Isúso 8:35 - Библия - Пэ Балтитко Романи чиб (Романэс) 2019

³⁵ Сарэ́стыр, со Мо́йза ракирдя́ Исусо́скэ, на сыс ние́кх лав, саво́ Ису́со на прогиндя анги́л саро́ Израилёскиро скэдыибэ́н и джувлендэ, и чхавэ́ндэ, и манушэ́ндэ, савэ́ явнэ́ явирэ рига́тыр, и дживэ́на машки́р лэ́ндэ.

Biblija - Pe Baltitko Romani čib (Romanes) 2019

³⁵ Saréstyr, so Mójza rakirdiá Isusóske, na sys nijékh lav, savó Isúso na progindia angíl saró Izrailjoskiro skedyibén i džuvliende, i čhavénde, i manušénde, savé javné javire rigátyr, i dživéna maškír lénde.

Isúso 8:35 Referans Kwoze

Яви́р Зако́но 31:12

скэ́дэ манушэ́н, муршэ́н и джувле́н, и чхаворэ́н, и тырэ́ манушэ́н, савэ́ явнэ́ явирэ рига́тыр, савэ́ явэ́на дрэ тырэ́ ша́тры/буды [по́рта-ю.о.], соб (кай) ёнэ тэ шунэ́н и тэ сыклён, и, соб (кай) ёнэ тэ дарэ́н Ра́стыр-Дэвлэ́стыр, тумарэ́ Дэвлэ́стыр, и тэ кэрэ́н кэ ко́нцо/яго́ро тэ причхувэ́н зор и тэ кэрэ́н кэ ко́нцо/кэ яго́ро (тэ сполнинэн) сарэ́ далэ́ Законо́скирэ лава́;

Ниеми́я 8:2

И яндя́ раша́й Е́здра Зако́но анги́л скэдыибэ́н муршэнгиро и джувленгиро и сарэ́ манушэ́нгиро, савэ́ могиндлэ́ тэ ґалён, дро пэ́рво (англатуно́) дывэ́с эфтатонэ-чхонэ́скиро;

Ереме́ё 26:2

“Адя́кэ ракирэ́ла Рай Дэвэ́л: ‘Тэрдёв пэ грэ́да (дво́ро) Кхангирья́кири Ра́скирэ-Дэвлэ́скири и пхэн сарэ́ форьенгэ Юдэя́тыр, со явэ́на тэ дэн паты́в дрэ Кхангири́ Ра́скирэ-Дэвлэ́скири, сарэ́ лава́, со Мэ припхэнава ту́кэ тэ пхэнэ́с лэ́нгэ: На гарав ани е́кх лав.

Apostolengiri Butý 21:5

Нэ ке́ли амарэ́ дывэса́ кончындлэпэ, амэ традыям дурэды́р, и сарэ́ сыкляибны́тка пэ́скирэ ромне́нца и чхавэ́нца лыджинэ́ амэн пал фо́ро. А пэ брэ́го амэ тэрдиям пэ чанга́ и мангдямпэ Дэвлэ́скэ.

Marko 10:14

Нэ ке́ли Ису́со дыкхця́ дава́, Ёв холя́сыя и пхэндя́: “Мэкэ́н чхаворэ́н кэ Мэ; и на тэрдён пэ дром лэ́ндэ, пал-дова́ со Кралипэ́н дро Болыбна́скиро Раё явэ́ла лэ́нгиро.

Ioil 2:16

кэдэн манушэ́н, кэдэн кхэтанэ́ годэпхурэн (пхурыдырэн), кэдэн биятэ́н и колынытконэ тыкнэмасэн; мэк тэ джал яври́ тэрно́ лэ́скирэ коморатыр, и тэрны́ ла́кирэ штубатыр.

Е́здра 10:1

Акана́, сыр о Е́здра мангэласпэ Дэвлэ́скэ, и сыр Ёв приджинэлас лэ́нгирэ грэ́хи, рови́ и пэри шэрэ́са анги́л Кхэр (Кхангири́) Дэвлэ́скиро древа́н бут мануша́ скэдынэ́пэ: мурша́, джувля́ и бияты Израилёскирэ, ёнэ тэрдинэ́ екх пашы́л екхэ́стэ, ёнэ адя́кэ-паць рондлэ́ киркэс.

Яви́р Зако́но 29:11

тумарэ́ чхавэ́, тумарэ́ ромня́ и тумарэ́ мануша́, савэ́ явнэ́ явирэ рига́тыр, и дживэ́на дро тыро́ ста́но, манушэ́стыр, саво́ чингирэла кашта́ тырэ́ кэ ману́ш, саво́ лэ́ла пани́ тыро́,

Apostolengiri Butý 20:27

пал-дова́ со мэ нисо́ на промэкцём тэ роспхэнав тумэ́нгэ пал Дэвлэ́скири во́ля.

Яви́р Зако́но 4:2

тэ на причхувэ́н кэ дова́, со мэ ракирдём тумэ́нгэ, и тэ на отлэн долэ́стыр; ракхэ́н Ра́скирэ-Дэвлэ́скирэ, тумарэ́ Дэвлэ́скирэ припхэныбэна́, савэ́ мэ да́ва тумэ́нгэ.

Vygiiben 12:38

и бут явирэ-родоскирэ мануша́ выгинэ́ лэ́нца, и тыкно́ и баро́ кхэри́тко мурда́л, стада сыс древа́н бари.

Заха́рия 8:23

Адя́кэ ракирэ́ла янголэ́нгирэ-болыбна́скиро Рай Дэвэ́л: “Явэ́ла дрэ долэ́ дывэса́, со дэшджинэ явирэ-чибьенгирэ Наюдытконэ́ нацые́ндыр, лэнапэ пал яго́ро (пал по́дя) пэ и́ди Юдаскири и пхэнэ́на: ‘Амэ джа́са ту́са, пал-дова́ со амэ шундя́м, со тумэ́нца исын Дэвэ́л.’”

Яви́р Зако́но 29:9

Ракхэ́н лава́ далэ́ заветоскирэ, и кэрэ́н кэ ко́нцо (кэ яго́ро) лэн, соб (кай) тумэ́нгэ тэ явэ́л бахт дро саро́, со тумэ́ явэ́на тэ кэрэ́н.

Яви́р Зако́но 29:10

Сарэ́ тумэ́ ададывэ́с сан тэрдэ́ анги́л муй Ра́скирэ-Дэвлэ́скиро, тумарэ́ Дэвлэ́скиро, тумарэ́ шэралэ́ пэ ро́дыцы, пхурыдыра́ тумарэ́, барыдыра́ тумарэ́, сарэ́ Израильтя́ни,

Ниеми́я 8:3

и гиндя лэ́стыр пэ форуны́ (плошча), саво́ сыс анги́л Панитко по́рта, злоко́стыр кэ пашдывэс, анги́л муршэндэ и джувлендэ и сарэ́ндэ, савэ́ могиндлэ́ тэ ґалён: и сарэ́ манушэ́нгирэ кана́ шундлэ́ Законоскири лылвари́.