Isúso 6:22 - Библия - Пэ Балтитко Романи чиб (Романэс) 2019

²² А дуе тэрнэ́ манушэ́нгэ, савэ́ обдыкхэнас пхув, Ису́со пхэндя́: “Джа́н дро кхэр адалэ́ биладжакунэ́-джувля́киро и вылыджан одотхы́р ла и сарэ́н, кон исын ла́тэ, адя́кэ сыр тумэ́ совлахадэ ла́кэ”.

Biblija - Pe Baltitko Romani čib (Romanes) 2019

²² A duje terné manušénge, savé obdykhenas phuv, Isúso phendiá: “Džán dro kher adalé biladžakuné-džuvliákiro i vylydžan odothýr la i sarén, kon isyn láte, adiáke syr tumé sovlahade láke”.

Isúso 6:22 Referans Kwoze

Юдэ́нгэ 11:31

Патяибна́са Раав (Рахаб), биладжакуны джувлы́, на мыя́ кхэтанэ́ одолэ́ манушэ́нца, савэ́ на кандынэ́ Дэвлэ́с, пал-дова́ со ёй прилыя́ Израилёскирэ поддыкхибнаскирэн (чораханэн), сыр пэ́скирэ малэн.

Isúso 6:17

Фо́ро явэ́ла тэл арманя (прокошыбэ́н), и саро́, со исын дрэ лэ́стэ, Ра́скэ-Дэвлэ́скэ; екх Раав биладжакуны джувлы́ мэк тэ ячэ́лпэ джиды, ёй и кажно (сва́ко) ману́ш, кон явэ́ла ла́тэ дро кхэр; пал-дова́ со ёй гарадя манушэ́н, савэ́н амэ бичхадям.

Езэкилё 17:16

‘Тэ джива́в Мэ’, – ракирэ́ла Рай Дэвэ́л, Дэвэ́л. “Пэ штэ́то, кай дживэ́ла кра́ли, саво́ чхудя́ лэс (Юдэя́кирэ крали́с) крали́са, а ёв на зрикирдя совэ́л, сави́ дыя́ крали́скэ, роспхагирдя́ пэ́скиро доракирибэ́н лэ́са, ёв мэрэ́ла лэ́стэ кэ Вавило́но.

Езэкилё 17:13

И Ёв лыя́ явирэ сэмэнцас кралитконэ родо́стыр, загия́ лэ́са дро доракирибэ́н, пхэндя́, соб (кай) яви́р тэ дэл лэ́скэ совэ́л, лыя́ пэ́са зоралэн долэ́ пхувья́тыр,

Psalmy 15:4

Кон дыкхэ́ла вучипна́стыр пэ одолэ́стэ, конэ́с Дэвэ́л на прилэ́ла, и кон дэ́ла паты́в одолэ́скэ, кон дарэ́ла Ра́стыр-Дэвлэ́стыр.

2 Kralip 21:7

Нэ тангиндя кра́ли Мефивосфеёс, Ионафаноскирэ чхавэ́с, Сауло́скирэ чхавэ́с, ваш совэ́л Ра́скирэ-Дэвлэ́скирэ лавэ́са, сави́ сыс машки́р лэ́ндэ, машки́р Давидо́стэ и Ионафаностэ, Сауло́скирэ чхавэ́стэ.

2 Kralip 21:2

Тэды кра́ли кхардя́ Гаваонитянэн и ракирдя́ лэ́нца. Гаваонитяни сыс на Израилёскирэ чхавэ́ндыр, нэ ёнэ сыс Амореендыр, савэ́ ячнэ́пэ; Израильтя́ни дынэ́ лэ́нгэ совэ́л, нэ Са́уло камдя́ тэ замарэ́л лэн пир пэ́скиро зэвлыныпэ́н (ревность) пал ро́до Израилёскиро и Юда́скиро.

Isúso 9:15

И кэрдя́ Ису́со лэ́нца рама́нё (миро), и кэрдя́ лэ́нца доракирибэ́н дрэ дова́, со ёв зракхэ́ла лэ́нгэ джиибэ́н; и совлахадэ лэ́нгэ скэдыибнаскирэ барыдыра́.

Isúso 6:23

И гинэ́ тэрнэ́ мануша́, савэ́ обдыкхэнас фо́ро, дро кхэр джувля́киро и вылыджинэ́ Раав, и дадэ́с лакирэс, и да лакирья, и пшалэ́н лакирэн, и сарэ́н, кон ла́тэ сыс, и сарэ́ сэмэнцэн лакирэн вылыджинэ́, и чхудэ́ лэн пал ста́но Израилёскирэ.

Сэндарьенгири Лылвари́ 1:25

Ёв сыкадя́ лэ́нгэ дрэ фо́ро загиибэ́н, и домардэ́ ёнэ фо́ро куртала́са, адалэ́ манушэ́с и саро́ лэ́скиро ро́до отмэкнэ.