Jakov 2:21 - Библия - Пэ Балтитко Романи чиб (Романэс) 2019

²¹ Ци на пир рэ́нды Дэвэ́л приджиндя чачунэса дадэ́с амарэс Авраамос, ке́ли ёв яндя́ сыр свэ́нто дыибэ́н пэ́скирэ чхавэ́с Исаакос пэ алта́рё?

Biblija - Pe Baltitko Romani čib (Romanes) 2019

²¹ Ci na pir réndy Devél pridžindia čačunesa dadés amares Avraamos, kiéli jov jandiá syr svénto dyibén péskire čhavés Isaakos pe altárjo?

Jakov 2:21 Referans Kwoze

Joannostir 8:39

Ёнэ пхэндлэ́ Лэ́скэ дро отпхэныбэ́н: “Амаро́ дад исын Авраа́мо.” Ису́со ракирэ́ла лэ́нгэ: “Ко́ли тумэ́ тэ явэ́н Авраамо́скирэ чхавэ́, тэды тумэ́ кэрэ́нас Авраамо́скирэ рэ́нды;

Римлянэнгэ 4:16

Патяибэ́н ваш дова́ трэй, соб (кай) амэ́нгэ Дэвэ́л тэ примангэл пир тангипэ́н, и соб (кай) дыно́ лав тэ явэ́л екх ваш сарэ́ Авраамо́скирэ родо́скэ, а ваш екхэ одолэ́нгэ, кон отлыджалапэ кэ ёнэ пир Зако́но, нэ и ваш сарэ́нгэ, кон исын Аврамоскирэ чхавэ́ пир патяибэ́н и саво́ исын дад амэ́нгэ сарэ́нгэ,

Матфеё 12:37

пал-дова́ со пир тырэ́ лава́ Дэвэ́л пхэнэ́ла пал тыро́ набангипэн и пир тырэ́ лава́ тыро́ бангипэн.”

Jakov 2:24

Ци дыкхэ́са ту, со Дэвэ́л приджинэла чачунэса манушэ́с пир рэ́нды, нэ на пир екх патяибэ́н?

Jakov 2:18

Нэ вари-кон пхэнэ́ла тумэ́ндыр: “Ту́тэ исын патяибэ́н, а ма́ндэ исын рэ́нды (де́лы).” Сыка́в ма́нгэ тыро́ патяибэ́н би рэндэнгиро, а мэ сыкава́ва миро патяибэ́н мирэ́ рэндэ́ндыр.

Римлянэнгэ 4:12

и соб (кай) тэ явэ́л дад и ваш обчхиндлэнгэ, нэ фэ́ни, савэ́ исын обчхиндлэ́, нэ и одолэ́нгэ, савэ́ джа́на патяибна́скирэ́ дромэ́са, савэ́са гия́ амаро́ дад Авраа́мо анги́л, сыр ёв на сыс обчхиндло.

Римлянэнгэ 4:1

Со амэ пхэна́са, пал амарэ́ прададэстэ пир лоч (плоть) Авраамостэ, со ж лэ́стэ сыс, сыр ёв исыс джидо́.

Римлянэнгэ 3:20

Кон кэрэ́ла пир Зако́но, усае́кх ние́кх на приджинэлапэ чачунэса анги́л Дэвлэ́стэ, пал-дова́ со Зако́но дэ́ла амэ́нгэ тэ джинас, со да дасаво исын грэ́хо.

Apostolengiri Butý 7:2

И ёв отпхэндя́: “Пшала́лэ мирэ́, дадолэ! Вышунэн ман. Славу́тно Дэвэ́л сыкадыя́ амарэ́ дадэ́скэ Авраамо́скэ дрэ Месопатамия анги́л лэ́скиро пиритрадыпэн дро Харано,

Joannostir 8:53

Нау́што Ту сан барэды́р дадэ́стыр амарэстыр Авраамостыр, саво́ мыя́ и сарэ́ проро́ки мынэ́: пал конэ́стэ Ту Пэс гинэса?”

Luka 16:30

А барвало́ ману́ш пхэндя́: ‘Над, Да́до Аврааме! Нэ ко́ли вари-кон мулэ́ндыр тэ явэ́л кэ ёнэ, ёнэ рискирэнас пэ́скиро джиибэ́н кэ Дэвэ́л’.

Luka 16:24

И ёв дыя́ го́дла зоралэ́с: ‘Да́до, Аврааме, потангинэ ман и бичха́в Лазарёс, соб (кай) ёв тэ киндякирэл ангу́шт дро пани́ и тэ киндякирэл мири́ чиб, со мэ адя́кэ мэнчынавапэ дрэ дая́ хачкирды яг’.

Luka 1:73

Со пэ дава́ Ёв дэ́ла совла́х амэ́нгэ, сыр Ёв дыя́ амарэ́ прапапускэ Авраамо́скэ,

Матфеё 3:9

И на думинэн тэ ракирэ́н пэ́скэ: ‘Авраа́мо сыс дад амаро́;’ пал-дова́ со мэ ракира́ва тумэ́нгэ, со Дэвэ́л могинэ́ла далэндыр барэндыр тэ ґаздэл биятэ́н Авраамо́скэ.

Isajos 51:2

Подыкхэн пэ Авраамостэ, тумарэ́ дадэ́стэ и пэ Саратэ, сави́ тумэн бияндя́! Мэ кхардём лэс екхэ́с, дыём лэ́скэ бахтякирибэ́н, дыём лэ́скэ бут чхаворэ́н.

Psalmy 143:2

И на тэрдёв тэ сэндякирэс Тырэ́ писхари́с (рабо́с); пал-дова́ со ние́кх нанэ бидошэ́нгиро анги́л Тыри́ годы́.

Isúso 24:3

Нэ Мэ лыём тумарэ́ дадэ́с Авраамос пирда́л рэка (лэнь), и лыджиём лэс пир сари́ Ханаано́скири пхув, и создыём баро́ лэ́скиро ро́до, и дыём лэ́скэ Исаакос.

Юдэ́нгэ 11:17

Патяибна́са Авраа́мо яндя́ Исаакос дро свэ́нто дыибэ́н, ке́ли Дэвэ́л пропатякирэлас лэс; Дэвэ́л дыя́ лав и ёв скэдыяпэ тэ янэл дро свэ́нто дыибэ́н пэ́скирэ екхорэ чхавэ́с;