Isúso 24:14 - Библия - Пэ Балтитко Романи чиб (Романэс) 2019

¹⁴ И адя́кэ, дарэ́н Ра́стыр-Дэвлэ́стыр, и дынаринэ́н Лэ́скэ дрэ жужыма и дро чачипэ́н: отчхурдэн дэвлорэ́, савэ́нгэ дынариндлэ́ тумарэ́ дада́ пал рэка (лэнь) дро Еги́пто, а дынаринэ́н Ра́скэ-Дэвлэ́скэ.

Biblija - Pe Baltitko Romani čib (Romanes) 2019

¹⁴ I adiáke, darén Rástyr-Devléstyr, i dynarinén Léske dre žužyma i dro čačipén: otčhurden devloré, savénge dynarindlé tumaré dadá pal reka (len') dro Jegípto, a dynarinén Ráske-Devléske.

Isúso 24:14 Referans Kwoze

1 Kralip 12:24

екх дарэ́н Ра́стыр-Дэвлэ́стыр и дынаринэ́н Лэ́скэ чачунэ́с, сарэ́ тумарэ́ илэ́стыр, пал-дова́ со тумэ́ дыкхнэ́, савэ́ барэ́ рэ́нды Ёв кэрдя́ тумэ́нца;

Яви́р Зако́но 10:12

И палдава́, Израилё, со камэ́ла ту́тыр Рай Дэвэ́л, Дэвэ́л тыро́? Екх дова́, соб (кай) ту тэ дарэс Ра́стыр-Дэвлэ́стыр, Дэвлэ́стыр тырэстыр, соб (кай) ту тэ псирэ́с сарэ́ Лэ́скирэ дромэ́нца, и тэ сыкавэ́н паты́в Лэ́скэ, и тэ дынаринэс Ра́скэ-Дэвлэ́скэ, Дэвлэ́скэ тырэ́скэ, сарэ́ тырэ́ илэ́стыр и сарэ́ тырэ́ дестыр,

Džiibén 35:2

Яково пхэндя́ пэ́скирэ кхэрэ́скэ [сэм΄якэ-ю.о.] и сарэ́нгэ, кон лэ́са сыс: “Чхурдэ́н криг чужонэ́ дэвлорэ́, савэ́ исын тумэ́ндэ, и выжужакирэнпэ, и парувэн тумарэ́ и́ди;

2 Коринфянэнгэ 1:12

Пал-дова́ со амэ радынасапэ далэ́стыр, ке́ли амари́ ладж патякирэла амэн, со амэ свэнтымаса и Дэвлытконэ́ чачипна́са на пир манушы́тко годы́, а пир Дэвлэ́скиро бахталыпэ́н дживдям пэ дава́ свэ́то, и буты́р сарэ́стыр, сыр амэ отлыджиямпэ кэ тумэ́.

Isúso 24:23

“И адя́кэ, отчхурдэн на пэ́скирэ дэвлорэ́, савэ́ исын тумэ́ндэ, и рискирэ́н пэ́скиро ило́ кэ Рай Дэвэ́л, Дэвэ́л Израилёскиро”.

Psalmy 119:1

Бахталэ́ исын одолэ́, савэнгиро джиибэ́н исын би дошэнгиро, савэ́ дживэ́на пир Ра́скирэ-Дэвлэ́скиро Зако́но.

Езэкилё 20:18

И ракиравас Мэ лэ́нгирэ чхавэ́нгэ пэ чхучи́ пхув: ‘На псирэ́н, сыр сыклякирэнас тумарэ́ дада́, на кэрэ́н, сыр ёнэ ракирэ́нас, на магирэ́н пэс лэ́нгирэ идолэнца.’

Psalmy 111:10

Кон лэ́ла тэ дарэл Ра́стыр-Дэвлэ́стыр, одова́ лэ́ла годы́ пэ́скэ, а сарэ́ндэ, кон дживэ́ла и кэрэ́ла пир Лэ́скирэ припхэныбэна́, исын лачхи́ годы́. Тэ шарэ́н Лэс пэ сарэ́ ве́ки.

Ióvo 28:28

и пхэндя́ Дэвэ́л манушэ́скэ: “Акэ, годыпэ́н исын дро дова́, соб (кай) тэ дарэс Ра́стыр-Дэвлэ́стыр, и ґалыибэ́н исын дро дова́, соб (кай) тэ дурьёс бибахталэ́ рэндэ́ндыр.”

Е́здра 9:11

савэ́ Ту припхэндян амэ́нгэ пир Тырэ́ пророкэ́ндэ, пхэны: ‘Пхув, пэ сави́ тумэ́ заджа́на тэ лэн пэ́скэ ла, исын магирды джунгалыпнаса, савья́ магирдэ́ яви́р манушы́тка на́цыи лэ́нгирэ накуч рэндэ́нца, савэ́нца ёнэ пхэрдякирдэ ла екхэ ягоро́стыр (краёстыр) кэ яви́р пал лэ́нгиро биладжакуно кэрибэн.”

4 Kralip 20:3

“О, Раё Дэ́вла! Пририпир, со мэ псирдём анги́л муй Тыро́ чачунэ́с и чачунэса кэ Ту илэ́са, и кэрдём лачхэ́с дрэ якха́ Тырэ́.” И зарондя Езэки́я зоралэ́с.

Isúso 24:2

И пхэндя́ Ису́со сарэ́ манушэ́нгэ: “Адя́кэ ракирэ́ла Рай Дэвэ́л, Дэвэ́л Израилёскиро: ‘Пал рэка (лэнь) ґара́ дживдэ́ тумарэ́ дада́, Фара, Авраамо́скиро дад и Нахороскиро дад, и дынариндлэ́ явирэ дэвлорэ́нгэ.

Яви́р Зако́но 18:13

яв бидошакиро анги́л Растэ-Дэвлэ́стэ, Дэвлэ́стэ тырэстэ;

Левито 17:7

соб (кай) ёнэ буты́р тэ на янэ́н свэ́нта дыибэ́н идолэ́нгэ, пал савэ́ ёнэ псирэ́на налачхэ́ мысленца. Мэк тэ явэ́л дава́ ваш лэ́нгэ вечнонэ припхэныбнаса дрэ лэ́нгирэ ро́ды.’

Apostolengiri Butý 9:31

И сыс рама́нё (миро) дрэ кхангирья пир сари́ Юдэ́я, Галиле́я и Сама́рия, ёнэ подрикирэнас пэс дро патяибэ́н и дара́ндынэ Дэвлэ́стыр пир Свэнтонэ́ Духоскиро тангипэ́н и подрикирибэ́н.

Luka 8:15

а зя́рки, савэ́ пынэ́ пэ лачхи́ пхув, исын сы́рбы мануша́, савэ́ шунэ́на лав и рикирэ́на лэс дро лачхо́ и кандуно ило́ и ёнэ вырикирэна, пака дава́ лав дэ́ла барьякирдо́ (пло́до).” Сыр пхэндя́ Ёв дава́, то ракирдя́: “Конэ́стэ исын кана́, мэк ёв тэ шунэ́л!”

Osija 3:5

Пало́ (после) дава́ чхавэ́ Израилёскиро рисёна, и ёнэ явэ́на тэ родэ́н Рас-Дэвлэ́с, лэ́нгирэ Дэвлэ́с, и лэ́нгирэ крали́с Давидо́с: и ёнэ явэ́на тэ дарэ́н Ра́стыр-Дэвлэ́стыр и тэ рисён кэ Лэ́скиро лачхипэ́н дрэ палатунэ́ (последня) дывэса́.

Езэкилё 23:3

И кэрэ́нас ёнэ биладжакирэ рэ́нды дро Еги́пто, ёнэ кэрэ́нас дава́ грэ́хо дрэ пэ́скирэ тэрнэ́ бэрша́; одо́й нашадэ ёнэ чхакири ладж, одо́й лэ́нгирэ колына чаладэ мурша́.

Filipiicenge 1:10

соб (кай) тумэ́ могинэ́нас тэ розлэн (тэ розгалён), со исын фэды́р ваш тумэ́нгэ, соб (кай) тумэ́ тэ явэ́н жужэ́ и бибангипнаскирэ дро Дывэ́с, ке́ли Христо́со явэ́ла,

Эфесянэнгэ 6:24

Мэк тэ явэ́л бахталыпэ́н сарэ́нгэ, кон сарэ́ илэ́стыр рикирэ́ла сыр Дро́гима амарэ́ Рас-Дэвлэ́с, Исусо́с Христосо́с дро пэ́скиро ило́. Ами́нь.

Psalmy 130:4

Нэ Ту отмэкэса грэ́хи амэ́нгэ, соб (кай) амэ тэ дарас Ту́тыр.

Psalmy 119:80

Мэк тэ явэ́л миро ило́ бидошэ́нгиро дрэ Тырэ́ стату́ты, соб (кай) ма́нгэ тэ на явэ́л ладжаво.

Ióvo 1:1

Екх ману́ш сыс пэ пхув Уц, лэ́скиро лав сыс Ио́во, ёв сыс бибангипнаскиро и дэвлы́тко ману́ш. Ёв дарандыя (дардяпэ) Дэвлэ́стыр и обрикирэлас пэс тэ кэрэ́л биба́хт.

Džiibén 17:1

Аврамоскэ сыс енядэша еня́ бэрш, и Рай Дэвэ́л сыкадыя́ Аврамоскэ и пхэндя́ лэ́скэ: “Мэ сом Сарэзорья́киро Рай Дэвэ́л; псир анги́л Ма́ндэ и яв бидошэ́нгиро;

1 Kralip 7:3

И пхэндя́ Самуи́ло сарэ́ Израилёскирэ кхэрэ́скэ, ракири́: “Ко́ли тумэ́ сарэ́ пэ́скирэ илэ́са рисёна кэ Рай Дэвэ́л, тэды отчхурдэн пэ́стыр явирэ-манушэ́нгирэ дэвлэн и Астартэн, и янэ́н тумаро́ ило́ кэ Рай Дэвэ́л, и Лэ́скэ Екхэ́скэ дынаринэ́н, и Ёв зракхэ́ла тумэн Филистимлянэнгирэ вастэ́стыр.

1 Kralip 12:14

Ко́ли явэ́на тэ дарэ́н Ра́стыр-Дэвлэ́стыр, и тэ дынаринэ́н Лэ́скэ, и тэ шунэ́н Лэ́скири зан, и на лэ́на тэ джа́н проти Ра́скирэ-Дэвлэ́скиро упхэныбэ́н, тэды явэ́на и тумэ́ и тумаро́ кра́ли, саво́ исын кра́ли пэ тумэ́ндэ, тэ псирэ́н пала́л пал Растэ-Дэвлэ́стэ, тумарэ́ Дэвлэ́стэ,

Яви́р Зако́но 6:13

Дар Ра́стыр-Дэвлэ́стыр, тырэ́ Дэвлэ́стыр, и Лэ́скэ Екхэ́скэ дынарин, и Лэ́скирэ лавэ́са совлаха́.

Psalmy 81:10

На явэ́на чу́жа дэвлорэ́ тумэ́ндэ, и тумэ́ на дэ́нас паты́в чужонэ́ дэвлорэскэ.

Mihiejo 6:8

О Рай Дэвэ́л сыкадя́ ту́кэ, о манушэ, со исын лачхипэ́н, и со трэй Ра́скэ-Дэвлэ́скэ ту́тыр: тэ кэрэ́с пир чачипэ́н, тэ выкэдэс тэ кэрэ́с лачхипэ́н, и тэ дживэ́с напхутькирдэс анги́л тырэ́ Дэвлэ́стэ!