Isúso 5:14 - Библия - Пэ Балтитко Романи чиб (Романэс) 2019

¹⁴ Ёв пхэндя́: “Над; мэ сом шэрало́ пэ Ра́скирэ-Дэвлэ́скирэ халадыбэ́н (воинства), акана́ явдём дарик”. Ису́со пыя́ пэ́скирэ мо́са пэ пхув, и поклониндяпэ, и пхэндя́ лэ́скэ: “Со хула́й миро пхэнэ́ла пэ́скирэ писхари́скэ?”

Biblija - Pe Baltitko Romani čib (Romanes) 2019

¹⁴ Jov phendiá: “Nad; me som šeraló pe Ráskire-Devléskire xaladybén (voinstva), akaná javdjom darik”. Isúso pyjá péskire mósa pe phuv, i poklonindiape, i phendiá léske: “So xuláj miro phenéla péskire pisharíske?”

Isúso 5:14 Referans Kwoze

Isajos 55:4

Акэ, Мэ чхудём лэс, соб (кай) ёв тэ досыкавэл (тэ допхэнэл) чачипэ́н народэнгэ, соб (кай) тэ сыклякирэ́л лэн.

Džiibén 17:3

И пыя́ Авра́мо пэ пэ́скиро муй, а Дэвэ́л дурэды́р ракирдя́ лэ́са, и пхэндя́:

Luka 20:42

Дави́до ж кокоро́ пхэндя́ дрэ Псалмэнгири Лылвари́: ‘Пхэндя Рай Дэвэ́л, Мирэ́ Ра́скэ-Дэвлэ́скэ: ‘Бэш пэ чачо́ васт Ма́ндыр,

Дание́лё 12:1

И уштэ́ла дро долэ́ дывэса́ о Миха, тхага́ри баро́, кон явэ́ла тэрдо́ пал чхавэ́ндэ тырэ́ народо́стыр; и явэ́ла часо пхаро́, саво́ на сыс долэ́ дывэсэ́ндыр, сыр явнэ́ мануша́ пэ свэ́то кэ/жы́ко акана́; нэ зракхэнапэ дро дова́ часо сарэ́ мануша́ тырэ́ народо́стыр, конэ́с латхэ́на дрэ лылвари́.

Дание́лё 10:13

Нэ тхага́ри (князё) Персытконэ кралипнастыр тэрдёлас проти ма́ндэ биш тэ екх дывэса́; нэ, акэ, Миха, екх пэрвонэ́ тхагарьендыр, явдя́ тэ дэл васт ма́нгэ, и мэ яцёмпэ одо́й пашы́л Персытка кралье́ндэ.

Sykadyipén 12:7

И кэрдя́пэ марибэ́н дро Болыбна́скиро Раё. Михаило и лэ́скирэ Янго́лы мардэ́пэ драконоса. А драконо и лэ́скирэ Янго́лы мардэ́пэ палэ и лэ́нца:

Joannostir 20:28

Фама пхэндя́ Лэ́скэ дро отпхэныбэ́н: “Раё Дэ́вла миро и Дэвэ́л миро!”

Матфеё 22:44

‘Пхэндя Рай Дэвэ́л Ра́скэ-Дэвлэ́скэ мирэ́скэ: ‘Бэш пир чачо́ васт Ма́ндыр, анги́л, сыр Мэ чхува́ва вэргэ́н тэл ґэра́ Тырэ́?’

Матфеё 8:2

И акэ, проказытко ману́ш подги́я и пыя́ пэ чанга́ анги́л Лэ́стэ, ракири́: “Раё Дэ́вла, ко́ли Ту́кэ исын пир ило́, высастя΄кир ман”

Дание́лё 10:21

Нэ анги́л мэ пхэна́ва ту́кэ, со исын чхиндло́ дро чачуно́ чхиныбэ́н. И нанэ нико́н, кон подрикирэлас бы ман дрэ дова́, апри́ч Михастэ, тумарэ́ тхагаристэ.”

Isajos 6:8

Мэ шундём Ра́скирэ-Дэвлэ́скири зан. Ёв пхэнэлас: “Конэ́с Ма́нгэ тэ бичхавав? Кон подджа́ла ваш Амэ́нгэ?” Мэ пхэндём: “Акэ, мэ сом, бичха́в ман.”

Čysly 16:45

“Джа́н дрэ риг адалэ́ манушэ́ндыр, и Мэ хасякира́ва лэн дрэ екх мэнта (минута).” Нэ ёнэ пынэ́ пэ пэ́скирэ муя́.

Юдэ́нгэ 2:10

Пал-дова́ со, чачэс, трэиндя́, соб (кай) Дэвэ́л, Саво́ создыя́ саро́ и дурэды́р ракхэ́ла, тэ сполнинэл саро́ пир Лэ́стэ пир Лэ́скирэ мэ́ньки, Саво́ исын Лыджаибнаскиро, соб (кай) тэ янэл сарэ́н тэ зракхэнпэ.

Filipiicenge 3:8

И мэ гинава саро́ яви́р пал хасибэ́н ваш дова́, соб (кай) бутэды́р тэ уджинав мирэ́ Рас-Дэвлэ́с, Исусо́с Христосо́с, ваш Лэ́скэ мэ сарэ́стыр отпхэндёмпэ, мэ саро́ гинава пал шума (смети), соб (кай) ма́нгэ екх тэ явав дро екхипэ́н Христосо́са;

Apostolengiri Butý 9:6

“Ушты́ и джа́ дро фо́ро, и явэ́ла пхэндло́ ту́кэ, со трэй тэ кэрэ́с.”

Luka 1:43

И каты́р дава́ явдя́ ма́нгэ, со Ра́скирэ-Дэвлэ́скири Дай явдя́ кэ Мэ?

Psalmy 110:1

Давидо́скиро Пса́лмо. Рай Дэвэ́л пхэндя́ мирэ́ Ра́скэ-Дэвлэ́скэ: “Бэш пашы́л ма́ндэ чачэ́ рига́тыр, пака мэ чхува́ва тэлэ́ Тырэ́ вэргэ́н тэл ґэра́.”

Левито 9:24

И выгия́ яг Ра́стыр-Дэвлэ́стыр и схачкирдя́ пэ цэлонэ́-схачкирибнаскиро алта́рё и чэкэ́н; и дыкхнэ́ сарэ́ мануша́, и дынэ́ го́дла радыма́тыр, и пынэ́ пэ пэ́скирэ муя́.

Vygiiben 4:10

И пхэндя́ Мо́йза Ра́скэ-Дэвлэ́скэ: “О, миро Раё Дэ́вла! Ману́ш мэ на сом ракирибнытко, и адасаво́ со́мас и атася́, и три́то дывэ́с, и ке́ли Ту яця́н тэ ракирэ́с Тырэ́ дынариса: мэ пхарэ́с ракира́ва и намиштэс.”

Džiibén 17:17

И пыя́ Авраа́мо мо́са, и засандяпэ, и кокоро́ дрэ пэ́стэ пхэндя́: “Нау́што (хай) шэлэ – бэршытконэстэ явэ́ла чхаво́. И енядэшэнгири Са́рра, нау́што биянэ́ла?”

Luka 5:12

Екхвар Ису́со сыс дро екх фо́ро; сыс одо́й екх ману́ш, саво́ сыс саро́ дрэ прока́за и, ке́ли ёв дыкхця́ Исусо́с, то ёв пыя́ пэ пхув мо́са, и лыя́ тэ мангэ́л Лэс, ракири́: “Раё Дэ́вла, ко́ли Ту камэ́са, могинэ́са тэ высастякирэс ман.”

Čysly 16:22

Ёнэ пынэ́ пэ пэ́скирэ муя́ и пхэндлэ́: “Дэ́вла, Дэвлалэ пэ кажнонэ́-масэскиро (лочакиро) ду́хо (фа́но)! Екх ману́ш кэрдя́ грэ́хо, и Ту холясоса пэ сарэ́ манушэ́ндэ?”

Vygiiben 4:13

Мо́йза пхэндя́: “Раё Дэ́вла! Бичха́в явирэ́с, конэ́с могинэ́са тэ бичхавэс?”

Psalmy 24:10

Кон исын Болыбна́скиро Кра́ли? Рай Дэвэ́л, Саво́ исын пэ болыбна́скирэ Янголэндэ, Ёв исын Болыбна́скиро Кра́ли. Сэ́ла.

Čysly 22:31

И отчхакирдя́ Рай Дэвэ́л якха́ Валаамоскэ, и дыкхця́ ёв Ра́скирэ-Дэвлэ́скирэ Янголо́с, саво́ сыс тэрдо́ пэ дром куртала́са дрэ васта́, и поклониндяпэ, и пыя́ пэ пэ́скиро муй.

Isúso 20:1

И пхэндя́ Рай Дэвэ́л Исусо́скэ:

2 Kralip 7:19

И дава́ сыкадыя́ ишчо (инкэ́) на́бут дрэ Тырэ́ якха́, Раё Дэ́вла миро, Раё Дэ́вла; нэ Ту ракирдян ишчо (инкэ́) пал кхэр Тырэ́ дынарискиро дро англыпэ́н. Дава́ исын пир манушы́тко, Раё Дэ́вла миро, Раё Дэ́вла!

2 Kralip 7:20

Со буты́р могинэ́ла тэ пхэнэ́л Ту́кэ Дави́до? Ту джинэ́са писхари́с Тырэ́с, Раё Дэ́вла миро, Раё Дэ́вла!

Езэкилё 3:23

Мэ уштыём, и гиём пэ фэ́лда. Акэ, одо́й сыс тэрды Ра́скирэ-Дэвлэ́скири сла́ва, сыр сла́ва, сави́ мэ дыкхцём пашы́л рэка (лэнь) Ховар. Мэ пыём пэ пэ́скиро муй.

Дание́лё 8:11

и ґаздыя́пэ, хачи, пэ Тхагаристэ [Князёстэ-ю.о.] пэ дава́ болыбнытко халадыбэ́н, и отлыно сыс Лэ́стыр свэ́нто яныбэ́н пэ кажно дывэ́с, и магирдо́ сыс штэ́то, кай свэнтыма сыс Лэ́скири.