Isúso 24:6 - Библия - Пэ Балтитко Романи чиб (Романэс) 2019

⁶ Мэ вылыджиём тумарэ́ дадэн Египто́стыр, и тумэ́ явнэ́ кэ Лоло́ мо́рё (дэрья́в). Тэды Египтя́ни традынэпэ пал тумарэ́ дадэндэ пэ марибны́тка вурдэна́ вурдэнэнца и манушэ́нца, савэ́ сыс бэштэ́ уклистэ́ пэ грэ́ндэ кэ Лоло́ мо́рё (дэрья́в);

Biblija - Pe Baltitko Romani čib (Romanes) 2019

⁶ Me vylydžijom tumaré daden Jegiptóstyr, i tumé javné ke Loló mórjo (derjáv). Tedy Jegiptiáni tradynepe pal tumaré dadende pe maribnýtka vurdená vurdenenca i manušénca, savé sys bešté uklisté pe grénde ke Loló mórjo (derjáv);

Isúso 24:6 Referans Kwoze

Юдэ́нгэ 11:29

Патяибна́са ёнэ пиригинэ́ Лоло́ мо́рё (дэрья́в), сыр пир шуки́ пхув; и ке́ли Египто́скирэ мануша́ спробиндлэ адя́кэ-паць тэ пириджан мо́рё (дэрья́в), ёнэ тасадынэ.

Apostolengiri Butý 7:36

Адава́ Мо́йза вылыджия́ манушэ́н Египто́стыр, ёв кэрдя́ ди́вы и ґертыка́ дро Еги́пто пашы́л Лоло́ мо́рё (дэрья́в), и штардэша́ бэрш пэ чхучи́ пхув.

Mihiejo 6:4

Пал-дова́ со Мэ вылыджиём тумэн Египто́скирэ пхувья́тыр, Мэ выракхцём тумэн писхарьенгирэ састырэндыр; и Мэ бичхадём анги́л тумэ́ндэ Мойза́с, Аронос и Мириам.

Psalmy 78:13

Ёв роскэрдя́ пэ дуй паша́ мо́рё (дэрья́в) и пирилыджия лэн пир пани́. Ёв кэрдя́ адя́кэ, со паня́ тэрдинэ́ сыр ва́нта.

Ниеми́я 9:11

Ту ростырдыян анги́л лэ́ндэ мо́рё (дэрья́в) и ёнэ машки́р пани́ гинэ́, сыр пир шуки́ пхув, и одолэ́н, кон традыяпэ пал лэ́ндэ, Ту тасадякирдян лэн сыр бар дрэ барэ́ паня́.

Vygiiben 12:51

Дро дова́-паць дывэ́с Рай Дэвэ́л вылыджия́ Израилёскирэ чхавэ́н Египто́скирэ пхувья́тыр.

Vygiiben 12:37

И гинэ́ Израилёскирэ чхавэ́ Раамсесостыр кэ Сокхофо кэ шов шэла́ тысёнцы (бара́) муршэ́н пэзал, апри́ч чхаворэндэ;