Isúso 8:18 - Библия - Пэ Балтитко Романи чиб (Романэс) 2019

¹⁸ Тэды Рай Дэвэ́л пхэндя́ Исусо́скэ: “Протырдэ чхурдыбнытко буст (коп΄ё), сави́ исын дрэ тыро́ васт, кэ Гаё, пал-дова́ со Мэ отда́ва лэс дрэ тырэ́ васта́”. Ису́со протырдыя́ чхурдыбнытко буст, сави́ сыс дрэ лэ́скиро васт, кэ фо́ро.

Biblija - Pe Baltitko Romani čib (Romanes) 2019

¹⁸ Tedy Raj Devél phendiá Isusóske: “Protyrde čhurdybnytko bust (kop'jo), saví isyn dre tyró vast, ke Gajo, pal-dová so Me otdáva les dre tyré vastá”. Isúso protyrdyjá čhurdybnytko bust, saví sys dre léskiro vast, ke fóro.

Isúso 8:18 Referans Kwoze

Isúso 8:26

Ису́со на обмэкця пэ́скиро васт, саво́ протырдыя́ чхурдыбнытко буст, пака на отдыя́ совлахакэ (прокошыбнаскэ) сарэ́ Гаёскирэ манушэ́н.

Ióvo 15:25

Пал-дова́ со ёв диндькирдя (протырдыя́) васт пэ Дэвлэ́стэ, и со ёв кэдыя зор пэ Сарэзорьякирэ Дэвлэ́стэ,

Ióvo 39:23

колчано брязгинэла сцял лэ́стэ, марибны́тко буст и чхурье – чхурдыпнытко (дротико) зяинэна анги́л.

1 Kralip 17:45

А Дави́до отпхэндя́ Филистимляниноскэ: “Ту джа́са проти ма́ндэ куртала́са и чхурдыпнытконэ бустяса и шчытоса, а мэ джа́ва пэ ту́тэ дро Ра́скирэ-Дэвлэ́скиро лав, болыбна́скирэ-янголэнгирэс, Израилёскирэ-Дэвлэ́скирэ халадэ́нгиро, савэ́н ту костян;

1 Kralip 17:41

Выгия́ и Филистимлянино, гии и подгии кэ Дави́до, и ману́ш, саво́ лыджыя марды́тко, гия́ анги́л лэ́стэ.

1 Kralip 17:6

харкунэ́ наколе́нники пэ лэ́скирэ ґэра́, и харкуно шчы́то пал лэ́скирэ псикэ́;

Isúso 8:7

то тэды тумэ́ уштэна засадатыр и залэна фо́ро; и Рай Дэвэ́л, Дэвэ́л тумаро́, отдэ́ла лэс дрэ тумарэ́ васта́.

Vygiiben 14:16

а ту ґа́здэ тыро́ дэсто́ и чхув тыро́ васт пэ мо́рё (дэрья́в), и роскэр лэс, и проджа́на Израилёскирэ чхавэ́ машки́р мо́рё (дэрья́в) пир шуки́ пхув;

Vygiiben 8:5

И пхэндя́ Рай Дэвэ́л Мойза́скэ: “Пхэн Аароно́скэ: ‘Чхув тыро́ васт тырэ́ дэстэса пэ рэ́ки (лэня́), пэ тхадыпэна и пэ зеры (озеры); и вылыджа жамбэн пэ Египто́скири пхув.’”

Isúso 8:17

Дро Гаё и Вефи́лё на яця́пэ ни екхэ манушэ́с, саво́ на традыяпэ пал Израилё. И фо́ро пэ́скиро ячкирдэ́ отчхакирдэса, традыи Израилё.

Isúso 8:19

Мануша́, савэ́ бэштэ́ сыс дрэ засада, сы́гэс уштынэ́ пэ́скирэ штэто́стыр и праста́ндынэ, сыр сыг ёв протырдыя́ пэ́скиро васт, загинэ́ дро фо́ро, и лынэ́ лэс, и сы́гэс захачкирдэ фо́ро яга́са.

Езэкилё 30:25

Мэ кэра́ва Вавилоно́скирэ-крали́скирэ псикэ́ зоралэ́ псикэнца, а Фараоно́скирэ васта́ мэкэнапэ, и ёнэ ґалёна, со Мэ сом Рай Дэвэ́л, Дэвэ́л, ко́ли Мэ да́ва Мири́ курта́ла Вавилоно́скирэ крали́скэ, и ёв ґаздэ́ла ла пэ Египто́скиро пхув.

Vygiiben 8:1

И пхэндя́ Рай Дэвэ́л Мойза́скэ: “Джа́ кэ фарао́но и пхэн лэ́скэ: ‘Адя́кэ ракирэ́ла Рай Дэвэ́л: ‘Отмэк Мирэ́ манушэ́н, соб (кай) ёнэ тэ дынаринэ́н Ма́нгэ’;