Isúso 7:24 - Библия - Пэ Балтитко Романи чиб (Романэс) 2019

²⁴ Ису́со и сарэ́ Израильтя́ни лэ́са лынэ́ Аханос, Зариёскирэ чхавэ́с, и руп, и и́дя, и котэ́р сувнака́й, и лэ́скирэ чхавэ́н, и лэ́скирэ чхае́н, и лэ́скирэ гурувэ́н, и лэ́скирэ ослэн, и лэ́скирэ бакрэ́н, и лэ́скири ша́тра, и саро́, со лэ́стэ сыс, и вылыджинэ́ лэн пэ до́ло Ахороскиро.

Biblija - Pe Baltitko Romani čib (Romanes) 2019

²⁴ Isúso i saré Izrail'tiáni lésa lyné Ahanos, Zarijoskire čhavés, i rup, i ídia, i kotér suvnakái, i léskire čhavén, i léskire čhajén, i léskire guruvén, i léskire oslen, i léskire bakrén, i léskiri šátra, i saró, so léste sys, i vylydžiné len pe dólo Ahoroskiro.

Isúso 7:24 Referans Kwoze

Pritčy 15:27

Кон исын ґа́лко (жадно) кэ ко́фо, кодова́ кэрэ́ла пхарипэ́н пэ́скирэ кхэрэ́скэ, нэ кон бидыкхэла (конэ́скэ на пир ило́) мыты (взятки), явэ́ла тэ дживэ́л.

Osija 2:15

И Мэ да́ва ла́кэ винаграды́тка барья одотхы́р и до́ло Ахороскиро, сыр вуда́р тэ ужакирэл лачхипэ́н. Одо́й ёй явэ́ла тэ багал, сыр дрэ дывэса́ ла́кирэ тэрныпнаскирэ, и сыр дро дывэ́с, ке́ли ёй гия́ криг Египто́скирэ пхувья́тыр.

Isajos 65:10

Пэ Сароно явэ́на тэ чаравэнпэ бакря́; пэ Акхоро гурува явэ́на тэ откхинён, Мирэ́ народоскирэ, саво́ латхя́ Ман.

Isúso 15:7

Тэ́ньци (потом) джа́ла упрэ́ риг кэ Давиро долостыр Ахоро, и пэ паш-рат (северо) рискирэ́ла кэ Галга́ло, саво́ исын проти Адумимоскиро вучипэ́н, саво́ исын пашто́ паш-дывэсытконэ́ рэкицакирэ рига́тыр; адатхы́р риг проджа́ла кэ Ен-Шэмешоскирэ паня́ и кончынэлапэ пашы́л Ен-Рогело.

Isúso 7:26

И чхурдынэ́ пэ лэ́стэ бари куча бара́, сави́ исын и кэ дава́ дывэ́с. Пало́ дава́ штылыя Раскири-Дэвлэ́скири холы́. Палдава́ дова́ штэ́то сыс кхардо долоса Ахор адя́кэ-паць кэ дава́ дывэ́с.

Vygiiben 20:5

на кэр шэрэ́са (на кло́нинпэ) лэ́нгэ и на дынарин (на служын) лэ́нгэ; пал-дова́ со Мэ Рай Дэвэ́л, Дэвэ́л тыро́, Дэвэ́л, Саво́ зэвлынэла (ревнинэла), чхувэ́ла ка́ра пэ чхавэ́ндэ пал дадэнгири банг кэ три́то и шта́рто ро́до, конэ́скэ на сом дро́го Мэ,

Ekliesiastos 5:13

[14] ци дава́ барвалыпэ́н могинэ́ла тэ хасёл бибахталэ́ ваканцыятыр (случаёстыр). А ке́ли чхаворо́ латхэлапэ, ёв нисо́ на дорэсэ́ла дро васт.

Ióvo 20:15

Ёв накхадя (глытындя) барвалыпэ́н, нэ ёв чадэла лэ́са палэ: о Дэвэ́л тырдэла яври́ зорья́са дава́ барвалыпэ́н, аж пэрэстыр.

Isúso 7:1

Нэ Израилёскирэ чхавэ́ кэрдэ́ чорипэ́н и лынэ́ совлахадэстыр (прокошнэстыр): Ахано Хармияскиро чхаво́, Завдияскирэ-чхавэ́скиро, Заракирэ чхавэ́скиро, Юда́скирэ родыцо́стыр, лыя́ совлахадэстыр, и холы́ Ра́скирэ-Дэвлэ́скири захачи́я пэ Израилёскирэ чхавэ́ндэ.

Isúso 6:21

И отдынэ́ прокошыбнаскэ саро́, со сыс дрэ фо́ро, и муршэ́н и джувле́н, и тэрнэн и пхуранэн, и гурувэ́н, и бакрэ́н, и ослэн, саро́ хасякирдэ́ куртала́са.

Isúso 6:18

Нэ тумэ́ ракхэ́нпэ долэ́стыр, со исын прокошно́, соб (кай) и кокорэнгэ тэ на пэрэ́н тэл прокошыбэ́н, ко́ли лэ́на вари-со прокошнэстыр, и соб (кай) пэ ста́но Израилёскирэ чхавэ́нгиро тэ на лыджас прокошыбэ́н и тэ на кэрэ́с лэ́скэ би́да.

Džiibén 18:25

Нашты́ тэ явэ́л, соб (кай) Ту тэ кэрэ́с адя́кэ, соб (кай) Ту тэ хасякирэс чачунэ́ манушэ́с кхэтанэ́ злыднитконэса, соб (кай) дова́-паць тэ явэ́л чачунэ́ манушэ́са; со и злыднитконэса; нашты́ тэ явэ́л Ту́тыр! Сэнда́ри сарэ́ пхувья́киро тэ кэрэ́л на пир чачипэ́н?”

Isúso 7:23

Ёнэ лынэ́ дава́ шатратыр, и яндлэ́ кэ Ису́со и кэ сарэ́ Израилёскирэ чхавэ́, и чхудэ́ анги́л Растэ-Дэвлэ́стэ.

Isúso 22:20

Ци на екх Ахано, Заракиро чхаво́, кэрдя́ проштавибэн (приступлениё), лыя́ совлахадэстыр, а холы́ сыс пэ сарэ́ Израилёскирэ манушэ́ндэ? На екх ёв, кон мыя́ пал пэ́скиро чорипэ́н.’”