Isúso 5:1 - Библия - Пэ Балтитко Романи чиб (Романэс) 2019

¹ Ке́ли сарэ́ Аморее́нгирэ кра́лья, савэ́ дживдэ́ пир дая́ риг Иорданоскири кэ мо́рё (дэрья́в), и сарэ́ Ханааноскирэ кра́лья, савэ́ сыс пашы́л мо́рё (дэрья́в), шундлэ́, со Рай Дэвэ́л, Дэвэ́л вышутькирдя пани́ Иорданоскиро анги́л Израилёскирэ чхавэ́ндэ, пака ёнэ пириджанас: то тэды яця́ би зорьякиро лэ́нгиро ило́, и на яця́ буты́р дрэ лэ́ндэ ду́хо проти Израилёскирэ чхавэ́ндэ.

Biblija - Pe Baltitko Romani čib (Romanes) 2019

¹ Kiéli saré Amoriejéngire králja, savé dživdé pir daja rig Iordanoskiri ke mórjo (derjáv), i saré Xanaanoskire králja, savé sys pašýl mórjo (derjáv), šundlé, so Raj Devél, Devél vyšut'kirdia paní Iordanoskiro angíl Izrailjoskire čhavénde, paka jone piridžanas: to tedy jaciá bi zorjakiro léngiro iló, i na jaciá butýr dre lénde dúho proti Izrailjoskire čhavénde.

Isúso 5:1 Referans Kwoze

Čysly 13:29

нэ мануша́, савэ́ дживэ́на пэ доя́ пхув, исын зоралэ́, и фо́рья облыджынэ зоралэ́ тыноса, и древа́н барэ́, и Енакоскирэ чхавэ́н амэ дыкхцям одо́й.

3 Kralip 10:5

И хабэ́н пал лэ́скиро сками́нд, и штэ́то, кай дживэ́на лэ́скирэ писха́рья, и буты́ лэ́скирэ дынарье́нгири, и и́дя лэ́нгири, и кучикарье́нгирэн (виночэрпии) лэскирэн, цэ́ло схачкирибэ́н лэ́скиро, саво́ ёв янэлас дрэ Ра́скирэ-Дэвлэ́скири Кхангири́. И на могиндя́ ёй буты́р тэ урикирэлпэ.

Sykadyipén 18:10

Тэрдиндой дур ла́кирэ ягатыр, пал-дова́ со ёнэ дара́ндынэ ла́кирэ мэнькатыр, ёнэ пхэнэнас: “Бида, би́да ту́кэ, бари и зоралы́ Вавилония! Акэ, пал мардо́ (шту́нда) явдя́ сэ́ндо пэ ту́тэ.”

Amoso 2:9

Нэ дава́ сыс Мэ, Кон хасякирдя́ Амореен анги́л лэ́ндэ, Мирэ́ манушэ́ндэ, савэ́ исыс вучэ́ сы́рбы кедры, и ёнэ сыс зоралэ́ сы́рбы дэмбы, нэ Мэ хасякирдём лэ́нгирэ барьякирдэ́ (пло́ды) упра́л, и лэ́нгирэ ко́рни (рукха́) тэла́л.

Дание́лё 5:6

Тэ́ньци крали́скиро муй парудяпэ дрэ лэ́скири мина; э ду́мы лэ́скирэ пхарьякирдэ лэс адя́кэ, сарэ́ трушула (чреслы) нашадэ зор, чанга́ лэ́скирэ лынэ́ тэ марэ́нпэ екх пир яви́р.

Езэкилё 21:7

И явэ́ла адя́кэ, со пхэнэ́на ту́кэ: ‘Со́скэ ту ровэса?’ пхэн: ‘Шуныбнастыр, саво́ джа́ла, и розмарэлапэ кажно ило́, и мэкэнапэ тэлэ́ сарэ́ васта́, пхаро́ явэ́ла кажнонэ́ дескирэ духоскэ, и сарэ́ чанга́ издрана, сыр пани́. Акэ, дава́ явэ́ла и пхэрдякирэлапэ”, – ракирэ́ла Рай Дэвэ́л, Дэвэ́л.

Езэкилё 16:3

“Пхэн: ‘Адя́кэ ракирэ́ла Рай Дэвэ́л, Дэвэ́л, Ерусалимо́скирэ патывалэ́ чхакэ: тыро́ ро́до и тырэ́ дадэ́скиро кхэр исын пэ Ханаано́скири пхув; тыро́ дад исын Амореё, тыри́ дай исын Хетеянка.

Psalmy 135:11

Сигонос, Аморее́нгирэ крали́с, Огос, Васаноскирэ крали́с и сарэ́ Ханааноскирэ кралипэна́.

Е́здра 9:1

Акана́, ке́ли сарэ́ далэ́ рэ́нды сыс кэрдэ́, явнэ́ кэ мэ, кэ Е́здра, э лыджаибна́скирэ (шэрэ́ мануша́), пхэны: “Израилёскирэ мануша́, и рашая́, и Леви́ты, на мэкнэ́ пэ́скирэ Наюдытконэ́ манушэ́н кхэтанэ́ лэ́нгирэ джунгалыпнаса (брыткимаса): Хананее́ндыр Хетеендыр, Ферезеендыр, Евусее́ндыр, Амонитянэндыр, Моавитянэндыр, Египтянэндыр и Аморее́ндыр.

2 Kralip 21:2

Тэды кра́ли кхардя́ Гаваонитянэн и ракирдя́ лэ́нца. Гаваонитяни сыс на Израилёскирэ чхавэ́ндыр, нэ ёнэ сыс Амореендыр, савэ́ ячнэ́пэ; Израильтя́ни дынэ́ лэ́нгэ совэ́л, нэ Са́уло камдя́ тэ замарэ́л лэн пир пэ́скиро зэвлыныпэ́н (ревность) пал ро́до Израилёскиро и Юда́скиро.

1 Kralip 25:37

Злокоса, ке́ли Навало яця́ трязво (нырно), лэ́скири ромны́ роспхэндя́ лэ́скэ пал дава́, и замыя́ дро лэ́стэ ило́ лэ́скиро, и яця́ ёв сыр бар.

Сэндарьенгири Лылвари́ 11:23

И адя́кэ Рай Дэвэ́л, Дэвэ́л Израилёскиро вытрадыя́ Амореёс Пэ́скирэ Израилёскирэ манушэ́нгирэ мо́стыр, а ту камэ́са тэ лэс лэ́скиро мэкно́ миштыпэ́н (наследиё)?

Сэндарьенгири Лылвари́ 4:2

И отдыя́ лэн Рай Дэвэ́л дрэ Навиноскирэ васта́, Ханааноскирэ крали́скирэ, саво́ кралиндя пир Асора; халадэ́нгирэ барыдырэ́са лэ́стэ сыс о Сисара, саво́ дживдя́ кэ Харошэф-Гоимо.

Сэндарьенгири Лылвари́ 3:3

пандж Филистимия́кирэ хулая́, сарэ́ Хананеи, Сидоняни, и Евеи, савэ́ дживдэ́ пэ бэ́рга Лива́но, бэрга́тыр Ваал-Ермоно кэ загиибэ́н дро Емафо.

Сэндарьенгири Лылвари́ 1:1

Сыр Ису́со (Ёхошуа́) мыя́, то Израилёскирэ чхавэ́ пхучэнас Ра́стыр-Дэвлэ́стыр, ракири́: “Кон амэ́ндыр англэды́р джа́ла пэ Хананеендэ – тэ марэ́лпэ лэ́нца?”

Isúso 24:15

Ко́ли тумэ́нгэ нанэ пир ило́ тэ дынаринэ́н Ра́скэ-Дэвлэ́скэ, то тэды выкэдэн пэ́скэ акана́, конэ́скэ тэ дынаринэс, ци дэвлорэ́нгэ, савэ́нгэ дынариндлэ́ тумарэ́ дада́, савэ́ сыс пал рэка (лэнь), ци Аморее́нгирэ дэвлорэ́нгэ, пэ пхув савэнгири тумэ́ дживэ́на; а мэ и миро кхэр ява́са тэ дынарина́с Ра́скэ-Дэвлэ́скэ”.

Isúso 17:18

и бэ́рга явэ́ла тыри́, и дава́ вэш, ту роскэрэса чашча и ёй явэ́ла кэ кокоро́ ла́киро яго́ро; пал-дова́ со ту вытрадэса Хананеен, мэк и исын лэ́ндэ марибны́тка вурдына́ саструнэ́, и мэк исын ёнэ зоралэ́.”

Isúso 17:12

Манасия́скирэ чхавэ́ на могиндлэ́ тэ вытрадэн далэ́-форьенгирэ манушэ́н, и Хананеи ячнэ́пэ тэ дживэ́н пэ дая́ пхув.

Vygiiben 23:28

Мэ бичхава́ва анги́л ту́тэ шэршнен (вослэн), и ёнэ традэ́на тырэ́ мо́стыр Евеен, Хананеен и Хетеен;

Džiibén 48:22

и мэ да́ва ту́кэ буты́р анги́л тырэ́ пшалэ́ндэ, екх пхувья́киро котэ́р [склоно-ю.о.], саво́ мэ лыём Аморее́нгирэ вастэ́ндыр мирэ́ куртала́са и лукоса.”

Džiibén 12:6

И прогия́ Авра́мо пир дая́ пхув кэ Сихемоскиро штэ́то, кэ до́ло дэмбитконэ вэшорэса Морэ. Тэды пэ дая́ пхув дживдэ́ Ханане́и.

Isajos 41:5

Островы дыкхнэ́ дава́ и трашандынэ, яго́ры (краи́) пхувья́кирэ страха́дынэ, ёнэ подтырдэнапэ пашылэды́р и явнэ́.

Isúso 3:16

то пани́, саво́ тхадэ́ла упра́л, тэрдия́ и тэрдия́ вантаса пэ древа́н баро́ штэ́то кэ Адамоскиро фо́ро, саво́ пашы́л Цартано; и саво́ тхадэ́ла дрэ морёскири лошчы́на, дро Лондо мо́рё (дэрья́в), гия́ и хасия́.

Isúso 3:17

И мануша́ пириджанас проти Ерихо́но; рашая́, савэ́ лыджинэ́ Ра́скирэ-Дэвлэ́скиро завето́скиро ковчэго, сыс тэрдэ́ пэ шуки́ пхув машки́р Иорда́но твардонэ ґэрьяса. Сарэ́ Израилёскирэ чхавэ́ пиригинэ́ пир шуки́ пхув, пака сарэ́ мануша́ пиригинэ́ пирда́л Иорда́но.