Jakov 2:19 - Библия - Пэ Балтитко Романи чиб (Романэс) 2019

¹⁹ Ту патя́са, со Дэвэ́л исын екх. Ту кэрэ́са миштэ́с. И аж налачхэ́ ду́хи патя́на и издрана.

Biblija - Pe Baltitko Romani čib (Romanes) 2019

¹⁹ Tu patiása, so Devél isyn jekh. Tu kerésa mištés. I až nalačhé dúhi patiána i izdrana.

Jakov 2:19 Referans Kwoze

Luka 4:34

“Со Ту камэ́са амэ́ндыр, Ису́се Назаретостыр? Ту явдя́н тэ хасякирэс амэн? Мы джина́в, кон Ту дасаво-Ту сан Свэ́нто Дэвлэ́скиро!”

Marko 1:24

“Со Ту́кэ трэй амэ́ндыр, Ису́се Назаретостыр? Ту явдя́н тэ хасякирэс амэн? Мэ джино́м (джина́в), кон Ту адасаво́ сан, Ту сан Свэ́нто Дэвлэ́скиро!”

Матфеё 8:29

И, акэ, ёнэ дэ́нас го́дла, ракири́: “Со Ту́кэ трэй амэ́ндыр, Чхаво́ Дэвлэ́скиро? Явдян Ту адари́к анги́л упхэндло́ мардо́ (шту́нда) тэ мэньчынэс амэн?”

Apostolengiri Butý 16:17

Ёй джа́лас пал Павлистэ и пал амэ́ндэ, и годлэлас: “Адалэ́ мануша́ исын дына́рья Най Вучыдырэскирэ Дэвлэ́скирэ, савэ́ роспхэнэна тумэ́нгэ пал дова́, сыр тумэ́ могинэ́на тэ зракхэнпэ.”

Яви́р Зако́но 6:4

Шун, Израилё: Рай Дэвэ́л, тумаро́ Рай Дэвэ́л исын Екх;

Galatenge 3:20

Нэ Дэвлэ́скэ на трэиндя́ машкиратуно, ке́ли Ёв дыя́ лав Авраамо́скэ екх пэ екх.

Isajos 44:8

На дарэ́н, и на трашан: ци на пхэндём Мэ ту́кэ ґара́, ци на ангилпхэндём? И тумэ́ досыкавэна (допхэнэна) пал Ма́ндэ. Ци исын яви́р Дэвэ́л апри́ч Ма́ндэ? Нанэ ни сави́ яви́р ска́ла [нанэ яви́р Дэвэ́л-ю.о.], ни со буты́р Мэ на джина́в.

Apostolengiri Butý 19:15

Нэ на́лачхо ду́хо (фа́но) пхэндя́ лэ́нгэ: “Исусо́с мэ джино́м, и Па́вли ма́нгэ джиндло́, а тумэ́ кон сан?”

Marko 5:7

и дыя́ го́дла зоралэ́с: “Со Ту́кэ трэй ма́ндыр, Ису́се, Най Вучэдырэскиро Дэвлэ́скиро Чхаво́! Совлаха́ Дэвлэ́са, со на мэнчынэса Ту ман?”

Заха́рия 14:9

И Рай Дэвэ́л явэ́ла кра́ли пир сари́ пхув; дро дова́ дывэ́с явэ́ла фэ́ни (екх) Рай Дэвэ́л, и лав Лэ́скиро-фэ́ни екх.

Isajos 46:9

Пририпирэн дова́, со сыс англэды́р сарэ́стыр, пал-дова́ со Мэ сом Дэвэ́л и нанэ явирэ Дэвлэ́с, нанэ никонэ́с, кон зджа́ла (поджала) пэ Ма́ндэ.

Isajos 44:6

Адя́кэ ракирэ́ла Рай Дэвэ́л, Кра́ли Израилёскиро, Саво́ выкиндя лэс. Рай Дэвэ́л, болыбна́скирэ-янголэ́нгиро: “Мэ сом пэ́рво и Мэ сом палатуно́ (последнё), нанэ явирэ Дэвлэ́с, апри́ч (кроме) Ма́ндэ.

Isajos 43:10

А Мирэ́ мануша́, савэ́ допхэнэна, пал чачипэ́н, – пхэнэ́ла Рай Дэвэ́л, – тумэ́ и Миро писха́ри, конэ́с Мэ выкэдыём, соб (кай) тумэ́ тэ джинэ́н и тэ патя́н Ма́нгэ, со дава́ Мэ сом; англэды́р на сыс николи явирэ Дэвлэ́с и на явэ́ла.

1 Ximaske 2:5

Пал-дова́ со Дэвэ́л исын Екх, и екх исын машкиратуно (посреднико) машки́р Дэвлэ́стэ и манушэ́ндэ, адава́ ману́ш исын Ису́со Христо́со,

Marko 12:29

Ису́со отпхэндя́: “Ѓа́да, исын барэды́р сарэ́ндыр: ‘Шун Израилё! Рай Дэвэ́л амаро́ исын екх Дэвэ́л;

1 Коринфянэнгэ 8:6

нэ амэ́ндэ ж исын екх Дэвэ́л Дад, Саво́ создыя́ саро́ и ваш Савэ́скэ амэ дживаса; и исын екх Рай Дэвэ́л, Ису́со Христо́со, пир Савэ́стэ саро́ яця́ и пир Савэ́стэ амэ дживаса.

Isajos 45:6

соб (кай) тэ джинэ́н вастоко́стыр, кай кхам ґаздэ́лапэ и кэ западо (пал-панитко риг), кай кхам бэшэ́ла, со нанэ явирэ Дэвлэ́с: Мэ сом Рай Дэвэ́л и явирэ́с нанэ.

Римлянэнгэ 3:30

пал-дова́ со исын екх Дэвэ́л, Саво́ приджинэла чачунэнца одолэ́н, кон кэрдя́ обчхиныбэн пир патяибэ́н и кодолэ́н, савэ́ патя́на, нэ савэ́ исын наобчиндлэ.

Joannostir 17:3

А ве́чно джиибэ́н исын дро дова́, соб (кай) тэ джинэ́н Тут, Екхэ́с Чачипнаскирэ Дэвлэ́с, и Исусо́с Христосо́с, Савэс Ту бичхадян.

Juda 1:6

И Янголэн, савэ́ на зракхнэ́ пэ́скиро англатуно́ право дрэ паты́в, а ячкирдэ́ пэ́скиро штэ́то тэ дживэ́н, Ёв ракхэ́ла лэн дро калыпэ́н дрэ вечна састыра́ пэ баро́ Дывэ́с, ке́ли лэн явэ́ла Ёв пхарэ́с тэ сэндякирэ́л;

Jakov 2:8

Ко́ли тумэ́ сан патяибнытка крали́скирэ Законоскэ, саво́ исын чхиндло́ дро Свэ́нто Чхиныбэ́н: “Рикир сыр дро́гима дро ило́ манушэ́с, саво́ исын пашы́л ту́тэ, сыр кокоро́ пэс, тэды тумэ́ кэрэ́на миштэ́с.”

1 Коринфянэнгэ 8:4

пал хабэ́н, саво́ янэ́на сыр свэ́нто дыибэ́н идолэ́нгэ, амэ джина́са, со идоло дава́ исын хохано́ дэвлоро дро свэ́то, со Дэвэ́л фэ́ни Екх исын, и яви́р нанэ.

Sykadyipén 20:10

И на́лачхо, кон хохадя лэн, сыс чхурдыно́ дро зеро (озеро) яга́са и дзэвэля́са (сераса), кай сыс адя́кэ-паць рискирибна́скиро мурда́л и хоханэ́ проро́ки. И ёнэ явэ́на тэ мэнчынэнпэ раты́ и дывэсэ́ пэ сарэ́ ве́ки.

Juda 1:4

Пал-дова́ со вари-савэ́ мануша́ чораханэ́с попынэ машки́р тумэ́ндэ, савэ́ ґара́ сыс отдынэ́ пэ сэ́ндо. Ёнэ исын бидэвлыткарья, ёнэ пиририскирдэ Дэвлэ́скиро бахтякирибэ́н дро вольныма тэ кэрэ́н, со камэ́на, и ёнэ на приґалёна Екхэ Рас-Барэс, амарэ́ Рас-Дэвлэ́с, Исусо́с Христосо́с.

Marko 7:9

Тумэ́ шука́р могинэ́на тэ отпарувэн Дэвлэ́скирэ припхэныбэна́ пэ пэ́скирэ присыкляибэна”, – ракирдя́ Ису́со.

Apostolengiri Butý 24:25

И пал-дова́ со Па́вли ракирдя́ пал чачипэ́н, и пал-дова́, соб (кай) тэ обрикирэл пэс дро джиибэ́н анги́л сэ́ндо, саво́ анги́л явэ́ла, о Феликсо страхадыя и пхэндя́: “Какана́ джа́, нэ сыр явэ́ла ма́ндэ часо, мэ кхара́ва тут”;

Jona 4:4

Тэды Рай Дэвэ́л пхэндя́: “Нау́што дава́ исын мишто́ ваш ту́кэ тэ холясос?”

Jona 4:9

Тэ́ньци Дэвэ́л пхэндя́ Ёнаскэ: “Нау́што дава́ исын мишто́ ваш ту́кэ тэ холясос пэ хру́сто аж кэ мэрибэ́н!” О Ёна отпхэндя́: “Мэ миштэ́с кэра́ва, со холясыём аж кэ мэрибэ́н.”