Jakov 3:14 - Библия - Пэ Балтитко Романи чиб (Романэс) 2019

¹⁴ нэ ко́ли дро тумаро́ ило́ тумэ́ндэ исын кирко зэвлыныпэ́н и тумэ́ кэрэ́на пир холы́, тэды на шарэнпэ вучэ́с и на хохавэн пэ чачипэ́н.

Biblija - Pe Baltitko Romani čib (Romanes) 2019

¹⁴ ne kóli dro tumaró iló tuménde isyn kirko zevlynypén i tumé keréna pir xolý, tedy na šarenpe vučés i na xohaven pe čačipén.

Jakov 3:14 Referans Kwoze

Jakov 3:16

А кай исын зэвлэныпэн и холы́, одо́й явэ́ла сыр бу́нто машки́р манушэ́ндэ и саро́ чорипэ́н.

1 Коринфянэнгэ 13:4

Пшалы́тко паты́в бут вырикирэ́ла и исын лачхо́; пшалы́тко паты́в на дэ́ла якхало; пшалы́тко паты́в на задэлапэ и на пхутёла;

Filipiicenge 2:3

и тэ на кэрэ́н ничи́ пир холы́, ци пир пэ́скиро шарибэ́н, а тэ кандэ́н екх екхэ́с, тэ гинэн явирэ манушэ́н фэды́р пэ́стыр;

1 Коринфянэнгэ 3:3

пал-дова́ со тумэ́ сан ишчо (инкэ́) мануша́, савэ́ дживэ́на пир лочакиро тырдыпэ́н. Палдава́, ко́ли машки́р тумэ́ндэ исын зэвлыныпэ́н, и кошыбэ́н, тэды, ци на сан тумэ́ мануша́, савэ́ дживэ́на пир лочакиро (плотякиро) тырдыпэ́н; и савэ́ лыджа́на пэс сыр мануша́ кадалэ́ свэто́стыр?

Римлянэнгэ 13:13

Сыр и дывэсэ́, ява́са тэ лыджас пэс шука́р, на ява́са тэ хас на пир ме́ра, и на ява́са тэ матёвас, на ява́са тэ кэра́с марки и тэ кэра́с ладжавэ рэ́нды, на ява́са тэ выпробинас екх екхэ́с и тэ зэвлынас.

2 Коринфянэнгэ 12:20

Пал-дова́ со мэ дарава, со, ке́ли мэ нэвэ́стыр ява́ва, мэ могина́ва тэ латхав тумэн адасавэнца, сыр мэ на кама́м, и тумэ́ могинэ́на тэ латхэ́н ман адасавэса, сыр мэ на кама́м: мэ дарава, со могинэ́на тэ явэ́н кошыбэна, зэвлыныпэна, холякирибэна, роспэрибэна пэ групки, гундякирибэна, пхутькирибэна, бизлады;

Filipiicenge 1:15

Чачо́, со вари-савэ́ лэ́ндыр роспхэнэна Христосо́скиро лав пир зэвлыныпэ́н и пир дова́, со выпробинэна екх екхэ́с, нэ яви́р роспхэнэна лав пал Христосо́стэ патыва́са.

Jakov 5:19

Пшала́лэ мирэ́, ко́ли вари-кон тумэ́ндыр змарэлапэ чачунэ́ дромэ́стыр, нэ яви́р ману́ш рискирэ́ла лэс палэ кэ Дэвэ́л,

Apostolengiri Butý 5:17

Пэ́рво раша́нгиро барыдыро́ уштыя́, и сарэ́, кон сыс кхэтанэ́ лэ́са Садукеенгирэ скэдыибна́стыр лынэ́ тэ зэвлынэн,

Titoske 3:3

Пал-дова́ со и амэ са́мас вари-ке́ли бигодякирэ, на кандыям и амэн; амэ са́мас писха́рья пэ́скирэ-масэнгирэ тырдыпнаскэ, амэ дживдям дро холы́ и зэвлыныпэ́н, древа́н бидыкхцям екх екхэ́с.

1 Ximaske 6:4

то одова́ ману́ш исын пхутькирдо, ёв нисо́ на джинэ́ла, лэ́стэ исын налачхи мысля бут тэ роздуминэл и тэ лыджа́л сы́рбы марибэ́н пал лава́, савэ́ндыр джа́ла зэвлыныпэ́н, кошыбэ́н, калякирибэн, надопатяибэн,

1 Коринфянэнгэ 5:2

И тумэ́ ишчо (инкэ́) пхутёна, заме́ст дова́, соб (кай) тэ ровэ́н пал дава́, и соб (кай) тэ джал криг тумэ́ндыр одова́ ману́ш, кон кэрдя́ дасаво рэ́ндо (де́ло).

Римлянэнгэ 2:8

Нэ одолэ́н, кон кэрэ́ла пир пэ́скири годы́ и на приґалёла чачипэ́н, а кэрэ́ла фуипэ́н, кодолэ́с ужакирэ́ла холы́ и холямипэн Дэвлэ́стыр,

Pritčy 27:4

Баро́ холякирибэ́н исын биманушытко, и холы́ исын трашаны, нэ кон сашты́ (могинэ́ла) тэ тэрдёл проти баро́ зэвлыныпэ́н?

Pritčy 14:30

Лачхо́ ило́ дэ́ла джиибэ́н масэнгэ, нэ зэвлыныпэ́н кирнякирэла кокалы́.

4 Kralip 10:31

Нэ Ииу́ё на стариндяпэ тэ псирэ́л пир Ра́скирэ-Дэвлэ́скиро, Дэвлэ́скирэ-Израилёскиро зако́но, сарэ́ илэ́стыр. Ёв на отгия́ Еровоамоскирэ грэхэ́ндыр, саво́ залыджия́ Израилё дро грэ́хо.

Galatenge 6:13

И ёнэ кокорэ́, савэ́ исын обчхиндлэ́, на рикирэ́на Зако́но, нэ ёнэ камэ́на, соб (кай) тумэ́ тэ обчхинэнпэ ваш дова́, соб (кай) тэ шарэнпэ, со ёнэ кэрдэ́ обчхиныбэн пэ тумэ́ндэ.

Galatenge 5:26

На ява́са тэ рикирас вучэ́с накх, на ява́са тэ дас зор холякэ екх пэ екхэ́стэ, соб (кай) тэ на дас якхало екх екхэ́с.

Galatenge 5:21

жалинэна лачхипэ́н явирэ́нгэ, пьена сыр матыбнарья, гулинэна бирипирибнаскирэс и бут яви́р; пал кадасавэндэ мэ пхэна́ва анги́л, сыр и ракирдём англэды́р, со, кон адя́кэ кэрэ́ла, на дорэсэ́ла паш дро Дэвлэ́скиро Кралипэ́н.

Galatenge 5:15

А ко́ли тумэ́ кошэнапэ и ханапэ машки́р пэ́стэ, тэды ракхэ́нпэ, соб (кай) тумэ́ тэ на хасякирэ́н екх екхэ́с.

1 Коринфянэнгэ 5:6

Дава́ исын нашукар, со тумэ́ шарэнапэ. Ци тумэна джинэ́на, со тыкнэ́ рошчынатыр шутлёла саро́ хумэр (цясто)?

Римлянэнгэ 2:17

Ко́ли ту пэс гинэса Юдоса и розгинэса пэ Зако́но, и шарэсапэ Дэвлэ́са,

Римлянэнгэ 1:29

и ёнэ исын пхэрдэ́ кажнонэ́ начачипнаса, злыднимаса, бокхаса кэ ловэ́, чорипнаса, зэвлыныпнаса, розмарибнаса, выпробинэна екх екхэ́с, обракирибнаса, плёткэнца;

Apostolengiri Butý 26:9

Мэ, чачо́, адя́кэ-паць думиндём, со проти Исусо́скирэ Назареёскиро лав ма́нгэ трэй бут со тэ кэра́в.

Apostolengiri Butý 13:45

Ке́ли Юды дыкхнэ́, со скэдынэ́пэ ада́кицы бут мануша́, ёнэ лынэ́ тэ зэвлынэн и ракирдэ́ древа́н налачхэ́ лава́ пэ саро́ дова́, со ракирдя́ Па́вли.

Joannostir 16:2

Тумэн традэ́на яври́ кхангирьендыр; и явэ́ла дасаво часо (цы́ро), ке́ли одова́ ману́ш, саво́ замарэла тумэн, явэ́ла тэ думинэл, со ёв далэ́са дынаринэла Дэвлэ́скэ.

Матфеё 27:18

Пал-дова́ со ёв джиндя́, со ёнэ здынэ Лэс зэвлыныпнастыр.

Avakumo 1:3

Со́скэ Ту дэ́са ма́нгэ тэ дыкха́в чорипэ́н, и кэрэ́са адя́кэ, соб (кай) мэ тэ дыкха́в мэ́ньки? Пал-дава́ со чорья и нахрата рэ́нды исын анги́л мирэ́ якха́, мануша́ кошэнапэ и чингардэнапэ.

Isajos 11:13

Ефре́мо пириячэ́ла тэ дэл якхало (тэ завидынэл), сарэ́, кон ґаздыя́пэ пэ Юдастэ, явэ́на хаськирдэ; Ефре́мо на явэ́ла тэ дэл якхало Юда́скэ, Юда на газдэлапэ прэ Ефремостэ.

Ióvo 5:2

Пал-дова́ со холякирибэ́н хасякирэ́ла дылынэ́ манушэ́с, и зэвлыныпэ́н (зависть) марэла простонэ-годякирэ манушэ́с.

4 Kralip 10:16

И пхэндя́: “Традэ ма́нца и дыкх пэ миро чачипэ́н пал Растэ-Дэвлэ́стэ.” И чхудэ́ тэ бэшэ́л лэс дро марибны́тко вурдэ́н.

Džiibén 37:11

Пшалэ лэ́скирэ дэ́нас якхало лэ́скэ, а лэ́скиро дад зарипирдя дава́ лав.

Apostolengiri Butý 7:9

И патриархи пир зэвлыныпэ́н бикиндлэ Ёзас сыр писхари́с дро Еги́пто; нэ Дэвэ́л сыс лэ́са,

Galatenge 5:20

мангэ́напэ идолэ́нгэ, човаханякирэна, на сыкавэ́на паты́в явирэ манушэ́нгэ, кошэнапэ, зэвлынэна, замарэна манушэ́н, причхувэна зор тэ явэ́н фэдэды́р явирэ манушэ́ндыр, роспэрнапэ холя́са пэ групы, кандэ́на хоханэ́ сыклякирибэна,

1 Ximaske 2:4

Саво́ камэ́ла, соб (кай) сарэ́ мануша́ тэ зракхэнпэ и тэ джинэ́н чачипэ́н.

Jakov 1:18

Ёв выкэдыя́ пир Пэ́скири во́ля тэ дэл джиибэ́н амэ́нгэ чачунэ́ лавэ́са, соб (кай) амэ́нгэ тэ явас Лэ́скирэ пэрвонэнца, савэ́н Ёв создыя́.

Džiibén 38:9

Онано джиндя́, со ро́до на явэ́ла лэ́скэ, и, палдава́, ке́ли ёв джа́лас кэ лэ́скирэ-пшалэскири ромны́, то вычхувэлас сал (семё) пэ пхув, соб (кай) тэ на дэл ро́до лэ́скирэ пшалэ́скэ.”