Jakov 1:25 - Библия - Пэ Балтитко Романи чиб (Романэс) 2019

²⁵ Нэ ману́ш, саво́ лачхэ́с сыклякирэ́ла Зако́но, саво́ исын бидошакиро, и саво́ дэ́ла во́ля; кадава́ ману́ш кэрэ́ла пир Зако́но, и на бистрэла, со ёв шундя́, и явэ́ла бахтало́ дро дова́, со ёв кэрэ́ла.

Biblija - Pe Baltitko Romani čib (Romanes) 2019

²⁵ Ne manúš, savó lačhés sykliakiréla Zakóno, savó isyn bidošakiro, i savó déla vólia; kadavá manúš keréla pir Zakóno, i na bistrela, so jov šundiá, i javéla bahtaló dro dová, so jov keréla.

Jakov 1:25 Referans Kwoze

Luka 11:28

А Ису́со отпхэндя́: “Чачо́, бахталэ́ исын кодолэ́, савэ́ шунэ́на Дэвлэ́скиро лав и кандэ́на лэс.”

Joannostir 13:17

Ко́ли тумэ́ джинэ́на дава́, тумэ́ явэ́на бахталэ́, ко́ли и явэ́на тэ кэрэ́н адя́кэ-паць.

1 Petr 2:16

Дживэ́н сыр вольна мануша́; нэ тэ на явэ́л дая́ во́ля ваш дова́, соб (кай) тэ приучхакирэн грэ́хо, а дживэ́н сыр Дэвлэ́скирэ писха́рья.

Jakov 2:12

И ракирэ́н и кэрэ́н адя́кэ сы́рбы мануша́, савэ́н могинэ́на тэ сэндинэ́н пир Зако́но, саво́ дэ́ла во́ля;

Galatenge 5:1

Тэды, рикирэнпэ зоралэ́с сыр вольна мануша́, пал-дова́ со Христо́со мэкця́ пэ во́ля амэн и, соб (кай) тумэ́ нэвэ́стыр тэ на урьен писхарискиро ґа́мо.

1 Коринфянэнгэ 15:58

Адя́кэ, мирэ́ дро́га пшала́лэ, явэ́н зоралэ́ дро ду́хо (фа́но) тумаро́, на кунинэнпэ, усады (сак) (всегда) кэрэ́н миштэ́с Ра́скирэ Дэвлэ́скири буты́, пал-дова́ со тумэ́ джинэ́на, со тумари́ буты́ на ивья́ (напра́снэс).

1 Ximaske 4:16

Дыкх цямкэс пал пэ́скиро джиибэ́н и сыклякирибэ́н, кэр дава́ саро́ часо, ко́ли ту адя́кэ явэ́са тэ кэрэ́с, зракхэ́са пэс и кодолэ́ манушэ́н, савэ́ шунэ́на тут.

2 Коринфянэнгэ 13:5

пропатякирэн пэс, ци дживэ́на тумэ́ пир патяибэ́н; отпхэнэн кокорэ́ пэ́скэ: ци джинэ́на тумэ́ кокорэ́, со тумэ́ сан Христосо́скирэ? Ко́ли на адя́кэ, тэды тумэ́ на сан лачхэ́.

Римлянэнгэ 11:22

И адя́кэ, дыкх Дэвлэ́скиро тангипэ́н и строгима: кэ одолэ́, кон отпыя, – строгима, нэ кэ ту – Дэвлэ́скиро бахтало́ лачхипэ́н, ко́ли ту явэ́са тэ дживэ́с Лэ́скирэ бахталэ́ лачхипна́са, пал-дова́ со, ко́ли на адя́кэ, тэды и ту явэ́са чингирдо криг.

Pritčy 14:15

Простонэ-годякирэ мануша́ патя́на кажнонэ́ лавэ́скэ, нэ барэ́-годя́киро ману́ш обдуминэла лачхэ́с кажно шаго (ламны).

Римлянэнгэ 8:15

Палдова́ со тумэ́ на прилынэ́ Ду́хо (Фа́но), Саво́ кэрэ́ла тумэн писхарье́нца, соб (кай) нэвэ́стыр тэ дживэ́н дрэ дар, а тумэ́ прилынэ́ Ду́хо (Фа́но), Саво́ кэрдя́ тумэн пэ́скирэ чхавэ́нца, савэ́са амэ кхараса Дэвлэ́с: “Авва, Да́до!”

Galatenge 2:4

дава́ сыс пал хоханэ́ пшалэ́ндэ, савэ́ явнэ́ чораханэ́с тэ уджинэ́н пал амари́ вольныма, со амэ́ндэ исын пир екхипэ́н Исусо́са Христосо́са ваш дова́, соб (кай) тэ кэрэ́н амэн писхарье́нца;

Joannostir 8:36

Ко́ли Чхаво́ кэрэ́ла тумэн вольнонэнца, тэды, чачэс, тумэ́ явэ́на вольна.

Psalmy 106:3

Бахталэ́ исын одолэ́, савэ́ кандэ́на Лэ́скирэ припхэныбэна́ и савэ́ кэрэ́на пир чачипэ́н кажно мо́ло.

Sykadyipén 14:13

И мэ шундём зан болыбна́стыр, сави́ пхэндя́: “Зачхин: ‘Бахталэ́ исын одолэ́, савэ́ мэрэ́на дро екхипэ́н Дэвлэ́са ададывэсэстыр!’” “Чачо́”, – ракирэ́ла Ду́хо. “Ёнэ дэ́на ра́да тэ откинён пхарэ́ бутя́тыр и лэ́нгирэ рэ́нды джа́на пала́л!”

1 Ximaske 2:15

Нэ ёй явэ́ла зракхны пир дава́, со ёй биянэ́ла чхаворэ́н, ко́ли ёй явэ́ла дурэды́р дро патяибэ́н и дрэ паты́в кэ яви́р мануша́ и дрэ паты́в лачхэ́ рэндэ́нца (делэнца).

Римлянэнгэ 7:12

Палдава́ Зако́но исын свэ́нто, и запхэныбэн исын свэ́нто, и чачуно́ и лачхо́.

Apostolengiri Butý 26:22

Нэ Дэвэ́л кэ/жы́ко ададывэсатуно дывэ́с помогинэла ма́нгэ, и, ґа́да, мэ сом тэрдо́ ада́й и допхэнава сарэ́нгэ, тыкнэнгэ и барэнгэ, мэ нисо́ буты́р на ракира́ва, апри́ч дова́, пал со проро́ки и Мо́йза ракирдэ́ пал дова́, со явэ́ла,

Apostolengiri Butý 13:43

Ке́ли мануша́, савэ́ сыс пэ скэдыибэ́н, лынэ́ тэ розджанпэ, тэды бут Юды и яви́р, савэ́ прилынэ́ Юды́тко сыклякирибэ́н, гинэ́ пал Павлистэ Варнаваса, савэ́ ракирдэ́ лэ́нца и мангэнас, упатякирэнас лэн тэ явэ́н дурэды́р дро Дэвлэ́скиро бахталыпэ́н.

Юдэ́нгэ 12:15

Дыкхэ́н миштэ́с, соб (кай) нико́н тумэ́ндыр тэ на хасякирэ́л Дэвлэ́скиро бахтякирибэ́н, соб (кай) тэ на явэ́л машки́р тумэ́ндэ кирко́ рукх (корнё), саво́ могинэ́ла тэ янэл фуипэ́н, и соб (кай) лэ́са тэ на явэ́н магирдэ́ бут яви́р мануша́;

Apostolengiri Butý 2:42

И ёнэ ўса́ды (сак) явэ́нас кхэтанэ́ пир Апостолэнгиро сыклякирибэ́н тэ ракирэ́н екх екхэ́са, тэ пхагирэн маро́ и тэ мангэ́нпэ Дэвлэ́скэ.

Isajos 8:20

Пропатякирэн лэн пир сыкадыипэн дро Зако́но и откэрибэн. Ко́ли ёнэ (кон выкхарэла мулэн) на ракирэ́на адя́кэ, сыр дава́ лав, тэ́ньчи нанэ дрэ лэ́ндэ дуд (свэ́то).

Psalmy 119:45

И мэ ўса́ды (сак) ява́ва тэ псирав пир во́ля, пал-дова́ со мэ родава Тырэ́ упхэныбэна́.

Psalmy 119:32

Мэ прастава дромэ́са пир Тырэ́ припхэныбэна́, ке́ли Ту дыя́н зор мирэ́ илэскэ.

1 Kralip 12:14

Ко́ли явэ́на тэ дарэ́н Ра́стыр-Дэвлэ́стыр, и тэ дынаринэ́н Лэ́скэ, и тэ шунэ́н Лэ́скири зан, и на лэ́на тэ джа́н проти Ра́скирэ-Дэвлэ́скиро упхэныбэ́н, тэды явэ́на и тумэ́ и тумаро́ кра́ли, саво́ исын кра́ли пэ тумэ́ндэ, тэ псирэ́н пала́л пал Растэ-Дэвлэ́стэ, тумарэ́ Дэвлэ́стэ,

Sykadyipén 22:14

Бахталэ́ исын одолэ́, савэ́ рикирэнапэ кэ Лэ́скирэ припхэныбэна́, соб (кай) лэ́ндэ тэ явэ́л право кэ джиибна́скиро кашт (дрэ́во), и соб (кай) тэ заджа́л дро фо́ро пир по́рта.

1 Ian 2:24

Тэды тумэ́, со тумэ́ шундлэ́ англыпна́стыр, мэк дова́ тэ явэ́л дрэ тумэ́ндэ; ко́ли явэ́ла дрэ тумэ́ндэ, дова́, со тумэ́ шундлэ́ англыпна́стыр, тэды тумэ́ явэ́на дро екхипэ́н Чхавэ́са и Дадэ́са.

Колосянэнгэ 1:23

ко́ли тумэ́ сан зоралэ́ дро ду́хо (фа́но) тэ дживэ́н пир патяибэ́н и на отджана дрэ наде́я бахталэ́ занятыр (звесятыр), сави́ тумэ́ шундлэ́, и сави́ роспхэнэлапэ пир саро́ джидо́, со сыс создыно́ тэл болыбэ́н, сави́ Мэ, Па́вли, лыём тэ роспхэнав.

Римлянэнгэ 2:13

пал-дова́ со, на одолэ́ мануша́ исын чачунэ́ анги́л Дэвлэ́стэ, савэ́ шунэ́на Зако́но, а кодолэ́, савэ́ кэрэ́на пир Зако́но, ёнэ явэ́на зракхнэ́.

Римлянэнгэ 8:2

Пал-дова́ со джиибна́скиро Духоскиро Зако́но пир Исусо́стэ Христосо́стэ кэрдя́ ман вольнонэса грэхоскирэ Законо́стыр и мэрибна́стыр.

Galatenge 6:2

Помогинэн екх екхэ́скэ тэ лыджа́н пхарипэ́н, и далэ́са тэды тумэ́ сполнинэна Христосо́скиро Зако́но.