Isúso 4:22 - Библия - Пэ Балтитко Романи чиб (Романэс) 2019

²² Пхэнэ́н тумарэ́ чхавэ́нгэ: “Израилё пиригия пирда́л саро́ Иорда́но пир шуки́ пхув.”

Biblija - Pe Baltitko Romani čib (Romanes) 2019

²² Phenén tumaré čhavénge: “Izrailjo pirigija pirdál saró Iordáno pir šukí phuv.”

Isúso 4:22 Referans Kwoze

Isúso 3:17

И мануша́ пириджанас проти Ерихо́но; рашая́, савэ́ лыджинэ́ Ра́скирэ-Дэвлэ́скиро завето́скиро ковчэго, сыс тэрдэ́ пэ шуки́ пхув машки́р Иорда́но твардонэ ґэрьяса. Сарэ́ Израилёскирэ чхавэ́ пиригинэ́ пир шуки́ пхув, пака сарэ́ мануша́ пиригинэ́ пирда́л Иорда́но.

Isajos 51:10

Ци на ту вышутькирдян мо́рё (дэрья́в); шутькирдян пани́, саво́ исын дро лю́но (адо) хор тэла́л; кэрдя́н мо́рё (дэрья́в) дромэ́са, соб (кай) тэ джа́н мануша́, савэ́н выкиндя Рай Дэвэ́л?

Sykadyipén 16:12

И шо́вто Янго́ло вычхудя́ пэ́скиро тахта́й дрэ бари рэка (лэнь) Евфрато: рэка (лэнь) вышутия, соб (кай) тэ явэ́л скэдыно́ дром кральенгэ долэ́ рига́тыр, кай кхам уштэ́ла.

Isajos 44:27

Мэ, Дэвэ́л, Саво́ ракирэ́ла кэ панескиро хорипэ́н (бездна): “Вышутёв, и тырэ́ рэ́ки (лэня́) Мэ вышутькирава.”

Vygiiben 15:19

Ке́ли загинэ́ фараоно́скирэ граё лэ́скирэ марибнытконэ́ вурдэнэнца и манушэ́нца, савэ́ сыс уклистэ́ пэ грэ́ндэ дро мо́рё (дэрья́в), тэды Рай Дэвэ́л порискирдя пэ лэ́ндэ морёскирэ (дэрьявэ́скирэ) паня́, а Израилёскирэ чхавэ́ прогинэ́ пир шуки́ пхув машки́р мо́рё (дэрья́в).

Vygiiben 14:29

А Израилёскирэ чхавэ́ прогинэ́ пир шуки́ пхув машки́р мо́рё (дэрья́в): пани́ сыс лэ́нгэ вантаса пир чачо́ (право) и пир зэ́рво (ле́во) риг.

Vygiiben 14:22

И гинэ́ Израилёскирэ чхавэ́ машки́р мо́рё (дэрья́в) пир шуки́ пхув: пани́ лэ́нгэ сыс вантаса пир чачо́ (право) и пир зэ́рво (ле́во) риг.

Isúso 4:21

И пхэндя́ Израилёскирэ чхавэ́нгэ: “Ке́ли спхучэна дрэ пэ́рво часо чхавэ́ тумарэ́ пэ́скирэ дадыр: ‘Со значынэна далэ́ бара́?’”

Isúso 3:16

то пани́, саво́ тхадэ́ла упра́л, тэрдия́ и тэрдия́ вантаса пэ древа́н баро́ штэ́то кэ Адамоскиро фо́ро, саво́ пашы́л Цартано; и саво́ тхадэ́ла дрэ морёскири лошчы́на, дро Лондо мо́рё (дэрья́в), гия́ и хасия́.