Isúso 6:19 - Библия - Пэ Балтитко Романи чиб (Романэс) 2019

¹⁹ И саро́ руп, и сувнака́й, и кхорэ́ (сасу́ды) харкунэ́ и саструнэ́, мэк тэ явэ́н свэ́нта Ра́скэ-Дэвлэ́скэ, и заджа́на дрэ Ра́скирэ-Дэвлэ́скири пиралы́”.

Biblija - Pe Baltitko Romani čib (Romanes) 2019

¹⁹ I saró rup, i suvnakái, i khoré (sasúdy) xarkuné i sastruné, mek te javén svénta Ráske-Devléske, i zadžána dre Ráskire-Devléskiri piralý”.

Isúso 6:19 Referans Kwoze

Матфеё 27:6

Нэ раша́нгирэ барыдыра́ ґаздынэ́ рупувэ́ ловэ́ и пхэндлэ́ “Нашты́ тэ чхувас лэн дрэ Кхангирья́кири пиралы́ (тыкнори), пал-дова́ со дава́ исын ратвалэ́ ловэ́.”

1 Паралипоменоно 26:20

Леви́ты, лэ́нгирэ пша́ла, дыкхнэ́ пал кучипэна Ра́скирэ-Дэвлэ́скирэ Кхэрэскир и пал кучипнаскирэ пираля́, кай чхувэ́нас отдынэ́ да́ры.

Marko 12:41

И Ису́со бэсця́ анги́л Кхангирья́кирэ-ловитко пиралы́ (тыкнори) и дыкхця́, сыр мануша́ чхувэ́нас ловэ́ дрэ пиралы́. Бут барвалэ́ мануша́ чхувэ́нас барэ́ кицыпэна ловэ́.

Ниеми́я 10:38

Пашы́л Левитэндэ, ке́ли ёнэ явэ́на тэ лэн дэшэнгири, явэ́ла тэ явэ́л раша́й, Ароноскиро чхаво́, соб (кай) Леви́ты тэ лыджа́н дэшэнгири пэ́скирэ дэшэнгирьятыр дро амарэ́-Дэвлэ́скиро Кхэр, дрэ шту́бы, савэ́ выкэдынэ́ ваш пиралы́;

1 Паралипоменоно 18:11

И отдыя́ лэн кра́ли Дави́до Ра́скэ-Дэвлэ́скэ кхэтанэ́ рупэ́са и сувнака́са, саво́ ёв лыя́ сарэ́ Наюдытконэ́ манушэ́ндыр: Идумеянэндыр, Моавитянэндыр, Амонитянэндыр, Филистимлянэндыр и Амаликитянэндыр.

4 Kralip 24:13

И вылыджия́ ёв одотхы́р сарэ́ кучипэна Ра́скирэ-Дэвлэ́скирэ Кхэрэскир и барвалыпэ́н крали́скирэ кхэрэ́скиро; и пхагирдя́, сыр выпхэндя Рай Дэвэ́л, сарэ́ сувнакунэ́ кхорэ́ (сасу́ды), савэ́ о Соломо́но, Израилёскиро кра́ли, кэрдя́ дрэ Кхангири́ Ра́скирэ-Дэвлэ́скири.

3 Kralip 7:51

Адя́кэ сыс кэрды сари́ буты́; сави́ кэрдя́ кра́ли Соломо́но ваш Ра́скирэ-Дэвлэ́скири Кхангири́. И яндя́ Соломо́но кхорэ́ (сасу́ды), савэ́ обсвэнцындя Дави́до, лэ́скиро дад; руп и сувнака́й и кхорэ́ отдыя́ дрэ пираля́ (сокровишчницы) Ра́скирэ-Дэвлэ́скирэ Кхангирья́кирэ.

2 Kralip 8:11

Лэн адя́кэ-паць кра́ли Дави́до отдыя́ Ра́скэ-Дэвлэ́скэ, кхэтанэ́ рупэ́са и сувнака́са, саво́ ёв отлыя сарэ́ манушэ́ндыр, савэ́н ёв пиризорьякирдя (збердындя):

Mihiejo 4:13

“‘Газдэпэ и обкэр гив, о чхаё Сионо́скири, пал-дова́ со Мэ кэра́ва ту́кэ саструно шынг (ро́го), и Мэ кэра́ва ту́кэ харкунэ́ (меди́тка) ная (копыты), и ту розмарэса пэ котэра́ бут манушы́тка на́цыи,’ и ту отдэса сыр обсвэнцындлэ лэ́нгиро дорэсыбэ́н Ра́скэ-Дэвлэ́скэ, со ёнэ лынэ́ явирэндыр, и лэ́нгиро миштыпэ́н Барэ́ Ра́скэ пир сари́ пхув.”

2 Паралипоменоно 31:12

И пирилыджинэ одори́к яныбэ́н, и дэшэнгирья, и отдынэ́ миштыпэна сарэ́ чачипна́са. И сыс барыдырэ́са пэ лэ́ндэ Хонания, Левито, и Симе́ё, лэ́скиро пшал, явирэса.

2 Паралипоменоно 15:18

И яндя́ ёв обсвэнцындлэ кхорэ́ (сасу́ды) лэ́скирэ дадэ́скирэ и лэ́скирэ предме́ты, савэ́ ёв посвенцындя ваш Дэвлэ́скиро Кхэр, руп, и сувнака́й, и кхорэ́.

1 Паралипоменоно 28:12

и чэртёжо ваш саро́, со сыс лэ́стэ пэ ди, грэды пашы́л Ра́скирэ-Дэвлэ́скирэ Кхэрэ́скиро и сарэ́ шту́бы трусця́л, ваш пираля́ Ра́скирэ-Дэвлэ́скирэ Кхэрэскирэ и ваш пираля́, кай тэ рикирэ́н свэ́нта кхорэ́;

1 Паралипоменоно 26:28

И саро́, со отдыя́ проро́ко Самуи́ло, и Са́уло, чхаво́ Кисоскиро, и Авени́ро, чхаво́ Нироскиро, и Иоа́во, чхаво́ Саруяскиро, саро́ сыс отдыно́ сыс пэ васта́ Шэломифоскэ и лэ́скирэ пшалэ́нгэ.

1 Паралипоменоно 26:26

Шэломифо и лэ́скирэ пша́ла дыкхнэ́ пал сарэ́ кучипнаскирэ пираля́ ваш отдынэ́ да́ры, савэ́ отдыя́ кра́ли Дави́до и шэралэ́ чэкарьенгирэ, и барыдыра́ пэ тысёнцы, и барыдыра́ пэ шэла́, барыдыра́ (командиры) халадэ́нгирэ.

3 Kralip 14:26

И закэдыя ёв кучипэна Ра́скирэ-Дэвлэ́скирэ Кхэрэскир и кучипэна крали́скирэ кхэрэ́стыр, – саро́ залыя; залыя и сарэ́ сувнакунэ́ шчы́ты, савэ́ кэрдя́ Соломо́но.

Ереме́ё 38:11

И лыя́ Авдемеле́хо манушэ́н тэл пэ́скири зор, и ёв загия́ дрэ крали́скиро кхэр тэл пиралы́, и лыя́ одотхы́р пхуранэ́ патавэ и пхуранэ́ иде́нгирэ котэра́ (куски), и мэкця́ лэн тэлэ́ пэ шэлэ дрэ штарибнытко ґанби́н.

Čysly 31:22

Сувнака́й, руп, харко́ма (медь), састы́р, муслови (волыво) и молови (свинцо),

Левито 19:24

а пэ шта́рто бэрш сарэ́ лэ́скирэ барьякирдэ́ трэй тэ явэ́н свэнциндлэ ваш Ра́скирэ-Дэвлэ́скирэ свэ́нки;

Čysly 31:11

и лынэ́ саро́, со закэдынэ и саро́ барвалыпэ́н, манушэ́стыр кэ кхэри́тка мурдала́ (ското);

Čysly 31:12

и яндлэ́ пленонэн и дорэсыбэ́н и саро́, со закэдынэ кэ Мо́йза и кэ раша́й Елиза́ро и кэ Израилёскирэ-чхавэ́нгиро скэдыибэ́н, кэ ста́но, пэ Моавитоскирэ лошчыны (равнины), со исын пашы́л Иорда́но проти Ерихо́но.

Isúso 7:11

Израилё кэрдя́ грэ́хо, и пиригинэ́ ёнэ Миро завето, саво́ Мэ дыём лав лэ́нгэ; и лынэ́ совлахадэстыр, и чордэ, и схачкирдэ́, и чхудэ́ машки́р пэ́скирэ вешчы (вешча).

1 Паралипоменоно 26:27

Дорэсыбнастыр пэ марибэ́н и заухтылыбнастыр (добычатыр) ёнэ дэ́нас пэ Ра́скирэ-Дэвлэ́скиро Кхэр тэ подрикирэн.