Jakov 4:3 - Библия - Пэ Балтитко Романи чиб (Романэс) 2019

³ Мангэна и на дорэсэ́на, пал-дова́ со тумэ́ мангэна на пэ лачхэ́ рэ́нды, нэ ваш дова́, соб (кай) тэ розмэкэн ваш пэ́скирэ маса́.

Biblija - Pe Baltitko Romani čib (Romanes) 2019

³ Mangena i na doreséna, pal-dová so tumé mangena na pe lačhé réndy, ne vaš dová, sob (kaj) te rozmeken vaš péskire masá.

Jakov 4:3 Referans Kwoze

1 Ian 5:14

И ґа́да, исын муршыпэн, саво́ исын амэ́ндэ дрэ Дэвлэ́стэ, со ко́ли амэ мангаса вари-со пир Лэ́скири во́ля, Ёв шунэ́ла амэн.

1 Ian 3:22

И со амэ тэ на помангас Лэ́стыр, явэ́ла дыно́ амэ́нгэ, пал-дова́ со амэ ракхаса Лэ́скирэ припхэныбэна́ и кэра́са дова́, со исын пир ило́ Дэвлэ́скэ.

Jakov 4:1

Каты́р явэ́ла марибэ́н пал лава́ и чингарда́ машки́р тумэ́ндэ? Ци дава́ на тумарэ́ масэнгирэ тырдыпнастыр, саво́ марэлапэ андрэ́ тумэ́ндэ?

Mihiejo 3:4

Тэ́ньци ёнэ явэ́на тэ прикхарэн зоралэ́с Рас-Дэвлэ́с, нэ Ёв на отпхэнэ́ла лэ́нгэ [на явэ́ла тэ шунэ́л лэн-р.с.], и Ёв гаравэла пэ́скиро муй лэ́ндыр пэ дова́ часо, пал дова́, со ёнэ кэрдэ́ бибахталэ́ рэ́нды.

Pritčy 15:8

Рай Дэвэ́л рикирлапэ дрэ риг свэ́нто дыибэ́н, со фуй мануша́ янэ́на, нэ ёв зоралэ́с радынэ́лапэ мангипнастыр, саво́ кэрэ́на дэвлы́тка мануша́.

Pritčy 21:13

Кон запхандэла кан, ке́ли чороро́ ману́ш дэ́ла го́дла, кодова́ адя́кэ-паць явэ́ла тэ дэл го́дла чорорипнастыр и лэс на явэ́на тэ шунэ́н.

Ióvo 35:12

Ёнэ годлэна роибнаса, нэ Дэвэ́л на отпхэнэ́ла лэ́нгэ пир-дова́, со ёнэ исын бибахталэ́ и пхутькирдэ́.

Заха́рия 7:13

И сыс: сыр Ёв обрисёлас, а ёнэ на шунэнас, адя́кэ и ёнэ обрисёнас, а Мэ на шунавас,” – ракирэ́ла янголэ́нгирэ-болыбна́скиро Рай-Дэвэ́л.

Luka 15:13

Сыг пало́ саро́ дава́, тырнэдыр чхаво́ скэдыя́ саро́ и гия́ пэ дуратуны пхув и одо́й ёв розмэкця пэ́скирэ ловэ́ дро розмэкно джиибэ́н.

Marko 10:38

“Тумэ́ кокорэ́ на джинэ́на, со тумэ́ мангэна”, – пхэндя́ лэ́нгэ Ису́со. “Нау́што тумэ́ могинэ́на тэ пьен дава́ тахта́й, саво́ Мэ пьява, и тэ болэнпэ болдэипнаса, савэ́са Мэ болавапэ?”

Матфеё 20:22

И отпхэндя́ ла́кэ Ису́со, ракири́: “Тумэ́ кокорэ́ на джинэ́на, со тумэ́ мангэна. Тумэ́ на могинэ́на тэ пьен тахта́й (чаша), саво́ Мэ ява́ва тэ пья́в?” Ёнэ ракирэ́на Лэ́скэ: “Могинаса.”

Ереме́ё 11:14

Палдава́, Ереме́ё, на мангпэ Ма́нгэ пал адалэ́ манушэ́ндэ, и адя́кэ-паць на ґа́здэ патерья ци мангипэ́н пал лэ́ндэ, пал-дова́ со Мэ на ява́ва тэ шунав лэн дро часо (цы́ро), ке́ли ёнэ явэ́на тэ дэн го́дла яври́ кэ Мэ, сыр явэ́ла биба́хт (би́да) лэ́нгэ.

Pritčy 21:27

Фуе-манушэ́нгиро свэ́нто дыибэ́н выкхарэла джунгалыпэ́н (брыткима), пэ кицы́ джунгалэдыр (брыткэдыр) исын дава́ чуин, ке́ли ёв янэ́ла свэ́нто дыибэ́н, фуес думиндой.

Pritčy 1:28

то тэды тумэ́ кхарэ́на ман, нэ мэ на ява́ва тэ отпхэнав тумэ́нгэ, и тумэ́ явэ́на тэ родэ́н ман сарэ́ зорья́тыр, нэ тумэ́ на латхэ́на ман.

Ереме́ё 14:12

Ке́ли ёнэ явэ́на тэ постынэн, Мэ на ява́ва тэ шунав лэ́нгири го́дла; и ке́ли ёнэ янэ́на цэ́ла хачкирибэна, и свэ́нта дыибэна́ гивэстыр, Мэ на прилава лэн: пал-дова́ со Мэ хасякира́ва лэн куртала́са, барэ́ бокхаса и франсэнца.”

Psalmy 18:41

И Ту порискирдян мэняса мирэ́ вэргэ́н тэ нашэ́н, соб (кай) мэ тэ хасякира́в одолэ́н, савэ́ бидыкхэна ман.

Ереме́ё 11:11

Палдава́ адя́кэ ракирэ́ла Рай Дэвэ́л: “Акэ, Мэ яна́ва бари би́да пэ лэ́ндэ, савья́тыр ёнэ на нашэ́на: и мэк ёнэ явэ́на тэ дэн го́дла кэ Мэ, Мэ на ява́ва тэ шунав лэн.

Luka 15:30

а кадава́ тыро́ чхаво́ какана́ явдя́, ке́ли розмэкця саро́ пэ́скиро миштыпэ́н налачхэ́ джувле́нца; нэ ту ж зачхиндя́ тхулэ целянтос ваш лэ́скэ’.

3 Kralip 3:11

И пхэндя́ лэ́скэ Рай Дэвэ́л: “Пал-дова́ со ту мангдян дава́ и на мангдян пэ́скэ длуго джиибэ́н, на мангдян пэ́скэ барвалыпэ́н, на мангдян пэ́скэ тырэ́ вэргэнгиро мэрибэ́н, нэ мангдян пэ́скэ годы́, соб (кай) тэ джинэ́с тэ сэндякирэс,

Luka 11:10

Пал-дова́ со кажно, кон мангэ́ла, дорэсэ́ла пэ́скиро; кажно, кон родэ́ла, латхэ́ла; кажнонэ́скэ, кон марэла дро вуда́р, явэ́ла псирадо.