Jakov 1:18 - Библия - Пэ Балтитко Романи чиб (Романэс) 2019

¹⁸ Ёв выкэдыя́ пир Пэ́скири во́ля тэ дэл джиибэ́н амэ́нгэ чачунэ́ лавэ́са, соб (кай) амэ́нгэ тэ явас Лэ́скирэ пэрвонэнца, савэ́н Ёв создыя́.

Biblija - Pe Baltitko Romani čib (Romanes) 2019

¹⁸ Jov vykedyjá pir Péskiri vólia te del džiibén aménge čačuné lavésa, sob (kaj) aménge te javas Léskire pervonenca, savén Jov sozdyjá.

Jakov 1:18 Referans Kwoze

1 Petr 1:23

Тумэ́ сан нэвэ́стыр бияндлэ, на тумарэ́ дадэндыр, а Дэвлэ́скирэ лавэ́стыр, саво́ исын джидо́, и саво́ ве́чнэс зракхэ́лапэ.

Joannostir 1:13

Дава́ сыс кадалэ́ чхавэ́, савэ́ бия́ндынэ на ратэстыр и на пир лочакиро камибэн на пир манушэскири во́ля, а Дэвлэ́стыр сыс бияндлэ.

1 Petr 1:3

Мэк тэ явэ́л бахтякирдо́ Дэвэ́л Дад амарэ́ Ра́скирэ-Дэвлэ́скиро, Исусо́скирэ Христосо́скиро, Саво́ пир Пэ́скиро баро́ тангипэ́н дыя́ амэ́нгэ яви́р джиибэ́н, ке́ли отджидякирдя́ Исусо́с Христосо́с мулэ́ндыр, соб (кай) амэ́ндэ тэ явэ́л джиды наде́я,

Sykadyipén 14:4

Дава́ исын мануша́, савэ́ на магирдэ́ пэс джувле́нца; ёнэ сыс на́романдунэ мурша́. Ёнэ джа́нас пала́л пал Свэнтонэ́ Бакрорэ́стэ, карик на джа́лас Ёв. Ёнэ сыс выкиндлэ машки́р манушэ́ндэ, и ёнэ исын пэ́рва мануша́ пхувья́тыр ваш Дэвлэ́скэ и Свэнтонэ́ Бакрорэскэ.

Ереме́ё 2:3

Ту, Израиле, са́нас свэ́нто Ма́ндэ, ту са́нас пэ́рво барьякирдо́ (пло́до) Мирэ́ умалотостыр. Мэ пхарэ́с сэндякирдём сарэ́н, кон дукхавэлас тут, мэ бичхававас би́да пэ лэ́ндэ,’’” – пхэндя́ Рай Дэвэ́л.

Эфесянэнгэ 1:12

соб (кай) амэ, савэ́ пэ́рва дорэсцям (долыям) лачхо́ ужакирибэ́н Христосостыр, тэ шарас Дэвлэ́скири сла́ва;

1 Ian 3:9

Кажно ману́ш, саво́ яця́ Дэвлэ́скирэ чхавэ́са, на кэрэ́ла буты́р грэ́хи, пал-дова́ со Дэвлэ́скири зя́рка исын дрэ Лэ́стэ, и ёв на могинэ́ла тэ кэрэ́л грэ́хи, пал-дова́ со Дэвэ́л яця́ лэ́скирэ Дадэ́са.

Юдэ́нгэ 12:23

тумэ́ явнэ́ пашылэды́р кэ Кхангири́, кай скэдынэ́пэ радыма́са чхаворэ́, савэ́ пэ́рва бияндёна, конэскирэ лава́ исын зачхиндлэ́ дро Болыбна́скиро Раё, и кэ Дэвэ́л, Саво́ исын Сэнда́ри пэ сарэ́ндэ и кэ манушэ́нгирэ ду́хи, со ячнэ́ бидошакирэнца;

Jakov 1:21

Ваш дава́ отчхувэн пэ́стыр сарэ́ ладжавэ кэ магирипэ́н рэ́нды и песьцёныма, савэ́ ишчо (инкэ́) ячнэ́пэ андрэ́ тумэ́ндэ и прилэ́н лав ковлэ́ илэ́са, саво́ мэкця́ корнё (рукх) дро тумаро́ ило́ и могинэ́ла тэ зракхэ́л тумэн.

1 Коринфянэнгэ 4:15

Палдава́, ко́ли тумэ́ндэ исын дэш тысёнцы сыклярьен (наставникэн) пир патяибэ́н дрэ Христосо́стэ, нэ усае́кх тумэ́ндэ исын екх дад; пал-дова́ со мэ яцём сы́рбы дад ваш тумэ́нгэ пир бахтало́ лав, со мэ яндём.

Римлянэнгэ 4:17

и сыр исын чхиндло́: “Мэ чхудём тут дадэ́са ваш бутэ́-манушэ́нгирэ на́цыи” анги́л Дэвлэ́стэ, дрэ Савэ́стэ Авраа́мо упатяндыя, Саво́ отджидякирэла мулэн, и ракирэ́ла пал долэ́ рэ́нды, со какана́ нанэ, нэ адя́кэ сы́рбы ёнэ исын;

Amoso 6:1

Бида тумэ́нгэ, кон прилэ́ла джиибэ́н локхэс, и савэ́ исын наракхибнытка (беспечна) дро патяибэ́н пэ бэ́рга дрэ Сама́рия, – тумэ́, славутна мануша́ барэ́ нацыятыр, кэ савэ́ явэ́ла кхэр Израилёскиро.

Левито 23:10

“Дэ тэ джинэ́н Израилёскирэ чхавэ́нгэ и пхэн лэ́нгэ: ‘Ке́ли явэ́на пэ пхув, сави́ Мэ да́ва тумэ́нгэ, и явэ́на тэ чхинэн пэ ла́тэ жатва, тэды янэ́н пэ́рво тумарэ́-жатвакиро ґарбо (снопо) кэ раша́й;

2 Коринфянэнгэ 6:7

пир чачипна́скиро лав, Дэвлэ́скирэ зорья́са, чачипна́скирэ мардытконэ́са дро чачо́ и дро зэ́рво (ле́во) васт;

Эфесянэнгэ 1:13

дрэ Лэ́стэ и тумэ́ адя́кэ-паць шундлэ́ чачуно́ лав, бахталы́ зан (звесь) пал тумаро́ зракхибэ́н, сыр тумэ́ упатя́ндынэ дрэ Лэ́стэ. Тумэ́ндэ исын якхи́тко (печать), саво́ сыс Свэнтонэ́ Духо́стыр, Савэс тумэ́ ґара́ ужакирдэ,

2 Ximaske 2:15

Причху́в зор, соб (кай) ту тэ явэс лачхо́ анги́л Дэвлэ́стэ, и тэ явэс лачхо́ бутярно, савэ́скэ на трэй тэ ладжал, саво́ чачунэ́с сыклякирэ́ла манушэ́н пал Дэвлэ́скиро лав.

Jakov 1:15

пало́ дава́ злыджаибэн, саво́ на трэй, и саво́ лыджа́ла кэ грэ́хо, саво́ явэ́ла кэрдо́ и саво́ лыджа́ла кэ мэрибэ́н.

Jakov 3:14

нэ ко́ли дро тумаро́ ило́ тумэ́ндэ исын кирко зэвлыныпэ́н и тумэ́ кэрэ́на пир холы́, тэды на шарэнпэ вучэ́с и на хохавэн пэ чачипэ́н.