Isúso 7:25 - Библия - Пэ Балтитко Романи чиб (Романэс) 2019

²⁵ И пхэндя́ Ису́со: “Пал дова́, со ту яндян пэ амэ́ндэ би́да, Рай Дэвэ́л пэ ту́тэ янэ́ла би́да дрэ дава́ дывэ́с”. И мардэ́ лэс сарэ́ Израильтя́ни барэ́нца, и схачкирдэ́ лэн яга́са, и чхурдынэ́ пэ лэ́ндэ бара́.

Biblija - Pe Baltitko Romani čib (Romanes) 2019

²⁵ I phendiá Isúso: “Pal dová, so tu jandian pe aménde bída, Raj Devél pe túte janéla bída dre davá dyvés”. I mardé les saré Izrail'tiáni barénca, i shačkirdé len jagása, i čhurdyné pe lénde bará.

Isúso 7:25 Referans Kwoze

Isúso 6:18

Нэ тумэ́ ракхэ́нпэ долэ́стыр, со исын прокошно́, соб (кай) и кокорэнгэ тэ на пэрэ́н тэл прокошыбэ́н, ко́ли лэ́на вари-со прокошнэстыр, и соб (кай) пэ ста́но Израилёскирэ чхавэ́нгиро тэ на лыджас прокошыбэ́н и тэ на кэрэ́с лэ́скэ би́да.

1 Паралипоменоно 2:7

Чхавэ́ Хамрискирэ сыс: Ахаро, саво́ яндя́ би́да пэ Израилё, и саво́ отпарудя совэ́л.

Яви́р Зако́но 17:5

то вылыджа одолэ́с муршэ́с, ци одолья джувля́, савэ́ кэрдэ́ дава́ фуипэ́н, кэ тырэ́ вудара́ (по́рты) и мар лэн барэ́нца кэ мэрибэ́н.

Левито 24:14

“Вылыджа манушэ́с, саво́ обракирдя Ра́скирэ-Дэвлэ́скирэ лав яври́ станостыр, и сарэ́, кон шунэ́ла, лэс мэк тэ чхувэ́н пэ́скирэ васта́ пэ лэ́скиро шэро́, и саро́ скэдыибэ́н тэ домарэл лэс барэ́нца;

Левито 20:2

“Ра́кир дава́ Израилёскирэ чхавэ́нгэ: Ко́ли вари-кон Израилёскирэ чхавэ́ндыр и манушэ́ндыр, савэ́ явнэ́ явирэ ригэ́ндыр, савэ́ дживэ́на машки́р Израилитянэндэ, дэ́ла екхэ́с пэ́скирэ чхавэ́ндыр Молохоскэ, одова́ мэк тэ явэ́л отдыно́ мэрибна́скэ, адалэ́ пхувья́кирэ мануша́ мэк тэ замарэ́н лэс барэ́нца;

Юдэ́нгэ 12:15

Дыкхэ́н миштэ́с, соб (кай) нико́н тумэ́ндыр тэ на хасякирэ́л Дэвлэ́скиро бахтякирибэ́н, соб (кай) тэ на явэ́л машки́р тумэ́ндэ кирко́ рукх (корнё), саво́ могинэ́ла тэ янэл фуипэ́н, и соб (кай) лэ́са тэ на явэ́н магирдэ́ бут яви́р мануша́;

2 Фесалоникийцэнгэ 1:6

Дэвэ́л исын чачуно́, и Ёв чхувэ́ла би́да пэ одолэ́ манушэ́ндэ, савэ́ кэрдэ́ би́да тумэ́нгэ;

Galatenge 5:12

Мэ кама́м, соб (кай) мануша́, савэ́ ладжакирэна тумэн, аж тэ почхинэн пэ́скэ маса́.

Isúso 7:15

И манушэ́с угалёна, кон чордя совлахадэстыр, мэк лэс тэ схачкирэн яга́са, лэс и саро́, со лэ́стэ, пал-дова́ со ёв пиригия Ра́скирэ-Дэвлэ́скиро завето и кэрдя́ проти зако́но машки́р Израилё.

Яви́р Зако́но 21:21

тэды сарэ́ мануша́ лэ́скирэ форо́скирэ мэк тэ марэ́н лэс барэ́нца кэ мэрибэ́н; и адя́кэ вытрадэ фуипэ́н пэ́стыр, и сарэ́ Израильтя́ни явэ́на тэ шунэ́н, и страхадёна.

Яви́р Зако́но 13:10

мар лэс барэ́нца кэ мэрибэ́н; пал-дова́ со ёв камдя́ тэ отрискирэл тут Ра́стыр-Дэвлэ́стыр, Дэвлэ́стыр тырэстыр, Саво́ вылыджия́ тут Египто́скирэ пхувья́тыр писхарибнаскирэ кхэрэ́стыр;

Левито 21:9

Ко́ли э рашаскири чхай магирэла пэс биладжаипнаса, тэды ёй тэлякирэла пэ́скирэ дадэ́с; яга́са трэй ла тэ хачкирэ́н.

Левито 20:14

Ко́ли вари-кон лэ́ла пэ́скэ ромня́ и лакирья да: дава́ исын проти зако́но; пэ яг трэй тэ хачкирэ́н лэс и лэн, соб (кай) тэ на пхагирэн зако́но машки́р тумэ́ндэ.

Džiibén 38:24

Прогия́ (накхця) пашы́л трин чхона́, и пхэндлэ́ Юда́скэ: “Фамарь, тыри́ бори, загия́ дро блэ́ндо, и ґа́да, ёй исын пэралы блэндостыр.” Юда пхэндя́: “Вылыджан ла, и мэк ёй тэ явэ́л схачкирды.”

Džiibén 34:30

И пхэндя́ Яково Симеоноскэ (Семёноскэ) и Левиёскэ: “Тумэ́ ма́нгэ кэрдэ́ пхарипэ́н, кэрдэ́ ман вэргоса ваш одолэ́-пхувья́кирэ манушэ́нгэ, ваш Хананее́нгэ и Ферезее́нгэ. Ма́ндэ мануша́ исын на́бут; скэдэ́напэ пэ ма́ндэ, замарна ман, и ява́ва мэ хасякирдо и миро кхэр явэ́ла.”

1 Kralip 14:29

И пхэндя́ Ионафа́но: “Злыджия дро конфузо миро дад пхув; дыкхэ́н, ма́ндэ просвятлындлэ якха́, ке́ли мэ хаём на́бут дава́ авги́н;

Яви́р Зако́но 13:11

и саро́ Израилё шунэ́ла дава́, и страхадёла, и на явэ́на буты́р тэ кэрэ́н машки́р ту́тэ дасаво фуипэ́н.

Pritčy 1:19

Кадасаво́ исын тала́но манушэ́нгэ, савэ́ исын ґалка (алчна) кэ манушэ́нгиро барвалыпэ́н, кэ хохано́ ко́фо (прибыль), ёнэ сы́гэс пхагирэна пэ́скиро шэро́.

Pritčy 15:27

Кон исын ґа́лко (жадно) кэ ко́фо, кодова́ кэрэ́ла пхарипэ́н пэ́скирэ кхэрэ́скэ, нэ кон бидыкхэла (конэ́скэ на пир ило́) мыты (взятки), явэ́ла тэ дживэ́л.