Isúso 9:24 - Библия - Пэ Балтитко Романи чиб (Романэс) 2019

²⁴ Ёнэ дро отпхэныбэ́н Исусо́скэ пхэндлэ́: “Догия́ кэ джиныбэ́н тырэ́ дынарьенгиро, со Рай Дэвэ́л, Дэвэ́л тыро́, пхэндя́ Мойза́скэ, Пэ́скирэ писхари́скэ, тэ дэл тумэ́нгэ сари́ пхув и тэ мулякирэ́л сарэ́н далэ́ пхувья́кирэ манушэ́н анги́л тумаро́ муй: пал-дова́ амэ древа́н дардямпэ, соб (кай) тумэ́ тэ на отлэн амаро́ джиибэ́н, и амэ кэрдя́м дава́ рэ́ндо.

Biblija - Pe Baltitko Romani čib (Romanes) 2019

²⁴ Jone dro otphenybén Isusóske phendlé: “Dogijá ke džinybén tyré dynar'jengiro, so Raj Devél, Devél tyró, phendiá Mojzáske, Péskire pisharíske, te del tuménge sarí phuv i te muliakirél sarén dalé phuvjákire manušén angíl tumaró muj: pal-dová ame drieván dardiampe, sob (kaj) tumé te na otlen amaró džiibén, i ame kerdiám davá réndo.

Isúso 9:24 Referans Kwoze

Матфеё 10:28

На андыршан кодолэндыр, савэ́ мулякирна маса́, нэ савэ́ на могинэ́на тэ мулякирэ́н тумаро́ ду́хо (фа́но); нэ дарэ́н кодолэндыр, савэ́ могинэ́на тэ мулякирэ́н и ду́хо (фа́но) и маса́ дро лю́но (адо).

Ióvo 2:4

И на́лачхо отпхэнэ́лас Ра́скэ-Дэвлэ́скэ и пхэндя́: “Цы́па пал цы́па, и, чачо́, ману́ш саро́ отдэ́ла пал пэ́скиро джиибэ́н.

Isúso 9:9

Ёнэ пхэндлэ́ лэ́скэ: “Древа́н дуратунэ́ пхувья́тыр явнэ́ тырэ́ дына́рья дро лав Ра́скирэ-Дэвлэ́скирэ, тырэ́ Дэвлэ́скиро тырэскирэ; пал-дова́ со амэ шундя́м сла́ва Лэ́скири и саро́, со кэрдя́ Ёв дрэ Еги́пто,

Isúso 2:9

И пхэндя́ лэ́нгэ: “Мэ джино́м, со Рай Дэвэ́л отдыя́ дая́ пхув тумэ́нгэ; палдава́ тумэ́ яндлэ́ пэ амэ́ндэ траш, и сарэ́ мануша́ далэ́ пхувья́кирэ ячнэ́ тумэ́ндыр дрэ дар.

Isúso 2:11

Ке́ли амэ шундя́м пал дава́, яця́ бизорья́киро амаро́ ило́, и ни конэ́стэ амэ́ндыр на яця́ ду́хо проти тумэ́ндэ; пал-дова́ со Рай Дэвэ́л, Дэвэ́л тумаро́, исын Дэвэ́л упра́л пэ болыбэ́н и пэ пхув тэла́л.

Isúso 6:21

И отдынэ́ прокошыбнаскэ саро́, со сыс дрэ фо́ро, и муршэ́н и джувле́н, и тэрнэн и пхуранэн, и гурувэ́н, и бакрэ́н, и ослэн, саро́ хасякирдэ́ куртала́са.

Isúso 10:2

то тэды ёв зоралэ́с страхадыя, пал-дова́ со Гавао́но фо́ро сыс баро́, сыр екх крали́скирэ форье́ндыр, и сыс барэды́р Гаёстыр, и сарэ́ мануша́ лэ́скирэ сыс муршарья.