвэ́л исын проти одолэ́ндэ, кон гинэ́ла пэс вучэды́р явирэндыр, а одолэ́нгэ, кон на шарэла пэс, Ёв дэ́ла васт.

Pritčy 18:12

Ману́ш задэлапэ анги́л хасякирибэн, и напхутькирибэн янэ́ла паты́в.

Psalmy 138:6

Мэк Рай Дэвэ́л исын вучэ́с, нэ Ёв дыкхэ́ла тэлэ́ пэ одолэ́ндэ, савэ́ кандэ́на Лэс, а пхутькирдэс Ёв пинджкирэла дурипнастыр.

Pritčy 29:23

Кон пхутёла, кодова́ пэрэ́ла тэлэ́, нэ напхутькирдо дро ду́хо (фа́но) ману́ш дорэсэ́ла паты́в.

Pritčy 22:4

Кон кандэ́ла, и дарэ́ла Ра́стыр-Дэвлэ́стыр, кодова́ дорэсэ́ла барвалыпэ́н, паты́в и джиибэ́н.

Luka 14:11

пал-дова́ со кажно, кон ґаздэ́ла пэс, лэс Дэвэ́л чхувэ́ла тэлэды́р, а кон чхувэ́ла пэс тэлэды́р, кодолэ́с Дэвэ́л ґаздэ́ла вучэды́р.’”

Isajos 2:17

Пэрэ́ла манушэ́скиро пхутькирибэ́н, пэрэ́ла манушэ́нгиро вучипэ́н, екх Рай Дэвэ́л явэ́ла вучо́ дрэ дова́ дывэ́с.

Ióvo 22:29

Ко́ли манушэ́н чхурдэна тэлэ́, ту пхэнэ́са: “Ѓаздэнпэ!” И Дэвэ́л зракхэ́ла напхутькирдэ манушэ́н.

Luka 18:14

Мэ пхэна́ва тумэ́нгэ, ёв гия́ кхэрэ́ буты́р чачунэса, пал-дова́ со Дэвэ́л буты́р отмэкця́ лэ́скирэ грэ́хи, сыр кодова́ Фарисеё. Пал-дова́ со кажно ману́ш, кон ґаздэ́ла пэс кокоро́, Дэвэ́л чхувэ́ла лэс тэлэды́р, а кон чхувэ́ла пэс кокоро́ тэлэды́р, кодолэ́с Дэвэ́л ґаздэ́ла вучэды́р.”

Isajos 57:15

Пал-дова́ со адя́кэ ракирэ́ла Вучо́, Вучэ́с ґаздыно́, Саво́ дживэ́ла ве́чнэс, Лэ́скиро лав исын “Свэ́нто”: “Мэ джива́ва пэ вучо́ болыбэ́н и пэ свэ́нто штэ́то и адя́кэ-паць одолэ́ манушэ́нца, конэ́скиро ду́хо (фа́но) исын пхагирдо́, и кон исын на пхутькирдо, соб (кай) тэ отджидякирав ду́хо (фа́но), кон на пхутькирдо, и тэ отджидякирав илэ, конэ́стэ ду́хо (фа́но) исын пхагирдо́.

Luka 1:52

Ёв радя тэлэ́ зоралэн лэ́нгирэ тронэндыр и ґаздыя́ упрэ́ кандунэ манушэ́н;

Pritčy 15:33

Кон дарэ́ла Ра́стыр-Дэвлэ́стыр, одова́ сыклёла годыпнаскэ, и анги́л, сыр тэ дорэсэл паты́в, трэй тэ явэ́л напхутькирдэса.

2 Паралипоменоно 33:12

И сыр лэс притасадэ, то ёв лыя́ тэ рискирэ́л ило́ кэ Рай Дэвэ́л, лэ́скирэ Дэвэ́л, и хор чхудэ́ пэс тэлэды́р (змириндяпэ) анги́л пэ́скирэ дадэнги́рэ Дэвлэ́стэ.

1 Kralip 2:3

На ракирэ́н бут пхутькирдэ́ лава́; налачхэ́ лава́ мэк тэ на выджа́н тумарэ́ уштэндыр; пал-дова́ со Рай Дэвэ́л исын дыкхиб-наскиро Дэвэ́л, и рэ́нды Лэ́стэ сыкадэ.

2 Паралипоменоно 34:27

адя́кэ, сыр ковлыя ило́ тыро́, и ту чхудя́н пэс тэлэды́р (змириндянпэ) анги́л Дэвлэ́стэ, ке́ли шундя́н Лэ́скирэ лава́ пал дава́ штэ́то и пал лэ́скирэ манушэ́ндэ, – и ту чхудя́н пэс тэлэды́р анги́л Ма́ндэ, и роскустян пэ́скирэ и́ди, и рондян анги́л Ма́ндэ, тэды и Мэ шундём тут, ракирэ́ла Рай Дэвэ́л.

2 Паралипоменоно 32:26

Нэ, сыр чхудя́ пэс тэлэды́р Езэки́я дро пхутькирибэ́н пэ́скирэ и лэ́скиро, – кокоро́ и мануша́ Ерусалимо́скирэ, то на явдя́ пэ лэ́ндэ Ра́скирэ-Дэвлэ́скири холы́ дрэ Езэкияскирэ дывэса́.

Матфеё 13:12

кодолэ́скэ, савэ́стэ исын, явэ́ла дыно́ и явэ́ла лэ́стэ бут бут, а конэ́стэ нанэ, кодолэстыр лэ́лапэ криг кодова́ на́бут, со исын лэ́стэ.

2 Паралипоменоно 33:23

И на чхудя́ ёв пэс тэлэды́р (змириндяпэ) анги́л Ра́скирэ-Дэвлэ́скиро муй, сыр чхудя́ пэс тэлэды́р Мана́сия, лэ́скиро дад; нэ пэ проти, Амоно кэрдя́ буты́р пэ́скирэ грэ́хи.

Vygiiben 18:11

кана́ мэ уджиндём, со Рай Дэвэ́л исын баро́, вучэды́р сарэ́ дэвлорэндыр, дрэ дова́-паць, со́са ёнэ шардэпэ вучэды́р пэ Израильтянэндэ.”

Isajos 54:7

Мэ ячкирдём пэ на́бут тут, нэ барэ́ тангипнаса (жалимаса) Мэ прилава тут палэ.

Psalmy 9:12

Бага́н и шарэ́н Рас-Дэвлэ́с, Саво́ кралинэла пэ Сио́но! Пхэнэ́н сарэ́ нацыенгэ, со Ёв кэрдя́.

2 Паралипоменоно 33:19

И лэ́скири па́тери (моли́тва), и дова́, со Дэвэ́л пришундяпэ кэ ёв, и сарэ́ лэ́скирэ грэ́хи и лэ́скиро чорипэ́н, и штэ́ты, пэ савэ́ ёв кэрдя́ вучипэна́ и чхудя́ фигуры Астартакэ и вычхиндлэ́ муя́, англэды́р, сыр ёв лыя́ тэ кандэл (примириндяпэ), исын зачхиндлэ́ дрэ Хозаёскирэ чхиныбэна.

Jakov 4:10

Чхувэ́н пэс тэлэды́р анги́л Дэвлэ́стэ, и Ёв ґаздэ́ла вучэ́с тумэн.