Jakov 3:5 - Библия - Пэ Балтитко Романи чиб (Романэс) 2019

⁵ Адя́кэ-паць и чиб исын, хай, набари паш амарэ́ масэнгири, нэ бут шарэлапэ. Дыкх, сави́ исын набари яг, нэ сыр баро́ вэш ёй хачкирэ́ла.

Biblija - Pe Baltitko Romani čib (Romanes) 2019

⁵ Adiáke-pac' i čib isyn, xaj, nabari paš amaré masengiri, ne but šarelape. Dykh, saví isyn nabari jag, ne syr baró veš joj xačkiréla.

Jakov 3:5 Referans Kwoze

Pritčy 18:21

Дрэ чиб исын зор ваш джиибэ́н, ци ваш мэрибэ́н. Кон камэ́ла тэ ракирэ́л, одолэ́скэ трэй тэ ужакирэл ци екх, ци яви́р.

Pritčy 12:18

Кон ракирэ́ла, и на думинэ́ла, одова́ промарэла явирэ́с сыр курта́ла (сабля), нэ годэ́-манушэ́нгири чиб састякирэла лэс.

Pritčy 15:2

Чиб годэ́-манушэ́нгири исын пхэрды́ джиныбнаса, нэ чиб дылынэскири вычхувэла дурэды́р дылныпэ́н.

Psalmy 17:10

Ёнэ запхандлэ якха́ тхулыпнастыр, пэ́скирэ муенца ракирэ́на пхутькирдэс и нахратэс.

Juda 1:16

Ёнэ исын холямэ́ ракирибнарья, савэ́ рикирэ́на холы́ пэ сарэ́ндэ, ёнэ кэрэ́на пир пэ́скиро грэхи́тко тырдыпэ́н; ёнэ явэ́на вучэ́с тэ марэ́н пэс лавэ́нца, ёнэ явэ́на гудлэс тэ дивинэнпэ пэ манушэ́ндэ ваш пэ́скири льго́та.

Ереме́ё 18:18

Тэ́ньци ёнэ пхэндлэ́: “Явэ́н, придуминаса вари-саво́ плано пэ Еремеёстэ; пал-дова́ со Зако́но на отпэрэла рашастыр ци годо́ лав манушэ́ндыр ци лав пророкостыр. Явэ́н, замараса чиба́са лэс, и мэк нико́н амэ́ндыр тэ на пришунэлпэ кэ лэ́скирэ лава́.”

Psalmy 10:3

[24] Фуй мануша́ пхутёна пэ́скирэ налачхэ́ камибнаса дро ило́. И мануша́, савэ́ исын ґалка (корысна) кэ чу́жо миштыпэ́н, кошэна и тыкнякирэна Рас-Дэвлэ́с.

Езэкилё 28:2

“Манушэ́скиро чхава! Пхэн тхагарискэ пэ Ти́ро: адя́кэ ракирэ́ла Рай Дэвэ́л, Дэвэ́л: пал-дова́, со древа́н пхутькирдо яця́ тыро́ ило́, и ту ракирэ́са: “Мэ сом Дэвэ́л, бэшав пэ дэвлы́тко штэ́то дро морёскиро (дэрьявэ́скиро) машкиралыпэн”, пал-дова́ со ту сан ману́ш, а на Дэвэ́л, нэ ту думинэса, со ту сан дасаво годявэр, сыр Дэвэ́л:

2 Petr 2:18

Палдава́ со ёнэ пэ́скирэ вучэ́с-шардунэ лавэ́нца затэрдэна сы́рбы дрэ фэлы́ пир на́лачхо лочакиро камибэн и кэ на́гожа рэ́нды одолэ́ манушэ́н, савэ́ барэ́ пхарипнаса гинэ́ криг одолэ́ манушэ́ндыр, савэ́ дживэ́на дро грэ́хо;

Дание́лё 4:30

[33] Пэ штэ́то кэрдя́пэ дава́ лав пэ Навуходоносоростэ, и ёв сыс традыно криг манушэ́ндыр, хая чар, сыр гурув, мордэ сыс лэ́скиро маса́ э болыбнытконэ пахлыняса (росаса) адя́кэ, со выбаринэ лэ́скирэ бала́ сыр пора кидостэ (орлостэ), и ная сыс сыр чириклэскирэ ная (когци).

Ióvo 22:17

Ёнэ пхэндлэ́ Дэвлэ́скэ: “Джа́ криг амэ́ндыр! И со амэ́нгэ Сарэзоралыпнаскиро Дэвэ́л могинэ́ла тэ кэрэ́л?”

Vygiiben 15:9

О вэ́рго пхэндя́: “Традава мэ, дотрадава, роскэрава дорэсыбэ́н; чалёла лэ́нца миро ди, вылава мэ мири́ курта́ла, хасякирэ́ла миро васт лэн.

Дание́лё 3:15

Акана́, ко́ли тумэ́ скэдынэ́ сан, сыр сыго тумэ́ шунэ́на зан рогоскири, свиролькакири, лутакири, гусленгири, псалтирьякири, цымбалэнгири и сарэ́ яви́р-музыкакири, тэ пэрэ́н тумэ́ тэлэ́, и тэ дэн тумэ́ паты́в сувнакунэ́ москэ, со мэ кэрдём. Мишто́. Нэ ко́ли тумэ́ на дэ́на паты́в, то тумэн екха́тыр (сра́зу) чхурдэна дро бов, росхачкирдо яга́са. И саво́ дэвэл жа зракхэ́ла тумэн мирэ́ вастэ́стыр?”

Езэкилё 29:3

Ра́кир и пхэн: ‘Адя́кэ ракирэ́ла Рай Дэвэ́л, Дэвэ́л: “Акэ, Мэ выджава пэ ту́тэ фарао́но, Египто́скиро кра́ли, баро́ крокодило, саво́ пасёла машки́р рэ́ки (лэня́) и ракирэ́ла: “Мири́ исын дая́ рэка (лэнь), Мэ кэрдём ла ваш пэ́скэ.”

Vygiiben 5:2

Нэ фарао́но пхэндя́: “Кон исын адасаво́ Рай Дэвэ́л, соб (кай) мэ тэ кандав Лэ́скири зан и тэ отмэкав Израилё? Мэ на джино́м Рас-Дэвлэ́с, и Израилё на отмэка́ва.”

Psalmy 39:1

Хоро́скирэ Дирижоро́скэ. Идифимоскэ (Едуцыноскэ). Давидо́скиро Пса́лмо.

Pritčy 26:20

Кай буты́р кашта́ нанэ, одо́й яг мурдёла; и кай нанэ ману́ш, саво́ исын би-патывакиро кэ яви́р, кошыбэ́н пириячэ́ла (штылёла).

Jakov 3:4

Адя́кэ-паць и па́рмы (корабли), савэ́ ёнэ тэ на явэ́н барэ́ и сави́ зоралы́ балва́л лэн тэ на традэл, лэн лыджа́ла набарэ́ рулёса (стэроса) пармакиро стэритко (рулитко), карик ёв закамэ́ла.