Isúso 24:2 - Библия - Пэ Балтитко Романи чиб (Романэс) 2019

² И пхэндя́ Ису́со сарэ́ манушэ́нгэ: “Адя́кэ ракирэ́ла Рай Дэвэ́л, Дэвэ́л Израилёскиро: ‘Пал рэка (лэнь) ґара́ дживдэ́ тумарэ́ дада́, Фара, Авраамо́скиро дад и Нахороскиро дад, и дынариндлэ́ явирэ дэвлорэ́нгэ.

Biblija - Pe Baltitko Romani čib (Romanes) 2019

² I phendiá Isúso saré manušénge: “Adiáke rakiréla Raj Devél, Devél Izrailjoskiro: ‘Pal reka (len') ĥará dživdé tumaré dadá, Fara, Avraamóskiro dad i Nahoroskiro dad, i dynarindlé javire devlorénge.

Isúso 24:2 Referans Kwoze

Isúso 24:15

Ко́ли тумэ́нгэ нанэ пир ило́ тэ дынаринэ́н Ра́скэ-Дэвлэ́скэ, то тэды выкэдэн пэ́скэ акана́, конэ́скэ тэ дынаринэс, ци дэвлорэ́нгэ, савэ́нгэ дынариндлэ́ тумарэ́ дада́, савэ́ сыс пал рэка (лэнь), ци Аморее́нгирэ дэвлорэ́нгэ, пэ пхув савэнгири тумэ́ дживэ́на; а мэ и миро кхэр ява́са тэ дынарина́с Ра́скэ-Дэвлэ́скэ”.

Džiibén 31:30

Нэ мэк ту ги́ян ма́ндыр, пал-дова́ со ту древа́н закамдян тэ явэс дрэ тырэ́-дадэ́скиро кхэр: палсо́ ту чордян мирэ́ дэвлорэ́?”

Езэкилё 16:3

“Пхэн: ‘Адя́кэ ракирэ́ла Рай Дэвэ́л, Дэвэ́л, Ерусалимо́скирэ патывалэ́ чхакэ: тыро́ ро́до и тырэ́ дадэ́скиро кхэр исын пэ Ханаано́скири пхув; тыро́ дад исын Амореё, тыри́ дай исын Хетеянка.

Isajos 51:2

Подыкхэн пэ Авраамостэ, тумарэ́ дадэ́стэ и пэ Саратэ, сави́ тумэн бияндя́! Мэ кхардём лэс екхэ́с, дыём лэ́скэ бахтякирибэ́н, дыём лэ́скэ бут чхаворэ́н.

Яви́р Зако́но 26:5

Ту отпхэн и пхэн анги́л Растэ-Дэвлэ́стэ, Дэвлэ́стэ тырэстэ: ‘Дад миро сыс Арамеянино, саво́ лодыя, и гия́ дро Еги́пто и лыя́ тэ дживэ́л одо́й набутэ манушэ́нца, и выгинэ́ одо́й лэ́стыр барэ́ мануша́, зоралэ́ и бут;

Džiibén 35:4

И отдынэ́ Яково́скэ сарэ́н чужонэ́ дэвлорэ́, савэ́ сыс дрэ лэ́нгирэ васта́; чэня, савэ́ сыс дрэ лэ́нгирэ кана́, и заґанадя Яково лэн тэл дэмбо, саво́ сыс пашы́л Сихе́мо.

Džiibén 31:53

Авраамо́скиро и Нахороскиро Дэвэ́л, мэк тэ явэ́л сэндариса машки́р амэ́ндэ, лэ́нгирэ-дадэ́скиро Дэвэ́л.” Яково совлахадя́ пэ́скирэ дадэ́скирэ Исаакоскирэ дара́са.

Džiibén 31:32

конэ́стэ ту латхэса тырэ́н дэвлорэ́, одова́ на явэ́ла джидо́. Анги́л амари́ сэмэ́нца пхучпэ, со ма́ндэ исын, и лэ пэ́скэ.” Яково на джиндя́, со Рахи́ль лэн чордя.

Džiibén 31:19

И сыр Лава́но гия́ тэ подчхинэл пэ́скиро тыкно́ ското (бакрэ́н), тэды Рахи́ль чордя и́долы, савэ́ сыс ла́кирэ дадэ́стэ.

Džiibén 11:26

Дрэ эфтадэша́ бэрш Фарастыр бия́ндыя Авра́мо [Абрамо-ю.о.], Нахоро и Гарано.

Luka 3:34

Юда сыс Яково́скиро чхаво́; Яково сыс Авраамо́скиро чхаво́; Авраа́мо сыс Фариёскиро чхаво́; Фариё сыс Нахороскиро чхаво́;

Džiibén 11:24

Дрэ биш тэ еня́ бэрш Нахоростыр бия́ндыя Фара.

Džiibén 11:27

Ѓа́да, исын Фараскиро ро́до: Фарастыр бия́ндыя Авра́мо, Нахоро и Гарано. Гараностыр бия́ндыя Лото.

Džiibén 11:22

Дрэ трия́нда (триндэша) бэрш Серухостыр бия́ндыя Нахоро.

1 Паралипоменоно 1:27

Авра́мо, ёв адя́кэ-паць исын Авраа́мо.