Isúso 3:15 - Библия - Пэ Балтитко Романи чиб (Романэс) 2019

¹⁵ то тэды екх мануша́, савэ́ лыджа́на ковчэго загинэ́ дро Иорда́но, и гэра раша́нгирэ, лыджии ковчэго обмэкнэпэ дро Иорданоскиро пани́ (Иорда́но выджа́ла сарэ́ пэ́скирэ брэгэндыр дрэ сарэ́ дывэса́, ке́ли пшеницакиро укэдыибэн),

Biblija - Pe Baltitko Romani čib (Romanes) 2019

¹⁵ to tedy jekh manušá, savé lydžána kovčego zaginé dro Iordáno, i gera rašángire, lydžii kovčego obmeknepe dro Iordanoskiro paní (Iordáno vydžála saré péskire bregendyr dre saré dyvesá, kiéli pšienicakiro ukedyiben),

Isúso 3:15 Referans Kwoze

1 Паралипоменоно 12:15

Ёнэ пиригинэ́ Иорда́но дро пэ́рво чхон, ке́ли ёв выджа́ла пэ́скирэ бэргэндыр, и рострадынэ сарэ́н манушэ́н, савэ́ дживдэ́ пэ до́ло, кэ васто́ко и кэ западо (кэ пал-паня).

Ереме́ё 49:19

Акэ, о Навуходоносо́ро ґаздэ́лапэ сыр шчэр (ле́во) Иорданоскирэ бэргицэндыр проти зорьякирдэ кхэратунэ штэ́ты, и Мэ зачхувава Эдо́мо тэ нашэ́л лэ́скирэ штэтэ́ндыр. И кон исын выкэдыно ману́ш, савэ́с Мэ ґаздыём упрэ́ пэ лэ́ндэ? Пал-дова́ со кон исын адасаво́ сыр Мэ сом? И кон пхучэлапэ отпхэныбэ́н Ма́ндыр? Кон выкхарэла Ман? И кон исын адасаво́ чхупна́ри (пастырё), кон дэ́ла ра́да тэ тэрдёл анги́л Ма́ндэ?

Ереме́ё 12:5

Рай Дэвэ́л отпхэндя́: “Ко́ли ту, Ереме́ё, прастандыян псирибнаскирэнца, и ёнэ кхинякирдэ тут, сыр тэды ту явэ́са тэ спробинэс зорья грэнца? И ко́ли пэ пхув, кай исын рама́нё (миро) ту са́нас бидарипнаскиро, тэ́ньчи со ту явэ́са тэ кэрэ́с, сыр ґаздэ́напэ панинга́ дро Иорда́но?

Isúso 4:18

И ке́ли рашая́, савэ́ лыджинэ́ Ра́скирэ-Дэвлэ́скиро завето́скиро ковчэго, выгинэ́ Иорданостыр, тэды, сыр лэ́нгирэ ґэра́ тэрдинэ́ пэ пхув, пани́ Иорданоскиро сы́гэс потхадыя пир пэ́скиро штэ́то и гия́, сыр тася́ и пэ три́то дывэ́с, вучэды́р сарэ́ пэ́скирэ брэгэндыр.

Isúso 3:13

И сыр фэ́ни (то́ка) раша́нгирэ ґэра́, савэ́ лыджа́на Ра́скирэ-Дэвлэ́скиро ковчэго, сарэ́ пхувья́кирэ Хуласкирэ, тэрдёна дрэ Иорданоскиро пани́, Иорданоскиро пани́ хасёла, а пани́, саво́ тхадыя упра́л пани́, дова́ тэрдёла вантаса”.

Isajos 26:6

Ѓэра́ лэс (дава́ фо́ро) марэна, гэра чорорэскирэ-манушэ́нгирэ, и одолэнгирэ пирэ́ (сто́пы), савэ́ ловэ́ вымангэна.

4 Kralip 2:6

И пхэндя́ лэ́скэ Или́я: “Ячпэ ада́й, пал-дова́ со Рай Дэвэ́л бичхавэ́ла ман кэ Иорда́но.” И пхэндя́ ёв: “Тэ явэ́л джидо́ Рай Дэвэ́л пэ ве́ки, и тэ явэ́л джидо́ тыро́ ди: мэ на мэкава тут.” И гинэ́ дуйджинэ́.

Naumo 1:4

Ёв штылякирэла мо́рё (дэрья́в) и шутькирэла лэс, и Ёв пиришутькирэла сарэ́ рэ́ки (лэня́): Васа́но и Кармило зашутёна и лулуди́ (цвэ́то) пэ Лива́но нашавэла масти́н (цвято).

1 Паралипоменоно 12:16

И явнэ́ адя́кэ-паць вари-савэ́ мануша́ чхавэ́ндыр Вениаминоскирэндыр и Юдаскирэндыр дрэ фо́рья зоралэ́ тынэ́нца кэ Дави́до.