Isúso 24:31 - Библия - Пэ Балтитко Романи чиб (Романэс) 2019

³¹ И дынариндя́ Израилё Ра́скэ-Дэвлэ́скэ дрэ сарэ́ дывэса́ Исусо́скирэ и дрэ пхурыдырэнгирэ дывэса́, дживдэ́ пал Исусо́стэ и, савэ́ дыкхнэ́ сарэ́ Дэвлэ́скирэ рэ́нды, савэ́ Ёв кэрдя́ Израилёскэ.

Biblija - Pe Baltitko Romani čib (Romanes) 2019

³¹ I dynarindiá Izrailjo Ráske-Devléske dre saré dyvesá Isusóskire i dre phurydyrengire dyvesá, dživdé pal Isusóste i, savé dykhné saré Devléskire réndy, savé Jov kerdiá Izrailjoske.

Isúso 24:31 Referans Kwoze

Сэндарьенгири Лылвари́ 2:7

тэды мануша́ дынариндлэ́ Ра́скэ-Дэвлэ́скэ дрэ сарэ́ Исусо́скирэ дывэса́ и дрэ сарэ́ пхурыдырэнгирэ дывэса́, савэ́ дживдэ́ коригэды́р (позже) Исусо́стэ и савэ́ дыкхнэ́ сарэ́ барэ́ рэ́нды Ра́скирэ-Дэвлэ́скирэ, савэ́ Ёв кэрдя́ Израилёскэ.

Яви́р Зако́но 31:13

и соб (кай) лэ́нгирэ чхавэ́, савэ́ на джинэ́на дава́, тэ шунэ́н и тэ высыклён тэ дарэ́н Ра́стыр-Дэвлэ́стыр, дрэ сарэ́ дывэса́, пака тумэ́ явэ́на тэ дживэ́н пэ пхув, пэ сави́ тумэ́ пириджана пал Иорда́но, соб (кай) тэ лэс ла.”

Яви́р Зако́но 31:29

Пал-дова́ со мэ джино́м, со сыр мэ мэра́ва, то тумэ́ розмэкэнапэ и отджана дромэ́стыр, саво́ мэ дыём тумэ́нгэ, и сыр проджа́ла часо (цы́ро), то латхэ́на тумэн биды пал дова́, со тумэ́ явэ́на тэ кэрэ́н чорипэ́н анги́л Ра́скирэ-Дэвлэ́скирэ якха́, холякири Лэс пэ́скирэ вастэнгирэ рэндэ́нца.”

Яви́р Зако́но 11:2

И акана́ пририпирэн, – пал-дова́ со мэ ракира́ва на тумарэ́ чхавэ́нца, савэ́ на джинэ́на и на дыкхнэ́ ка́ра Ра́скирэ-Дэвлэ́скири, тумарэ́ Дэвлэ́скири; Лэ́скири сла́ва, Лэ́скиро зорало́ васт и Лэ́скиро вучо́ псико́,

Filipiicenge 2:12

И палдава́, мирэ́ дро́га, сыр тумэ́ саро́ часо, ке́ли мэ сом тумэ́нца, нэ буты́р сарэ́стыр какана́ дро дава́ часо, ке́ли ман нанэ тумэ́нца, причхувэ́н зор дара́са и издраныпнаса тэ кэрэ́н буты́ ваш пэ́скиро зракхибэ́н,

Apostolengiri Butý 20:29

Мэ джино́м, со ке́ли ман на явэ́ла, кэ тумэ́ явэ́на холямэ́ мануша́, сыр рува́, савэ́ на явэ́на тэ тангинэн (жалинэн) дэвлытконэн;

2 Паралипоменоно 24:2

И кэрдя́ Иоа́со лачхэ́с дрэ Ра́скирэ-Дэвлэ́скирэ якха́ дрэ сарэ́ дывэса́, сыр сыс раша́й Иодаё.

Яви́р Зако́но 11:7

Пал-дова́ со якха́ тумарэ́ дыкхнэ́ сарэ́ барэ́ Ра́скирэ-Дэвлэ́скирэ рэ́нды, савэ́ Ёв кэрдя́.

Džiibén 14:10

Дро Сидимоскиро до́ло бут сыс смолакирэ ґанбиня́ (ямы). Содомоскиро и Гоморакиро кра́лья, мэкнэпэ тэ нашэ́н, пынэ́ дрэ лэ́ндэ; а палатунэ́ (после́дня) нашнэ́ дрэ бэ́рги.

Сэндарьенгири Лылвари́ 2:6

Ке́ли Ису́со отмэкця́ манушэ́н, и гинэ́ Израилёскирэ чхавэ́, кажно (сва́ко) дрэ пэ́скири миштыпна́скири ме́ра, соб (кай) тэ дорэсэн (тэ долэн) дро мэкно́ миштыпэ́н (наследиё) пхув,

Сэндарьенгири Лылвари́ 2:10

и ке́ли сарэ́ адалэ́ мануша́ отгинэ́ кэ пэ́скирэ дада́, и ґаздыя́пэ коригэды́р (позже) лэ́ндэ яви́р ро́до, саво́ на джиндя́ Рас-Дэвлэ́с и Лэ́скирэ рэ́нды, савэ́ Ёв кэрдя́ Израилёскэ,

2 Паралипоменоно 34:33

И вычхурдыя Иосия сарэ́ магирибэна сарэ́ пхувья́тыр, савэ́ сыс Израилёскирэ чхавэ́ндэ; и припхэндя́ сарэ́нгэ, кон дживдя́ пэ Израилёскири пхув, тэ дынаринэ́н (тэ служынэн) Ра́скэ-Дэвлэ́скэ, пэскирэскэ Дэвлэ́скэ. И дрэ сарэ́ лэ́скирэ джиибна́скирэ дывэса́ ёнэ на отгинэ́ пэ́скирэ дадэнги́рэ Ра́стыр-Дэвлэ́стыр.