Jakov 3:17 - Библия - Пэ Балтитко Романи чиб (Романэс) 2019

¹⁷ Нэ годыпэ́н, саво́ джа́ла болыбна́стыр, англэды́р сарэ́стыр ёв исын жужо́ грэхостыр, раманёно, штыл (тихо), вырикирэ́ла бут, на пхандэла манушэ́с, исын пхэрдо́ тангипнаса и лачхэ́ рэндэ́нца, сэндинэла шэра́ (ра́внэс) манушэ́н, нанэ дуемитко.

Biblija - Pe Baltitko Romani čib (Romanes) 2019

¹⁷ Ne godypén, savó džála bolybnástyr, angledýr saréstyr jov isyn žužó grehostyr, ramanjono, štyl (tiho), vyrikiréla but, na phandela manušés, isyn pherdó tangipnasa i lačhé rendénca, sendinela šerá (rávnes) manušén, nane dujemitko.

Jakov 3:17 Referans Kwoze

Pritčy 2:6

Пал-дова́ со Рай Дэвэ́л дэ́ла джиныбэ́н, Лэ́скирэ лавэ́стыр явэ́ла джиныбэ́н и ґалыибэ́н.

Jakov 3:15

Дава́ нанэ годыпэ́н, саво́ джа́ла болыбна́стыр, ёв исын пхувья́киро, бидухоскиро и джа́ла налачхэстыр.

Римлянэнгэ 12:9

Мэк тэ явэ́л чачуны́ тумари́ пшалы́тко паты́в; рисён криг фуипнастыр и кэрэ́н лачхипэ́н:

Jakov 1:17

кажно лачхипэ́н и кажно бидошакиро тала́но бичхадэ́ амэ́нгэ вучипна́стыр, дудэнгирэ (свэтэнгирэ) Дадэ́стыр, Саво́ на парудёла, и на пирикэрэлапэ.

Jakov 1:5

Ко́ли вари-конэ́стэ тумэ́ндыр на ухтылэл (на́доси) годы́, то мэк ёв тэ мангэ́л Дэвлэ́стыр, Саво́ дэ́ла сарэ́нгэ, кон камэ́ла, и Саво́ на выракирэла, а дэ́ла лэ́скэ:

1 Ian 3:18

Бияталэ, ява́са тэ дас паты́в на лавэ́са ци чиба́са, а рэндоса (делоса) и чачипна́са.

1 Petr 1:22

Сыр тумэ́ лынэ́ тэ кандэ́н чачипэ́н, тэды тумэ́ выжужакирдэ пэ́скирэ дия́ ваш чачуны́ пшалы́тко паты́в, палдава́ сыкавэ́н паты́в екх екхэ́скэ сарэ́ илэ́стыр.

Матфеё 5:8

Бахталэ́ исын одолэ́, савэ́ндэ исын жужо́ (чы́сто) ило́, пал-дова́ со ёнэ дыкхэ́на Дэвлэ́с.

1 Ian 3:3

И кажно ману́ш, конэ́стэ исын наде́я пэ Лэ́стэ, выжужакирэ́ла (вычыстинэла) пэс, пал-дова́ со Христо́со исын жужо́.

Luka 21:15

пал-дова́ со Мэ да́ва тумэ́нгэ лава́ и годы́, со тумарэ́ вэ́рги на змарэна тумэн дро лав, и ёнэ адя́кэ-паць на дэ́на ра́да (на змогинэна) тэ бангякирэн тумэн дро дова́, со тумэ́ отпхэнэна.

Luka 6:36

Палдава́ явэ́н тангипны́тка (жалиныбнытка), сыр тангипны́тко исын тумаро́ Дад.

Юдэ́нгэ 12:14

Причхувэ́н зор, соб (кай) тумэ́нгэ тэ явэ́н дро рама́нё (миро) сарэ́нца и дрэ свэнтыма, би савэскиро нико́н на дыкхэ́ла Рас-Дэвлэ́с.

2 Ximaske 2:24

А Ра́скирэ-Дэвлэ́скиро писхари́скэ нашты́ никонэса тэ марэ́лпэ пал лава́, а лэ́скэ трэй тэ явэ́л штыл (тихо) сарэ́ манушэ́нца, тэ джинэ́л тэ сыклякирэ́л и тэ явэ́л рахмано (бихолынакиро);

1 Petr 2:1

Тэды мэкэ́н кажно холы́, фрэнтыма, дуемуиткима, зэвлыныпэ́н и кажна хоханэ́ лава́,

Jakov 2:4

тэды тумэ́ сы́рбы кокорэ́ сэндинэна манушэ́н, далэ́са-паць тумэ́ ячэ́на налачхэ́ сэндарьенца?

Юдэ́нгэ 12:11

Кажно сыклякирибэ́н дро акаканатуно часо исын ваш амэ́нгэ на дрэ ра́дыма, а дро пиридживибэн, нэ пало́ (после) дова́, кон высыклыя далэ́ сыклякирибна́стыр, дорэсэ́ла палэ рама́нё (миро) чачипна́скирэ джиибнастыр.

Колосянэнгэ 1:10

Соб (кай) тумэ́ тэ дживэ́н, сыр исын лачхо́ Дэвлэ́скэ, и дро саро́ тэ кэрэ́н кучэс Лэ́скэ, и тэ кэрэ́н лачхипэ́н дрэ сарэ́ рэ́нды и тэ уджинэс буты́р пал Дэвлэ́стэ,

Римлянэнгэ 15:14

Мэ кокоро́ джино́м пал тумэ́ндэ, мирэ́ пша́ла, со тумарэ́ илэ исын пхэрдэ́ лачхипна́са, и тумаро́ джиныбэ́н дэ́ла саштыпэн тумэ́нгэ тэ сыклякирэ́н екх екхэ́с.

Ióvo 28:28

и пхэндя́ Дэвэ́л манушэ́скэ: “Акэ, годыпэ́н исын дро дова́, соб (кай) тэ дарэс Ра́стыр-Дэвлэ́стыр, и ґалыибэ́н исын дро дова́, соб (кай) тэ дурьёс бибахталэ́ рэндэ́ндыр.”

1 Паралипоменоно 22:12

Мэк тэ дэл ту́кэ Рай Дэвэ́л ґалыибэ́н и годы́ и тэ чхувэ́л тут пэ Израилё; и ту зра́кх тырэ́ Ра́скирэ-Дэвлэ́скиро, тырэ́ Дэвлэ́скиро Зако́но.

1 Коринфянэнгэ 12:8

Екхэ манушэ́скэ Ду́хо (Фа́но) дэ́ла тала́но тэ пхэнэ́л годьваро́ лав, и дава́-паць Ду́хо (Фа́но) дэ́ла явирэ манушэ́скэ тэ джинэ́л лав.

Ióvo 28:23

Дэвэ́л ґалёла дром кэ годыпэ́н, Дэвэ́л джинэ́ла штэ́то тэ латхэс годыпэ́н.

Jakov 4:8

Явэ́н пашылэды́р кэ Дэвэ́л, и Ёв явэ́ла пашылэды́р кэ тумэ́. Выжужакирэн грэхи́тка, тумарэ́ васта́. Выжужакирэн тумаро́ джиибэ́н, тумэ́ сан дуемитка.

1 Ximaske 5:21

Мэ засовлахава тут анги́л Дэвлэ́стэ и Растэ – Дэвлэ́стэ, Исусо́стэ Христосо́стэ и Янголэндэ, савэ́н выкэдынэ́, тэ зракхэс далэ́ упхэныбэна́ и адя́кэ нисо́ тэ на парувэс ваш вари-конэ́скэ, соб (кай) ничы́ тэ на кэрэ́с пир пэ́скиро ило́.

Apostolengiri Butý 11:24

пал-дова́ со Варнава сыс лачхо́ ману́ш, пхэрдо́ патяибна́са и Свэнтонэ́ Духо́са, и пир лэ́стэ древа́н бут мануша́ рискирдэ́ пэ́скиро ило́ кэ Дэвэ́л.

Матфеё 23:28

Адя́кэ-паць тумэ́ яврестыр сыкадёна сыр патяибнытка мануша́ манушэ́нгэ, нэ андра́л тумэ́ сан дуемуитка и древа́н грэхи́тка.

1 Фесалоникийцэнгэ 2:7

амэ могиндям тэ явас кэ тумэ́ минаса сыр Христосо́скирэ Апо́столы, нэ амэ са́мас штыл (тиха) машки́р тумэ́ндэ, адя́кэ сыр дай ласкаса отлыджалапэ пэ́скирэ чхавэ́нца,

Filipiicenge 4:8

И акэ, пшала́лэ мирэ́, саро́, со исын чачуно́, со нанэ хохано́, со исын патяибны́тко, со исын жужо́, со исын мол тэ сыкавэ́л паты́в, со исын патывало, ко́ли исын вари-саво́ лачхипэ́н и вари-саво́ шарибэ́н, екх пал дава́ тумэ́ думинэн.

Filipiicenge 1:11

соб (кай) тумаро́ джиибэ́н тэ явэ́л пхэрдо́ чачипна́са, саво́ исын пир Исусо́стэ Христосо́стэ, ваш Дэвлэ́скири сла́ва и шарибэ́н.

Apostolengiri Butý 9:36

Дрэ Иопия (Ёпия) сыс екх сыкляибны́тко джувлы́, савья́ кхардэ́ “Тавифа”, со значынэ́ла: “Серна.” Ёй усады (сак) кэрэ́лас лачхипэ́н и помогинэлас (дэ́лас васт) чорорэ́ манушэ́нгэ.

Joannostir 1:47

Ису́со дыкхця́, со Нафанаило джа́ла кэ Ёв, и пхэндя́ пал лэ́стэ: “Ѓа́да, исын чачуно́ Израильтянино, саво́ исын би хохаибнаскиро.”

Joannostir 1:14

И Лав яця́ манушэ́са дрэ лоч (плоть) и дживдя́ амэ́нца; и амэ дыкхцям Лэ́скиро ярко шукарипэ́н и зор, сави́ сыс Лэ́стэ сыр Екхэбияныпнытконэ Чхавэ́стэ, Саво́ исын Дадэ́стэ, и Саво́ исын пхэрдо́ бахталыпнаса и чачипна́са.

Малахия 3:3

Ёв бэшэ́ла сы́рбы спецо, саво́ пирибилавэла (пириплавинэла) и жужакирэла руп, и Ёв жужакирэла чхавэ́н Левиёскирэн и пирибилавэла лэн сыр сувнака́й и руп, соб (кай) ёнэ сашты́ тэ янэ́н Ра́скэ-Дэвлэ́скэ свэ́нто дыибэ́н дро чачипэ́н.

Малахия 2:9

“Палдава́ Мэ адя́кэ кэрдём тумэн накутякирдэ (презреннонэ) и джунгалэ́ манушэ́нца анги́л сарэ́ манушэ́ндэ, адя́кэ сыр тумэ́ на ракхнэ Мирэ́ дрома́, и тумэ́ прилэнас манушэ́нгири риг дро Зако́но Дэвлэ́скиро.”

Дание́лё 1:17

И дыя́ о Дэвэ́л штарэнгэ адалэ́ тэрнэ́-бэршэнгирэнгэ джиныбэ́н и ґалыибэ́н дрэ кажно лылвари́ и годы́, а Даниелёскэ ишчо (инкэ́) дыя́ ґалыибэ́н дро кажно дыкхибэ́н, и дрэ сунэ́.

3 Kralip 3:9

Дэ Тырэ́ писхари́скэ ило́ годьваро́, соб (кай) мэ тэ сэндинякирав манушэ́н Тырэ́н и тэ розґалёвав, со исын лачхипэ́н, и со исын чорипэ́н; пал-дова́ со кон могинэ́ла тэ сэндякирэ́л адалэ́ дакицы бут Тырэ́ манушэ́н?”

Vygiiben 36:2

И кхардя́ Мо́йза Веселеилос и Аголиавос и сарэ́н годэ́ илэ́са, савэ́нгэ Рай Дэвэ́л дыя́ годы́, и сарэ́, конэ́скиро ило́ тырдыя тэ явэ́н пашылэды́р кэ буты́ и тэ кэрэ́н буты́.

Titoske 3:2

тэ на калякирэн никонэ́с, а тэ явэ́н раманёнэса (мирнонэса), тэ явэ́н штыл (тиха), ковлэ́-илы́тка кэ сарэ́ мануша́.

Titoske 1:15

Ваш жужэ́ манушэ́нгэ – саро́ исын жужо́, нэ ваш манушэ́нгэ, савэ́ исын нажужэ́ пир грэ́хо, и савэ́ на патя́на Дэвлэ́скэ, ваш лэ́нгэ нисо́ нанэ жужо́, пал-дова́ со лэ́нгири годы́ и ладж исын нажужэ́.

Римлянэнгэ 12:18

ко́ли дава́ сашты́ тумарэ́ рига́тыр, дживэ́н дро рама́нё (миро) сарэ́ манушэ́нца.

Isajos 32:6

Пал-дова́ со буро ману́ш (невежда), ракирэ́ла дылныпэ́н, лэ́скиро ило́ думинэ́ла пал чорипэ́н, соб (кай) тэ кэрэ́л хохаибнаса, тэ калякирэл Рас-Дэвлэ́с, тэ лэл маро́ бокхалэстыр и пибэ́н манушэ́стыр, саво́ камэ́ла пани́.

Isajos 2:4

Ёв явэ́ла тэ сэндякирэ́л бут народы, Ёв сыкавэ́ла сэндарискиро лав кэ бут ро́ды; пирикэрэна пэ́скирэ курталы (мечы) пэ плуги (пхарадя) и чхурдыпнытка бустя́ (коп΄и) пэ чхиндлэ́ (серпы), на явэ́на тэ сыклён сыр, тэ лыджа́н марибэ́н.

1 Паралипоменоно 22:9

Ѓа́да, ту́тэ бияндёла чхаво́: ёв явэ́ла ману́ш раманёно (ми́рно); Мэ да́ва лэ́скэ рама́нё сарэ́ лэ́скирэ вэргэ́ндыр трусця́л: палдава́ лав лэ́скэ явэ́ла Соломо́но. И Мэ да́ва рама́нё и спокоё Израилёскэ дрэ лэ́скирэ дывэса́.

3 Kralip 3:28

И шундя́ саро́ Израилё пал сэ́ндо, сыр розсэндякирдя кра́ли; и лынэ́ тэ дарэ́н крали́стыр, пал-дова́ со дыкхнэ́, со годыпэ́н Дэвлэ́скири сыс дрэ лэ́стэ, соб (кай) ёв тэ кэрэ́л сэ́ндо.

3 Kralip 3:12

то ґа́да, Мэ кэра́ва пир лав тыро́. Акэ, Мэ да́ва ту́кэ ило́ годо́ и годьваро́, адя́кэ со шэра́ (ра́внэс) ту́кэ на сыс англэды́р ту́тыр, и пало́ (после) ту́тэ на явэ́ла ровня ту́кэ.

Эфесянэнгэ 5:9

пал-дова́ со Духоскиро барьякирдо́ (пло́до) исын дро кажно лачхипэ́н, чачипэ́н и патяибэ́н,

2 Коринфянэнгэ 10:1

А мэ, Па́вли, кокоро́, манга́ва тумэн пир напхувитко ковлыпэн Христосо́скиро, мэ, саво́ сом ковлэ́-илы́тко тумэ́нца, нэ саво́ сом муршкано́, ке́ли мэ на сом тумэ́нца;

2 Коринфянэнгэ 9:10

И Дэвэ́л, Саво́ дэ́ла зя́рки тэ чхувэ́н дрэ пхув и маро́ тэ хан, дэ́ла тумэ́нгэ саро́ и барьякирэ́ла саро́ и явэ́ла барвало́ аплодо тумарэ́ чачипнастыр:

Isajos 40:11

Сыр чхупна́ри Ёв ракхэ́ла Пэ́скирэ бакрэ́н; а бакрорэ́н лэ́ла Ёв пэ васта́ и явэ́ла тэ лыджа́л пэ Пэ́скиро колы́н, и савэ́ дэ́на тхуд тэ лыджа́л.

Ióvo 28:12

Нэ кай сашты́ тэ латхэл годыпэ́н? И кай сашты́ тэ сыклёл, соб (кай) хор тэ ґалёл?

Матфеё 5:9

Бахталэ́ исын одолэ́, савэ́ кэрэ́на рама́нё (миро), пал-дова́ со явэ́на тэ кхарэ́н лэн ‘Дэвлэ́скирэ чхавэ́.’

2 Коринфянэнгэ 6:6

дро жужыпэн, дро джиныбэ́н, дро длэнго вырикирибэн, дро лачхипэ́н пир Свэ́нто Ду́хо (Фа́но), пир чачуны́ пшалы́тко паты́в;

2 Коринфянэнгэ 7:11

Дыкхэ́н! Дая́-паць смэнтныма пал Дэвлэ́стэ, – со яндя́ тумэ́нгэ? Саво́ илэ́скиро хачкирибэ́н тэ рисён грэхостыр! Саво́ илэ́скиро допхэныбэ́н пал пэ́стэ! Сави́ холы́! Сави́ дар! Сави́ ла́ска илэ́стыр! Саво́ зэвлыныпэ́н! Саво́ сэндякирибэн! Тумэ́ сыкадэ, со тумэ́ сан набангэ дро дава́.

Jakov 2:13

пал-дова́ со ваш одолэ́ манушэ́нгэ, кон на сыкадя́ тангипэ́н (жалима) кэ яви́р мануша́, сэ́ндо явэ́ла би тангипнаскиро адя́кэ-паць кэ ёв, нэ тангипэ́н исын вучэды́р сэндостыр.

1 Petr 2:18

Дынарья́лэ, кандэ́н и дарэ́н пэ́скирэ хуландыр, на со екхэ лачхэн и ковлэ́-илытконэн, нэ адя́кэ-паць и кодолэ́н, савэ́ биилыткэс (шылалэс) отлыджанапэ кэ тумэ́.