Isúso 8:33 - Библия - Пэ Балтитко Романи чиб (Романэс) 2019

³³ Саро́ Израилё, пхурыдыра́ лэ́скирэ, и дыкхибнарья лэ́скирэ и сэнда́рья, тэрдинэ́ долэ́ и явирэ рига́тыр ковчэгоскирэ проти рашандэ и Левитэндэ, савэ́ лыджа́нас Ра́скирэ-Дэвлэ́скиро завето́скиро ковчэго, сыр мануша́ явирэ рига́тыр, адя́кэ и далэ́-пхувья́кирэ мануша́, екх лэ́нгири паш маму́й бэ́рга Гаризимо, а яви́р паш пашы́л бэ́рга Гевало, сыр англэды́р ракирдя́ Мо́йза, писха́ри Ра́скиро-Дэвлэ́скиро, тэ бахтякирэс Израилёскирэ манушэ́н.

Biblija - Pe Baltitko Romani čib (Romanes) 2019

³³ Saró Izrailjo, phurydyrá léskire, i dykhibnarja léskire i sendárja, terdiné dolé i javire rigátyr kovčegoskire proti rašande i Lievitende, savé lydžánas Ráskire-Devléskiro zavietóskiro kovčego, syr manušá javire rigátyr, adiáke i dalé-phuvjákire manušá, jekh léngiri paš mamúj bérga Garizimo, a javír paš pašýl bérga Gievalo, syr angledýr rakirdiá Mójza, pishári Ráskiro-Devléskiro, te bahtiakires Izrailjoskire manušén.

Isúso 8:33 Referans Kwoze

Яви́р Зако́но 11:29

Ке́ли янэ́ла тут Рай Дэвэ́л, Дэвэ́л тыро́, пэ доя́ пхув, пэ сави́ ту джа́са, соб (кай) тэ лэс лофо пэ ла́тэ, тэды пхэнэ́н бахтякирибэ́н пэ бэ́рга Гаризимо, а прокошыбэ́н (арман) пэ бэ́рга Гевало.

Яви́р Зако́но 31:12

скэ́дэ манушэ́н, муршэ́н и джувле́н, и чхаворэ́н, и тырэ́ манушэ́н, савэ́ явнэ́ явирэ рига́тыр, савэ́ явэ́на дрэ тырэ́ ша́тры/буды [по́рта-ю.о.], соб (кай) ёнэ тэ шунэ́н и тэ сыклён, и, соб (кай) ёнэ тэ дарэ́н Ра́стыр-Дэвлэ́стыр, тумарэ́ Дэвлэ́стыр, и тэ кэрэ́н кэ ко́нцо/яго́ро тэ причхувэ́н зор и тэ кэрэ́н кэ ко́нцо/кэ яго́ро (тэ сполнинэн) сарэ́ далэ́ Законо́скирэ лава́;

Яви́р Зако́но 31:9

И чхиндя́ Мо́йза дава́ Зако́но, и отдыя́ лэс рашангэ, Левиёскирэ чхавэ́нгэ, савэ́ лыджа́нас Ра́скирэ-Дэвлэ́скиро Заветоскиро ковчэго, и сарэ́ Израилёскирэ-чхавэ́нгирэ пхурыдырэнгэ.

Isúso 24:1

И скэдыя́ Ису́со сарэ́ Израилёскиро ро́дыцы дро Сихемо, и кхардя́ Израилёскирэ пхурыдырэн, и лэ́скирэ барыдырэ́н, и лэ́скирэ сэндарьен, и лэ́скирэ дыкхибнаскирэн, и тэрдинэ́ ёнэ анги́л Растэ-Дэвлэ́стэ, Дэвлэ́стэ.

Isúso 4:18

И ке́ли рашая́, савэ́ лыджинэ́ Ра́скирэ-Дэвлэ́скиро завето́скиро ковчэго, выгинэ́ Иорданостыр, тэды, сыр лэ́нгирэ ґэра́ тэрдинэ́ пэ пхув, пани́ Иорданоскиро сы́гэс потхадыя пир пэ́скиро штэ́то и гия́, сыр тася́ и пэ три́то дывэ́с, вучэды́р сарэ́ пэ́скирэ брэгэндыр.

Isúso 3:3

И дынэ́ манушэ́нгэ упхэныбэ́н, ракири́: “Ке́ли дыкхэ́на Ра́скирэ-Дэвлэ́скиро, тумарэ́ Дэвлэ́скиро завето́скиро ковчэго, и раша́н и Левитэ́н, савэ́ лыджа́на лэс, тэды и тумэ́ джа́н пэ́скирэ штэто́стыр и джа́н пал лэ́стэ.

Яви́р Зако́но 31:25

то тэды Мо́йза пхэндя́ Левитэ́нгэ, савэ́ лыджа́нас Ра́скирэ-Дэвлэ́скиро завето́скиро ковчэго (мохто́), пхэни́:

Čysly 15:29

екх Зако́но мэк тэ явэ́л ваш тумэ́нгэ, сыр ваш штэтытконэ манушэ́скэ Израилёскирэ чхавэ́ндыр, адя́кэ и ваш манушэ́скэ, саво́ явдя́ явирэ рига́тыр, и дживэ́ла машки́р тумэ́ндэ, ко́ли вари-кон кэрэ́ла дош пир наджиныбэн.

Čysly 15:16

зако́но екх, и екх правы мэк тэ явэ́н ваш тумэ́нгэ и ваш манушэ́скэ, саво́ явдя́ явирэ рига́тыр, и дживэ́ла машки́р тумэ́ндэ.’

Vygiiben 12:49

екх Зако́но мэк тэ явэ́л и ваш тумэ́нгэ и ваш манушэ́скэ, саво́ яця́ тэ дживэ́л машкира́л тумэ́ндэ.”

Isúso 23:2

И кхардя́ кэ пэ Ису́со сарэ́н Израилёскирэ чхавэ́н, лэ́нгирэ пхурыдырэн, лэ́нгирэ барыдырэ́н, лэ́нгирэ сэндарьен и лэ́нгирэ дыкхибнаскирэн, и пхэндя́ лэ́нгэ: “Мэ пхуриём, загиём дрэ пхурэ́ бэрша́.

Isúso 6:6

И кхардя́ кэ пэ Ису́со, Навиноскиро чхаво́, Израилёскирэ раша́н, и пхэндя́ лэ́нгэ: “Лыджа́н завето́скиро ковчэго; а эфта́ рашая́ мэк тэ лыджа́н эфта́ ро́ги свэнкитка анги́л Ра́скирэ-Дэвлэ́скиро ковчэго”.

Isúso 4:10

Рашая́, савэ́ лыджинэ́ ковчэго, сыс тэрдэ́ машки́р Иорда́но, пака кэрдо́ сыс саро́, со Рай Дэвэ́л припхэндя́ Исусо́скэ тэ пхэнэ́с манушэ́нгэ, – адя́кэ, сыр ракирдя́ Мо́йза Исусо́скэ; а мануша́ далэ́ часоса бахталэс пириджанас.

Isúso 3:14

И адя́кэ, ке́ли мануша́ гинэ́ пэ́скирэ шатрэндыр, соб (кай) тэ пириджан Иорда́но, и рашая́ лыджинэ́ завето́скиро ковчэго анги́л манушэ́ндэ:

Левито 24:22

Екх сэ́ндо исын банго́ тэ явэ́л тумэ́ндэ, сыр ваш манушэ́скэ, саво́ явдя́ явирэ рига́тыр, адя́кэ и ваш пэ́скирэ манушэ́скэ; пал-дова́ со Мэ сом Рай Дэвэ́л, Дэвэ́л тумаро́.’”

Isúso 3:6

Рашангэ пхэндя́ Ису́со: “Лэн завето́скиро ковчэго и джа́н анги́л манушэ́ндэ”. Рашая́ лынэ́ завето́скиро ковчэго, и гинэ́ анги́л манушэ́ндэ.

Joannostir 4:20

Амарэ́ дада́ мангнэпэ Дэвлэ́скэ пэ дая́ бэ́рга, нэ тумэ́ ракирэ́на, со штэ́то, кай трэй тэ мангэспэ Дэвлэ́скэ, исын дро Ерусалимо.”

Čysly 15:15

ваш тумэ́нгэ, скэдыибэ́н Ра́скирэ-Дэвлэ́скиро, и ваш манушэ́скэ, саво́ явдя́ явирэ рига́тыр, и саво́ дживэ́ла машки́р тумэ́ндэ, упхэныбэ́н екх, векоскиро упхэныбэ́н дрэ тумарэ́ ро́ды: со тумэ́, одова́-паць и ману́ш, саво́ явдя́ явирэ рига́тыр мэк тэ явэ́л анги́л Растэ-Дэвлэ́стэ;