Jakov 3:15 - Библия - Пэ Балтитко Романи чиб (Романэс) 2019

¹⁵ Дава́ нанэ годыпэ́н, саво́ джа́ла болыбна́стыр, ёв исын пхувья́киро, бидухоскиро и джа́ла налачхэстыр.

Biblija - Pe Baltitko Romani čib (Romanes) 2019

¹⁵ Davá nane godypén, savó džála bolybnástyr, jov isyn phuvjákiro, biduhoskiro i džála nalačhestyr.

Jakov 3:15 Referans Kwoze

Jakov 3:17

Нэ годыпэ́н, саво́ джа́ла болыбна́стыр, англэды́р сарэ́стыр ёв исын жужо́ грэхостыр, раманёно, штыл (тихо), вырикирэ́ла бут, на пхандэла манушэ́с, исын пхэрдо́ тангипнаса и лачхэ́ рэндэ́нца, сэндинэла шэра́ (ра́внэс) манушэ́н, нанэ дуемитко.

Jakov 1:17

кажно лачхипэ́н и кажно бидошакиро тала́но бичхадэ́ амэ́нгэ вучипна́стыр, дудэнгирэ (свэтэнгирэ) Дадэ́стыр, Саво́ на парудёла, и на пирикэрэлапэ.

1 Коринфянэнгэ 3:19

Пал-дова́ со годьварипэн кадалэ́ свэтоскиро исын дылныпэ́н анги́л Дэвлэ́стэ; палдава́ исын чхиндло́: “Ёв ухтылэ́ла годьварэн дро лэ́нгири фротыма.”

Filipiicenge 3:19

ёнэ исын тэрдэ́ пэ дром кэ хасибэ́н, лэ́нгиро дэвэл исын кужум (жэлудко), и лэ́нгири сла́ва исын дрэ ладж, ёнэ думинэ́на екх пал далэ́ свэто́скирэ рэ́нды:

1 Коринфянэнгэ 2:14

Ману́ш, савэ́стэ нанэ Ду́хо (Фа́но), на прилэ́ла илэ́са таланы Дэвлэ́скирэ Духо́стыр, пал-дова́ со ёв гинэ́ла лэн пал дылныпэ́н; и ёв на могинэ́ла тэ ґалёл лэн, пал-дова́ со лэ́нгэ дэ́на чол (тими́н) мануша́, конэ́стэ исын Ду́хо (Фа́но);

2 Коринфянэнгэ 1:12

Пал-дова́ со амэ радынасапэ далэ́стыр, ке́ли амари́ ладж патякирэла амэн, со амэ свэнтымаса и Дэвлытконэ́ чачипна́са на пир манушы́тко годы́, а пир Дэвлэ́скиро бахталыпэ́н дживдям пэ дава́ свэ́то, и буты́р сарэ́стыр, сыр амэ отлыджиямпэ кэ тумэ́.

Jakov 1:5

Ко́ли вари-конэ́стэ тумэ́ндыр на ухтылэл (на́доси) годы́, то мэк ёв тэ мангэ́л Дэвлэ́стыр, Саво́ дэ́ла сарэ́нгэ, кон камэ́ла, и Саво́ на выракирэла, а дэ́ла лэ́скэ:

1 Ximaske 4:1

Ду́хо (Фа́но) маму́й ракирэ́ла, со дро палатуно́ (последнё) часо бут мануша́ мэкэ́на тэ патя́н, лэ́на тэ кандэ́н хоханэ́ ду́хи и тэ шунэ́н бэнгланэ-духэнгиро сыклякирибэ́н;

Juda 1:19

Адалэ́ исын мануша́, савэ́ кэрэ́на групы машки́р манушэ́ндэ проти екх екхэ́стэ, ёнэ кэрэ́на пир пэ́скири годы́, лэ́ндэ нанэ Ду́хо (Фа́но).

1 Коринфянэнгэ 3:3

пал-дова́ со тумэ́ сан ишчо (инкэ́) мануша́, савэ́ дживэ́на пир лочакиро тырдыпэ́н. Палдава́, ко́ли машки́р тумэ́ндэ исын зэвлыныпэ́н, и кошыбэ́н, тэды, ци на сан тумэ́ мануша́, савэ́ дживэ́на пир лочакиро (плотякиро) тырдыпэ́н; и савэ́ лыджа́на пэс сыр мануша́ кадалэ́ свэто́стыр?

Joannostir 3:17

Дэвэ́л на бичхадя́ Пэ́скирэ Чхавэ́с дро свэ́то, соб (кай) тэ сэндякирэ́л свэ́то, а соб (кай) пир Лэ́стэ свэ́то тэ явэ́л зракхно.

Ереме́ё 4:22

‘Пал-дова́ со Мирэ́ мануша́ исын налачхэ́, ёнэ на джинэ́на Ман, – ракирэ́ла Рай Дэвэ́л – ‘ёнэ исын на годьварэ́, ёнэ исын годэ́ тэ кэрэ́н биба́хт (чорипэ́н), нэ ёнэ на джинэ́на тэ кэрэ́н лачхипэ́н.”

Sykadyipén 12:9

И баро́ драконо сыс чхурдыно́ тэлэ́, пхурано́ сап, савэ́с кхарэ́на на́лачхо ци бэнг, саво́ хохавэлас саро́ свэ́то. Ёв сыс чхурдыно́ тэлэ́ пэ пхув и лэ́скирэ Янго́лы сыс чхурдынэ́ тэлэ́.

Sykadyipén 9:11

Люноскиро (Адоскиро) Янго́ло сыс кра́ли пэ лэ́ндэ. Лэ́скиро лав пир Юды́тко чиб сыс “Абаддон”, а грэки́ткэс (балами́ткэс) “Апполион.”

Sykadyipén 2:24

А кадалэ́ манушэ́нгэ тумэ́ндыр дрэ Фиатира, савэ́ на рикирэнапэ пал дава́ сыклякирибэ́н и, савэ́ на джинэ́на хорипэ́н, со кхарэ́лапэ “налачхэскири зор”, Мэ пхэна́ва: Мэ на чхува́ва пэ тумэ́ндэ яви́р пхарипэ́н;

2 Фесалоникийцэнгэ 2:9

Бизаконоскиро ману́ш явэ́ла налачхэскирэ зорья́са, ёв явэ́ла тэ сыкавэ́л бари зор, и хоханэ́ знаме́нии (ґертыка́) и ди́вы,

2 Коринфянэнгэ 11:3

Нэ мэ дарава, со, сыр сап хохадя Ева пэ́скирэ фротыма́са, адя́кэ-паць, соб (кай) и тумари́ годы́ тэ на пошкодинэлпэ и, соб (кай) тумэ́ тэ на отрисён простонэ патяибнастыр дрэ Христосо́стэ.

1 Коринфянэнгэ 1:27

нэ Дэвэ́л выкэдыя́ пэфроми дова́, со свэ́то гинэ́ла пал дылныпэ́н, соб (кай) тэ ладжакирэл годьварэн, и дова́, со свэ́то гинэ́ла пал назоралыпэн, соб (кай) тэ ладжакирэл зоралыпэ́н,

Римлянэнгэ 1:22

ке́ли ёнэ гиндлэ́ пэс годьварэнца, нэ сыр выгия́, ячнэ́ дылынэнца,

Apostolengiri Butý 13:10

и пхэндя́: “Ту, сан налачхэскиро чхаво́ и вэ́рго сарэ́ чачипнаскэ: ту сан пхэрдо́ хохаибнаса и калэ́ рэндэ́нца; ци пириячэса ту тэ злыджас манушэ́н чачунэ́ Ра́скирэ-Дэвлэ́скирэ дромэ́стыр?

Joannostir 8:44

Тумаро дад исын на́лачхо и тумэ́ камэ́на тэ кэрэ́н пир тумарэ́-дадэ́скири ла́ска. Нэ ёв саро́ джиибэ́н сыс манушэ́нгиро замарибнари, и ёв на дживдя́ дро чачипэ́н, пал-дова́ со нанэ чачипэ́н дрэ лэ́стэ; ке́ли ёв ракирэ́ла хохаибэ́н, ракирэ́ла пэ́скиро, пал-дова́ со ёв исын хохаибнари и хохаибнаскиро дад.

Luka 16:8

И шардя ж рай пэ́скирэ начачунэ кхэрэ́скирэ барыдырэ́с, со ёв адя́кэ годьварэс кэрдя́. Пал-дава́ со мануша́, савэ́нгэ исын дро́го екх дава́ свэ́то, исын годэдыр манушэ́ндыр, савэ́нгэ исын дро́го духовно (фаноскиро) свэ́то.

2 Kralip 16:23

Годыпэ́н Ахитофелоскиро, саво́ ёв дэ́лас дрэ долэ́ дывэса́ гиндяпэ, сыр ко́ли бы вари-кон пхуцяпэ упхэныбэ́н Дэвлэ́стыр. Дасаво сыс кажно (сва́ко) годыпэ́н Ахитофелоскиро, сыр ваш Давидо́скэ, адя́кэ и ваш Авесаломоскэ.

2 Kralip 15:31

Пирипхэндлэ Давидо́скэ и пхэндлэ́: “И Ахитофелё кхэтанэ́ зракхирибнарьенца Авесаломоса.” И пхэндя́ Дави́до: “Раё Дэ́вла! Пхагир доракирибэ́н Ахитофелёскиро.”

2 Kralip 13:3

Нэ Амноностэ сыс дру́го (мал), пир лав Ионадаво, Самаёскиро чхаво́, Давидо́скирэ-пшалэскиро; и Ионадаво сыс древа́н мэндро ману́ш.