Isúso 24:1 - Библия - Пэ Балтитко Романи чиб (Романэс) 2019

¹ И скэдыя́ Ису́со сарэ́ Израилёскиро ро́дыцы дро Сихемо, и кхардя́ Израилёскирэ пхурыдырэн, и лэ́скирэ барыдырэ́н, и лэ́скирэ сэндарьен, и лэ́скирэ дыкхибнаскирэн, и тэрдинэ́ ёнэ анги́л Растэ-Дэвлэ́стэ, Дэвлэ́стэ.

Biblija - Pe Baltitko Romani čib (Romanes) 2019

¹ I skedyjá Isúso saré Izrailjoskiro ródycy dro Sihiemo, i khardiá Izrailjoskire phurydyren, i léskire barydyrén, i léskire sendar'jen, i léskire dykhibnaskiren, i terdiné jone angíl Raste-Devléste, Devléste.

Isúso 24:1 Referans Kwoze

Isúso 23:2

И кхардя́ кэ пэ Ису́со сарэ́н Израилёскирэ чхавэ́н, лэ́нгирэ пхурыдырэн, лэ́нгирэ барыдырэ́н, лэ́нгирэ сэндарьен и лэ́нгирэ дыкхибнаскирэн, и пхэндя́ лэ́нгэ: “Мэ пхуриём, загиём дрэ пхурэ́ бэрша́.

1 Kralip 10:19

А тумэ́ какана́ мэкнэ́ тумарэ́ Дэвлэ́с, Саво́ зракхэ́ла тумэн сарэ́ тумарэ́ бидатыр и тумарэ́ пиридживипнастыр, и пхэндлэ́ Лэ́скэ: “Крали́с чхув пэ амэ́ндэ.” И адя́кэ тэрдён какана́ анги́л Дэвлэ́стэ пир тумарэ́ ро́дыцы и пир кхэри́тка ро́ды (пле́ми) тумарэ́.”

Apostolengiri Butý 10:33

Палдава́ мэ дрэ дава́-паць часо бичхадём манушэ́н пал ту́тэ и ту куч кэрдя́н, со явдя́н. Какана́ амэ сарэ́ ада́й сам анги́л Дэвлэ́стэ тэ шунас саро́, со Дэвэ́л пхэндя́ ту́кэ, соб (кай) ту тэ пхэнэ́с амэ́нгэ.”

3 Kralip 12:1

И гия́ Ровоа́мо дро Сихемо, пал-дова́ со дро Сихемо явнэ́ сарэ́ Израильтя́ни, соб (кай) тэ чхувэ́н лэс крали́са.

Džiibén 12:6

И прогия́ Авра́мо пир дая́ пхув кэ Сихемоскиро штэ́то, кэ до́ло дэмбитконэ вэшорэса Морэ. Тэды пэ дая́ пхув дживдэ́ Ханане́и.

Džiibén 35:4

И отдынэ́ Яково́скэ сарэ́н чужонэ́ дэвлорэ́, савэ́ сыс дрэ лэ́нгирэ васта́; чэня, савэ́ сыс дрэ лэ́нгирэ кана́, и заґанадя Яково лэн тэл дэмбо, саво́ сыс пашы́л Сихе́мо.

Яви́р Зако́но 29:9

Ракхэ́н лава́ далэ́ заветоскирэ, и кэрэ́н кэ ко́нцо (кэ яго́ро) лэн, соб (кай) тумэ́нгэ тэ явэ́л бахт дро саро́, со тумэ́ явэ́на тэ кэрэ́н.

Isúso 20:7

И выкэдынэ́ Кедесо дрэ Галиле́я пэ Нефалимоскири бэ́рга, Сихемо пэ Ефремо́скири бэ́рга, и Кири́аф-Арба, явирэ́с Хевро́но, пэ Юдаскири бэ́рга;

Сэндарьенгири Лылвари́ 20:26

Тэды сарэ́ Израилёскирэ чхавэ́ и сарэ́ мануша́ гинэ́, и явнэ́ дро Кхэр Дэвлэ́скиро, и, бэшындой одо́й, рондлэ́ анги́л Дэвлэ́стэ, и постиндлэ дрэ дова́ дывэ́с кэ бэльвэ́ль, и яндлэ́ цэ́ло схачкирибэ́н и мирна свэ́нта яныбэна́ анги́л Дэвлэ́стэ.

4 Kralip 23:1

И бичхадя́ кра́ли, и скэдынэ́ кэ ёв сарэ́н Юдэякирэн и Ерусалимо́скирэ пхурыдырэн.