Isúso 6:23 - Библия - Пэ Балтитко Романи чиб (Романэс) 2019

²³ И гинэ́ тэрнэ́ мануша́, савэ́ обдыкхэнас фо́ро, дро кхэр джувля́киро и вылыджинэ́ Раав, и дадэ́с лакирэс, и да лакирья, и пшалэ́н лакирэн, и сарэ́н, кон ла́тэ сыс, и сарэ́ сэмэнцэн лакирэн вылыджинэ́, и чхудэ́ лэн пал ста́но Израилёскирэ.

Biblija - Pe Baltitko Romani čib (Romanes) 2019

²³ I giné terné manušá, savé obdykhenas fóro, dro kher džuvliákiro i vylydžiné Raav, i dadés lakires, i da lakirja, i pšalén lakiren, i sarén, kon láte sys, i saré semencen lakiren vylydžiné, i čhudé len pal stáno Izrailjoskire.

Isúso 6:23 Referans Kwoze

Юдэ́нгэ 11:7

Патяибна́са Ноё дорэсця́ подракхибэн пал дова́, со на сыс джиндло́ ни конэ́скэ; ёв свэнтонэ́ дара́са кэрдя́ ковчэго и зракхця́ пэ́скири сэ́м΄я (ири́). Патяибна́са ёв сэндиндя свэ́то, и Дэвэ́л приґалыя лэс чачипнаскирэ чхавэ́са пал лэ́скиро патяибэ́н.

Эфесянэнгэ 2:12

тумэ́ и са́нас дро дова́ часо би Христосо́скиро, тумэ́ на са́нас кхэтанэ́ Израилёскирэ манушэ́нца, тумэ́ндэ на сыс паш дро Завето, тумэ́ндэ на сыс лачхо́ ужакирибэ́н, тумэ́ са́нас би Дэвлэ́скиро дро свэ́то:

1 Коринфянэнгэ 5:12

Со ж ма́нгэ тэ сэндинав (тэ сэндякирав) одолэ́н, савэ́ нанэ кхангирья́тыр? Ци на трэй тумэ́нгэ тэ сэндинэ́н, савэ́ исын кхангирья́тыр?

Apostolengiri Butý 27:24

и пхэндя́: “На андырша, Павле! Ту явэ́са тэ тэрдёс пэ сэ́ндо анги́л кхенинго́стэ (кесарёстэ); и, ґа́да, Дэвэ́л даринэла джиибэ́н сарэ́нгэ, кон плывинэла (дэла плима) ту́са.”

Apostolengiri Butý 10:28

И ёв пхэндя́ лэ́нгэ: “Тумэ́ джинэ́на, со пир амаро́ Зако́но нашты́ Юдоскэ тэ ракирэ́л Наюдэнца, ци тэ явэ́л кхэтанэ́ лэ́нца; нэ Дэвэ́л сыкадя́ ма́нгэ, тэ на кхарав ние́кхвар манушэ́с налачхэса ци нажужэса.

Čysly 31:19

и явэ́н пал ста́но эфта́ дывэса́; кажно (сва́ко), кон замарэла манушэ́с и лэ́лапэ пал замардэстэ, тэ жужакирэлпэ пэ три́то дывэ́с и пэ эфта́то дывэ́с, тумэ́ и тумарэ́ мануша́ дро пле́но;

Džiibén 18:24

Хай (можа) тэ явэ́л дро дава́ фо́ро пандждэша́ мануша́, савэ́ патя́на? Нау́што Ту хасякирэса, и на потангинэса (на́ пожалинэса) дава́ штэ́то ваш пандждэшэ манушэ́нгэ, савэ́ патя́на?

Džiibén 12:2

И Мэ созда́ва ту́тыр бари нацыя, и Мэ бахтякирава тут, и барьякирава лав тыро́; и ту́тыр явэ́ла бахтякирибэ́н ваш явирэ́нгэ.

Isúso 2:18

ґа́да, ке́ли амэ ява́са пэ дая́ пхув, ту припхандэ червлёно шэло кэ фэнштра, пир сави́ ту амэн змэкцян, а дадэ́с тырэ́с и да тырья и пшалэ́н тырэ́н, саро́ тырэ́-дадэ́скиро ро́до, скэ́дэ кэ пэ дро пэ́скиро кхэр.”

Isúso 2:13

со тумэ́ ячкирэна джидэн дадэ́с мирэс и да мирья, и пшалэ́н мирэн, и пхэнен мирэн, и сарэ́н, кон исын лэ́ндэ, и зракхэна дия́ амарэ́ мэрибна́стыр”.

Džiibén 19:29

И сыс адя́кэ, ке́ли Дэвэ́л хасякирэлас сарэ́ пашатунэ́ фо́рья, Дэвэ́л пририпирдя пал Авраамостэ, и выбичхадя Лотоскирэ-чхавэ́нгиро ро́до одолэ́ штэто́стыр, кай Ёв хасякирэлас фо́рья, кэ савэ́ дживдя́ Лото.

Юдэ́нгэ 11:31

Патяибна́са Раав (Рахаб), биладжакуны джувлы́, на мыя́ кхэтанэ́ одолэ́ манушэ́нца, савэ́ на кандынэ́ Дэвлэ́с, пал-дова́ со ёй прилыя́ Израилёскирэ поддыкхибнаскирэн (чораханэн), сыр пэ́скирэ малэн.

Isúso 2:16

И пхэндя́ лэ́нгэ: “Джа́н пэ бэ́рга, соб (кай) тэ на стрэнинэн тумэн мануша́, савэ́ родэ́на тумэн, и гарадён одо́й трин дывэса́, пака рисёна мануша́, савэ́ традынэпэ пал тумэ́ндэ; а пало́ (после) дава́ джа́н дрэ дром тумаро́”.

Сэндарьенгири Лылвари́ 1:25

Ёв сыкадя́ лэ́нгэ дрэ фо́ро загиибэ́н, и домардэ́ ёнэ фо́ро куртала́са, адалэ́ манушэ́с и саро́ лэ́скиро ро́до отмэкнэ.