Jakov 4:14 - Библия - Пэ Балтитко Романи чиб (Романэс) 2019

¹⁴ а тумэ́ ж на джинэ́на, со явэ́ла атася́, и со дава́ исын тумаро́ джиибэ́н? Ёв исын сы́рбы тхув, саво́ явэ́ла пэ набаро́ часо, нэ коригэды́р (позжэ) хасёла;

Biblija - Pe Baltitko Romani čib (Romanes) 2019

¹⁴ a tumé ž na džinéna, so javéla atasiá, i so davá isyn tumaró džiibén? Jov isyn sýrby thuv, savó javéla pe nabaró časo, ne korigedýr (pozže) xasjola;

Jakov 4:14 Referans Kwoze

1 Petr 1:24

Пал-дова́ со “кажно ману́ш исын сы́рбы чар, и лэ́нгири сла́ва исын сы́рбы фэлды́тка лулудя́ (цвэты), чар зашутёла и ла́кирэ лулудя́ отпэрэна.

Psalmy 39:5

О, Раё Дэ́вла, пхэн ма́нгэ, ке́ли миро джиибэ́н кончынэлапэ и пал кицы́ дывэса́ мэ мэра́ва. Со исын дасаво: пхэн ма́нгэ, кицы́ бэрша́ ма́нгэ ишчо (инкэ́) тэ джива́в?

1 Ian 2:17

Свэ́то проджа́ла и адя́кэ-паць и грэхоскирэ камибэна, нэ одова́, кон кэрэ́ла пир Дэвлэ́скири во́ля, явэ́ла тэ дживэ́л ве́чнэс.

Psalmy 102:3

На гарадёв ма́ндыр, ке́ли ма́нгэ исын пхаро́; рисёв палэ и шун ракхунэс мирэ́ лава́. Дро дывэ́с, ке́ли мэ прикхарава Тут, сы́гэс вышу́н ман.

Jakov 1:10

и барвало́ ману́ш, мэк ёв тэ шарэлпэ, ке́ли мануша́ ладжакирэна лэс, пал-дова́ со явэ́ла часо и лэ́скиро барвалыпэ́н хасёла, сыр фэлды́тка лулудя́ (цвэты) пир чар.

Psalmy 89:47

О, Раё Дэ́вла! Кицы́ явэ́са Ту тэ гарадёс? Ци явэ́ла Тыри́ бари холын тэ хачол сыр яг?

1 Petr 4:7

Нэ сыг сарэскэ явэ́ла ко́нцо (яго́ро): палдава́ ракхэ́нпэ и дживэ́н годьварэс, ке́ли тумэ́ мангэ́напэ Дэвлэ́скэ;

Isajos 38:12

Кхэр миро залэлапэ штэто́стыр, отлыджалпэ ма́ндыр, сыр ша́тра чхупнарискири, мэ сом банго́ тэ отчхинав пэ́скиро джиибэ́н сыр ткачо. Ёв отчхинэла ман; дывэ́с и рат мэ ужакиравас, со бичхавэса ма́нгэ мэрибэ́н.

Psalmy 78:39

Пал-дова́ со Ёв рипирдя, со ёнэ сыс фэ́ни (то́ка) манушы́тко лоч (плоть), сави́ исын на ве́чно, сы́рбы балвалякиро пхурдыпэн, со джа́ла криг и на рисёла палэ.

Psalmy 144:4

Ману́ш исын сы́рбы балвалякиро пхурдыпэн, лэ́скирэ дывэса́ исын сы́рбы зэр (тенё), со проджа́ла (накхэла).

Pritčy 27:1

На шарпэ атасятунэ дывэсэса, пал-дова́ со ту на джинэ́са, со дывэ́с янэ́ла ту́кэ.

Isajos 2:22

Пириячэн тэ думинэн, со подрикирла тумэн ману́ш, конэ́стэ ду́хо (фа́но) исын дрэ лэ́стэ кокорэстэ, со кэрэ́ла адава́ ману́ш?

2 Kralip 19:34

Нэ Верзелиё отпхэндя́ крали́скэ: “Ци длу́гэс (ґара́) ма́нгэ яця́пэ тэ джива́в, соб (кай) тэ джав крали́са дро Ерусалимо?