Isúso 23:14 - Библия - Пэ Балтитко Романи чиб (Романэс) 2019

¹⁴ Ѓа́да, мэ акана́ джа́ва сарэ́са дро дром сарэ́ пхувья́киро. А тумэ́ джинэ́н сарэ́ тумарэ́ илэ́са и сарэ́ тумарэ́ деса, со на яця́пэ ивья́ ни екх лав сарэ́ лачхэ́ лавэ́ндыр, савэ́ ракирдя́ пал тумэ́ндэ Рай Дэвэ́л, Дэвэ́л тумаро́; саро́ кэрдя́пэ чачипна́са ваш тумэ́нгэ, ни екх лав на яця́пэ, саво́ тэ на кэрэ́лпэ.

Biblija - Pe Baltitko Romani čib (Romanes) 2019

¹⁴ Ĥáda, me akaná džáva sarésa dro drom saré phuvjákiro. A tumé džinén saré tumaré ilésa i saré tumaré diesa, so na jaciápe ivjá ni jekh lav saré lačhé lavéndyr, savé rakirdiá pal tuménde Raj Devél, Devél tumaró; saró kerdiápe čačipnása vaš tuménge, ni jekh lav na jaciápe, savó te na kerélpe.

Isúso 23:14 Referans Kwoze

Luka 21:33

Болыбэ́н и пхув проджа́на, а лава́ Мирэ́ на проджа́на (накхэна).

3 Kralip 2:2

“Ѓа́да, мэ отджава сарэ́-пхувья́кирэ дромэ́са, ту яв твардо и яв муршкано́.

Ekliesiastos 9:10

Саро́, со тыро́ васт латхэ́ла тэ кэрэ́л, кэр дава́ сарэ́ тырэ́ зоралыпнастыр, пал-дова́ со нанэ ни буты́, ни придуминэса нисо́, ни джиныбэ́н, ни годыпэ́н дрэ маґила (дрэ кула), карик ту кэдэсапэ тэ джас.

Čysly 23:19

Дэвэ́л исын на ману́ш, соб (кай) Лэ́скэ тэ хохавэ́л, и Ёв на Манушэ́скиро чхаво́, соб (кай) Лэ́скэ тэ парувэлпэ. Ци Ёв пхэнэ́ла, и на скэрэла? Явэ́ла тэ ракирэ́л, и на кэрэ́ла кэ ко́нцо/кэ яго́ро (на сполнинэла)?

3 Kralip 8:56

“Лачхо́ Рай Дэвэ́л тэ явэ́л бахтякирдо́, саво́ дыя́ рама́нё (миро) Пэ́скирэ Израилёскирэ манушэ́нгэ, сыр ракирдя́, на яця́пэ на сполниндло ни екх лав сарэ́ Лэ́скирэ лачхэ́ лавэ́ндыр, савэ́ Ёв пхэндя́ пирда́л Пэ́скирэ писхаристэ Мойзастэ.

1 Kralip 3:19

И выбария Самуи́ло, и Рай Дэвэ́л сыс лэ́са; и на яця́пэ ние́кх лэ́скирэ лавэ́ндыр, саво́ на кэрдя́пэ дро чачипэ́н.

Ekliesiastos 12:5

И адалэ́ мануша́ адя́кэ-паць явэ́на тэ дарэ́н вучипна́стыр, и ёнэ явэ́на тэ страхандён тэ джа́н пир дром, и лэ́нгирэ бала́ явэ́на парнэ́ адя́кэ, сыр миндалитко кашт лулудёла (цвэцинэла), и сыр скочко (грасторо) на явэ́ла дрэ ра́дыма, и сыр паты́в хасёла сы́рбы каперсытко кашт шутёла; пал-дова́ со мануша́ явэ́на тэ джа́н кэ лэ́нгиро ве́чно кхэр, и тэ́ньчи лэ́нгирэ ровибнаскирэ явэ́на тэ псирэ́н пир га́сы (пир вули́цы).

Vygiiben 3:8

и Мэ джа́ва тэ ракхав лэн Египтянэнгирэ вастэ́ндыр и тэ вылыджав лэн далэ́ пхувья́тыр пэ лачхи́ и бари пхув, кай тхадэ́ла тхуд и авги́н, пэ Хананеенгири, Хитеенгири, Амореенгири, Ферезеенгири, Евеенгири и Евусеенгири пхув.

Юдэ́нгэ 9:27

И сыр ужакирэ́ла манушэ́с е́кхвар тэ мэрэ́л, а пало́ дава́ сэ́ндо;

Ióvo 30:23

Пал-дова́ со мэ джино́м, со Ту янэса ман кэ мэрибэ́н, и кэ упхэндло́ кхэр, кай скэдэ́напэ сарэ́ джидэ́.

Езэкилё 20:28

Пал-дова́ со, ке́ли Мэ яндём лэн пэ пхув, пал сави́ дрэ совла́х тэ дав лэ́нгэ, Мэ ґаздавас Миро васт, а ёнэ выдыкхнэ ваш пэ́скэ кажно вучи́ бэ́ргица, кажно кашт барэ́ ґэнстонэ ранденца (вэткэнца), и ёнэ лынэ́ тэ янэ́н одо́й пэ́скирэ дыибэна́, савэ́нца выкхарэнас Мири́ холы́; и янэ́нас одо́й пэ́скирэ тхува гудлэ́, и вычхувэнас одо́й пэ́скирэ тхадунэ свэ́нта дыибэна́ (жэртвы).

Džiibén 47:29

И явдя́ часо Израилёскэ тэ мэрэ́л, и кхардя́ ёв пэ́скирэ чхавэ́с Ёзас, и пхэндя́ лэ́скэ: “Ко́ли мэ латхём дрэ тырэ́ якха́ ла́ска, чхув тыро́ васт тэл стаць (стёгно) ма́ндэ и совлаха́, со ту кэрэ́са пир ма́нгэ тангипэ́н и чачипэ́н, на гаравэса ман дро Еги́пто.