Jakov 1:8 - Библия - Пэ Балтитко Романи чиб (Романэс) 2019

⁸ адасаво́ ману́ш исын балвалитко и чхурдэлапэ пэ дуй рига́, нанэ зорало́ пир ду́хо (фа́но) дрэ сарэ́ пэ́скирэ дрома́.

Biblija - Pe Baltitko Romani čib (Romanes) 2019

⁸ adasavó manúš isyn balvalitko i čhurdelape pe duj rigá, nane zoraló pir dúho (fáno) dre saré péskire dromá.

Jakov 1:8 Referans Kwoze

3 Kralip 18:21

И тэды подги́я кэ сарэ́ мануша́ и пхэндя́: “Ци ґара́ (длу́гэс) тумэ́ явэ́на тэ ланган пэ дуй ґэра́? Ко́ли Рай Дэвэ́л (Яхва́) исын Дэвэ́л, то джа́н пала́л пал Лэ́стэ, нэ ко́ли Ваало, то джа́н пала́л пал лэ́стэ.”

Матфеё 6:24

Нико́н на могинэ́ла тэ дынаринэ́л дуе рангэ, ци екхэ́скэ явэ́ла тэ сыкавэ́л паты́в, нэ яви́р явэ́ла на пир ило́; ци явэ́ла чачуно́ кэ екх, а кэ яви́р явэ́ла на пир ило́. Тумэ́нгэ нашты́ тэ дынаринэ́н (тэ служынэн) Дэвлэ́скэ и барвалыпнаскэ.

Jakov 4:8

Явэ́н пашылэды́р кэ Дэвэ́л, и Ёв явэ́ла пашылэды́р кэ тумэ́. Выжужакирэн грэхи́тка, тумарэ́ васта́. Выжужакирэн тумаро́ джиибэ́н, тумэ́ сан дуемитка.

Isajos 29:13

И пхэндя́ Рай Дэвэ́л: “Палдова́ со дава́ народо джа́ла кэ Мэ пэ́скирэ уштэ́нца и шарэла Ман пэ́скирэ чиба́са, нэ ило́ лэ́скиро дур отгия́ Ма́ндыр, и дова́, со ёнэ ґаздэ́на Ма́нгэ паты́в дрэ дар долэса, со сыклякирэ́на манушэ́нгирэ упхэныбэна́,

2 Petr 2:14

а лэ́нгирэ якха́ исын пхэрдэ́ биладжаипнаса и ёнэ на пириячэна тэ кэрэ́н грэ́хи, а затэрдэна дрэ фэлы́ кэ грэ́хо манушэ́н, конэ́скиро ду́хо (фа́но) исын назорало дро пэ́скиро патяибэ́н, а лэ́нгиро ило́ исын присыклякирдо кэ скэмпима, и Дэвэ́л прокостя кадалэ́ чхавэ́н;

4 Kralip 17:41

Далэ́ манушы́тка на́цыи дэ́нас паты́в Ра́скэ-Дэвлэ́скэ, нэ и пэскирэнгэ вычхиндлэ́ муе́нгэ дынариндлэ́. Адя́кэ и чхавэ́ лэ́нгирэ и чхавэ́ лэ́нгирэ чхавэ́нгирэ кэ дава́ дывэ́с кэрэ́на адя́кэ-паць, сыр кэрдэ́ лэ́нгирэ дада́.

2 Petr 3:16

адя́кэ-паць Па́вли ракирэ́ла пал дава́ дрэ сарэ́ пэ́скирэ лыла́; дрэ лэ́ндэ исын вари-со, со исын пхаро́ тэ ґалёс, и мануша́, савэ́ исын тэмпа и нанэ зоралэ́ дро патяибэ́н, бут пиририскирэна, со ёв чхиндя́ дрэ лыла́, сыр и дрэ яви́р паша́ Чхиныбна́стыр. Кадасавэ́ мануша́ сы́рбы кокорэ́ пэ пэ́стэ лыджа́на хасибэ́н.

4 Kralip 17:33

Ра́скэ-Дэвлэ́скэ ёнэ дэ́нас паты́в, и дэвлорэ́нгэ пэскирэнгэ ёнэ дынариндлэ́ пир мане́ра манушэ́нгири, савэ́ндыр вычхурдынэ лэн.

Osija 10:2

Лэ́нгиро ило́ росчхудо пэ паш, акана́ Рай Дэвэ́л пхагирэ́ла тэлэ́ лэ́нгирэ алта́ри (жэ́ртва), Ёв пхагирэ́ла пэ котэра́ лэ́нгирэ сты́лбы вычхудэ́ муенца / патренца (образэнца).

Матфеё 6:22

Якха́ исын сыр момолы́тко (свети́льнико) ваш маса́. Палдава́, ко́ли якх тыри́ явэ́ла жужы (чысто), тэды тырэ́ маса́ явэ́на жужэ́.

Psalmy 119:113

Мэ бидыкхав дуемуенгирэ манушэ́н, нэ ма́нгэ исын дро́го Тыро́ Зако́но.

Jakov 1:7

мэк тэ на думинэл адасаво́ ману́ш, со ёв дорэсэ́ла вари-со Ра́стыр-Дэвлэ́стыр;