Isúso 22:5 - Библия - Пэ Балтитко Романи чиб (Романэс) 2019

⁵ екх причхувэ́н зор (старинэнпэ) кучэс тэ кэрэ́н саро́ (заповеди) и Зако́но, саво́ дыя́ тэ кэрэ́н кэ ко́нцо (кэ яго́ро) тумэ́нгэ Мо́йза, Ра́скирэ-Дэвлэ́скиро писха́ри: тэ рикирэ́н сыр Дро́гима Рас-Дэвлэ́с, тумарэ́ Дэвлэ́с дро пэ́скиро ило́, тэ псирэ́н сарэ́ Лэ́скирэ дромэ́нца, тэ ракхэ́н Лэ́скирэ припхэныбэна́, тэ причхувэспэ кэ Ёв и тэ дынаринэс Лэ́скэ сарэ́ тумарэ́ илэ́са и сарэ́ тумарэ́ деса”.

Biblija - Pe Baltitko Romani čib (Romanes) 2019

⁵ iekh pričhuvén zor (starinenpe) kučes te kerén saró (zapoviedi) i Zakóno, savó dyjá te kerén ke kónco (ke jagóro) tuménge Mójza, Ráskire-Devléskiro pishári: te rikirén syr Drógima Ras-Devlés, tumaré Devlés dro péskiro iló, te psirén saré Léskire droménca, te rakhén Léskire priphenybená, te pričhuvespe ke Jov i te dynarines Léske saré tumaré ilésa i saré tumaré diesa”.

Isúso 22:5 Referans Kwoze

Матфеё 22:37

И Ёв пхэндя́ лэ́скэ: “Рикир сыр Дро́гима Рас-Дэвлэ́с тырэ́с сарэ́ илэ́са пэскирэса и сарэ́ тырэ́ духо́са, и сарэ́ тырэ́ годя́са.”

Vygiiben 20:6

и Мэ кэра́ва лачхипэ́н кэ тысёнцы ро́ды, конэ́скэ сом дро́го Мэ, и кон ракхэ́ла дрэ годы́ Мирэ́ упхэныбэна́.

Римлянэнгэ 8:28

Нэ амэ джина́са, со кон рикирэ́ла сыр Дро́гима Дэвлэ́с дро пэ́скиро ило́ и конэ́с кхардэ́ пир Лэ́скиро упхэныбэ́н, одолэ́н Дэвэ́л лыджа́ла сарэ́н кэ бахт.

Яви́р Зако́но 11:22

Ко́ли тумэ́ явэ́на тэ ракхэ́н сарэ́ далэ́ припхэныбэна́, савэ́ Мэ ракира́ва тумэ́нгэ тэ кэрэ́н саро́ пир лэ́ндэ, и тумэ́ явэ́на тэ рикирэ́н сыр Дро́гима дро пэ́скиро ило́ Рас-Дэвлэ́с, Дэвлэ́с тумарэс, тэ псирэ́н сарэ́ Лэ́скирэ дромэ́нца и тэ причхувэнпэ кэ Ёв,

Vygiiben 15:26

И пхэндя́: “Ко́ли ту явэ́са тэ шунэ́с ракхунэс Ра́скирэ-Дэвлэ́скири, тырэ́ Дэвлэ́скири зан, и тэ кэрэ́с лачхипэ́н анги́л Лэ́скирэ якха́, и тэ шунэ́с Лэ́скирэ припхэныбэна́, и тэ ракхэ́с сарэ́ Лэ́скирэ упхэныбэна́, тэды Мэ на лыджа́ва пэ ту́тэ ни екх дукхэндыр, савэ́ Мэ лыджиём пэ Еги́пто, пал-дова́ со Мэ сом Рай Дэвэ́л, Тыро́ састякирибнари.”

Jakov 1:12

Бахтало́ исын одова́ ману́ш, саво́ зоралэ́с вырикирэ́ла пропатякирибэн, пал-дова́ со, ко́ли ёв вырикирдя пропатякирибэн, ёв дорэсэ́ла джиибна́скири вя́нка, пал сави́ Дэвэ́л дыя́ лав сарэ́ манушэ́нгэ, конэ́скэ исын дро́го Ёв.

Матфеё 4:10

Тэ́ньци ракирэ́ла лэ́скэ Ису́со: “Джа́ Ма́ндыр, на́лачхо, исын чхиндло́: ‘Дэвлэ́скэ тырэ́скэ клонинпэ и Лэ́скэ екхэ́скэ дынарин.’”

Римлянэнгэ 12:9

Мэк тэ явэ́л чачуны́ тумари́ пшалы́тко паты́в; рисён криг фуипнастыр и кэрэ́н лачхипэ́н:

Римлянэнгэ 1:9

Пал-дова́ со Дэвэ́л исын якхи́тко (свидетелё) ма́нгэ, Савэ́скэ мэ дынарина́ва (служына́ва) мирэ́ духо́са и роспхэнава бахталы́ звесь пал Лэ́скирэ Чхавэ́стэ, со мэ саро́ часо дрэ пэ́скиро мангипэ́н Дэвлэ́скэ рипирава пал тумэ́ндэ,

Apostolengiri Butý 27:23

Палдова́ со дрэ дая́-паць рат Дэвлэ́скиро Янго́ло явдя́ кэ мэ, Конэ́скиро мэ сом и Конэ́скэ мэ дынаринава,

Apostolengiri Butý 11:23

саво́, ке́ли явдя́, дыкхця́ Дэвлэ́скиро бахталыпэ́н, и ёв древа́н обрадындяпэ и подрикирэлас сарэ́н, соб (кай) ёнэ тэ явэ́н дро патяибэ́н дрэ Растэ-Дэвлэ́стэ сарэ́ пэ́скирэ илэ́са;

Joannostir 14:15

Ко́ли тумэ́ рикирэ́на Ман сыр Дро́гима дро ило́, то кэрэ́н дова́, со Мэ припхэндём тумэ́нгэ.

Luka 1:74

тэ зракхэ́л амэн вастэ́ндыр амарэ́ вэргэ́ндыр, соб (кай) амэ тэ дынарина́с би дара́киро Лэ́скэ,

Матфеё 6:24

Нико́н на могинэ́ла тэ дынаринэ́л дуе рангэ, ци екхэ́скэ явэ́ла тэ сыкавэ́л паты́в, нэ яви́р явэ́ла на пир ило́; ци явэ́ла чачуно́ кэ екх, а кэ яви́р явэ́ла на пир ило́. Тумэ́нгэ нашты́ тэ дынаринэ́н (тэ служынэн) Дэвлэ́скэ и барвалыпнаскэ.

Isajos 55:2

Со́скэ тумэ́нгэ отдэ́н ловэ́ пал дова́, со нанэ маро́; со́скэ тэ отдэ́н ловэ́ пал дова́, со на чалякэрэла? Шунэ́н акана́ Ман и хан лачхипэ́н; мэк тумаро́ ди тэ явэ́л чало тхулыпнаса.

Psalmy 106:3

Бахталэ́ исын одолэ́, савэ́ кандэ́на Лэ́скирэ припхэныбэна́ и савэ́ кэрэ́на пир чачипэ́н кажно мо́ло.

Яви́р Зако́но 11:13

Ко́ли тумэ́ явэ́на тэ шунэ́н Мирэ́ припхэныбэна́, савэ́ Мэ ракира́ва тумэ́нгэ ададывэ́с, тэ рикирэ́н сыр Дро́гима дро тумаро́ ило́ Рас-Дэвлэ́с, Дэвлэ́с тумарэс, и тэ дынаринэ́н Лэ́скэ сарэ́ тумарэ́ илэ́стыр и сарэ́ тумарэ́ дестыр,

Яви́р Зако́но 11:1

И палдава́ сыка́в паты́в Ра́скэ-Дэвлэ́скэ, Дэвлэ́скэ тырэ́скэ, и ракх, со Ёв пхэндя́ тэ ракхэ́с, и упхэныбэна́ Лэ́скирэ и зако́ны Лэ́скирэ и припхэныбэна́ Лэ́скирэ дрэ сарэ́ дывэса́.

Яви́р Зако́но 6:17

Ракхэ́н зоралэ́с тумарэ́ Ра́скирэ-Дэвлэ́скирэ припхэныбэна́, и Лэ́скирэ упхэныбэна́ и зако́ны, пир савэ́ Ёв припхэндя́ тэ кэрэ́с ту́кэ;

Jakov 2:5

Шунэ́н, мирэ́ дро́га пшала́лэ: Ци на выкэдыя́ Дэвэ́л одолэ́ манушэ́н, савэ́ исын чорорэ́ дро дава́ свэ́то тэ кэрэ́л барвалэнца лэн дро патяибэ́н и кралипнаскирэ чхавэ́нца, пал саво́ Ёв дыя́ лав сарэ́ манушэ́нгэ, конэ́скэ дро́го исын Ёв?

Юдэ́нгэ 12:15

Дыкхэ́н миштэ́с, соб (кай) нико́н тумэ́ндыр тэ на хасякирэ́л Дэвлэ́скиро бахтякирибэ́н, соб (кай) тэ на явэ́л машки́р тумэ́ндэ кирко́ рукх (корнё), саво́ могинэ́ла тэ янэл фуипэ́н, и соб (кай) лэ́са тэ на явэ́н магирдэ́ бут яви́р мануша́;

Joannostir 12:26

Одова́, саво́ Ма́нгэ дынаринэла, мэк тэ джал пал Ма́ндэ, и кай Мэ сом одо́й и дына́ри Миро явэ́ла; и одолэ́скэ, кон Ма́нгэ явэ́ла тэ дынаринэ́л, одолэ́с Миро Дад славинэла.

Pritčy 4:23

Ракх пэ́скиро ило́ бутэды́р сарэ́стыр, со исын дро́го ту́кэ. Пал-дова́ со лэ́стыр тхадэ́ла ґаны́нг, сави́ дэ́ла джиибэ́н.

1 Kralip 12:24

екх дарэ́н Ра́стыр-Дэвлэ́стыр и дынаринэ́н Лэ́скэ чачунэ́с, сарэ́ тумарэ́ илэ́стыр, пал-дова́ со тумэ́ дыкхнэ́, савэ́ барэ́ рэ́нды Ёв кэрдя́ тумэ́нца;

1 Kralip 12:20

И отпхэндя́ Самуи́ло манушэ́нгэ: “На дарэ́н, грэ́хо дава́ кэрдэ́ тумэ́, нэ тумэ́ екх со на отджан Ра́стыр-Дэвлэ́стыр и дынаринэ́н Ра́скэ-Дэвлэ́скэ сарэ́ тумарэ́ илэ́са

1 Kralip 7:3

И пхэндя́ Самуи́ло сарэ́ Израилёскирэ кхэрэ́скэ, ракири́: “Ко́ли тумэ́ сарэ́ пэ́скирэ илэ́са рисёна кэ Рай Дэвэ́л, тэды отчхурдэн пэ́стыр явирэ-манушэ́нгирэ дэвлэн и Астартэн, и янэ́н тумаро́ ило́ кэ Рай Дэвэ́л, и Лэ́скэ Екхэ́скэ дынаринэ́н, и Ёв зракхэ́ла тумэн Филистимлянэнгирэ вастэ́стыр.

Isúso 23:8

нэ приячэн кэ Рай Дэвэ́л, Дэвэ́л тумаро́, сыр тумэ́ кэрдэ́ кэ дава́ дывэ́с;

Яви́р Зако́но 13:4

Джа́н пал Растэ-Дэвлэ́стэ, тумарэ́ Дэвлэ́стэ, и Лэ́стыр дарэ́н; ракхэ́н припхэныбэна́ Лэ́скирэ, и Лэ́скири зан шунэ́н, и Лэ́скэ дынаринэ́н, и кэ Ёв причхувэнпэ;

Яви́р Зако́но 10:20

Дар Ра́стыр-Дэвлэ́стыр, Дэвлэ́стыр тырэстыр, и Лэ́скэ Екхэ́скэ дынарин (служын), и кэ Ёв прияч, и Лэ́скирэ лавэ́са совлаха́:

Яви́р Зако́но 4:9

Фэ́ни (то́ка), ракхпэ, и гарав ракхунэс тыро́ ди, соб (кай) ту́кэ тэ на бистрэс долэ́ рэ́нды, савэ́ дыкхнэ́ тырэ́ якха́, соб (кай) ёнэ тэ на выджа́н тырэ́ илэ́стыр дрэ сарэ́ тырэ́ джиибна́скирэ дывэса́; и роспхэн пал лэ́ндэ тырэ́ чхавэ́нгэ и тырэ́-чхавэ́нгирэ чхавэ́нгэ,

Яви́р Зако́но 4:6

и, соб (кай) тумэ́ тэ ракхэ́н и тэ кэрэ́н пир лэ́ндэ: пал-дова́ со дрэ дава́ исын годыпэ́н тумаро́ и годы́ тумари́ анги́л якха́ манушэ́нгирэ, савэ́ шунэ́на пал сарэ́ далэ́ упхэныбэна́, и пхэнэ́на: ‘Екх адалэ́ барэ́ мануша́ исын мануша́ годэ́ и барэ́-годякирэ.’

Яви́р Зако́но 4:4

а тумэ́, савэ́ рикирдэпэ зоралэ́с кэ Рай Дэвэ́л, Дэвэ́л тумаро́, сан джидэ́ сарэ́ акана́.

Ереме́ё 12:16

И явэ́ла адя́кэ: ко́ли ёнэ, сусе́ды (кота́рья) миштэ́с высыклёна тэ псирэ́н пир дрома́ Мирэ́-манушэ́нгирэ тэ совлахан Мирэ́ лавэ́са: “Тэ явэ́л джидо́ Рай Дэвэ́л”, адя́кэ-паць сыр ёнэ сыклякирдэ́ Мирэ́ манушэ́н тэ совлахан Ваалоса, тэды ёнэ ячэ́напэ машкира́л Мирэ́ манушэ́ндэ.

Sykadyipén 15:3

И ёнэ баганас Мойзаскири гилы́, Дэвлэ́скирэ писхарискири, и Свэнтонэ́ Бакрорэскири гилы́, пхэни́: “Савэ барэ́ и ди́вна тырэ́ бутя́, Раё Дэ́вла, Сарэзорья́киро! Тырэ́ дрома́ исын чачунэ́ и чачипнаскирэ, Кра́ли манушэ́нгиро!

Vygiiben 23:25

дынарин Ра́скэ-Дэвлэ́скэ, тумарэ́ Дэвлэ́скэ, и Ёв бахтякирэ́ла Тыро́ маро́ и Тыро́ пани́; и Мэ отлыджава насвалыпэна тумэ́ндыр.

Яви́р Зако́но 4:29

Нэ ке́ли ту явэ́са тэ родэс одо́й Рас-Дэвлэ́с, тырэ́ Дэвлэ́с, тэды латхэса Лэс, ко́ли явэ́са тэ родэс Лэс сарэ́ тырэ́ илэ́са и сарэ́ тырэ́ деса.

Яви́р Зако́но 5:10

и, кон кэрэ́ла лачхипэ́н кэ тысёнцо ро́ды, конэ́скэ Мэ сом дро́го, и кон сполнинэла Мирэ́ припхэныбэна́.

Psalmy 78:7

соб (кай) ёнэ зоралэ́с тэ ужакирэн лачхипэ́н Дэвлэ́стыр, и тэ на бистрэн Дэвлэ́скирэ бутя́, а тэ кандэ́н Лэ́скирэ припхэныбэна́.

Vygiiben 23:13

Ракхэ́н саро́, со Мэ пхэндём тумэ́нгэ; и явирэ-дэвлэнгирэ лава́ на ракирэ́н: мэк тэ на явэ́л дава́ шундло тырэ́ уштэндыр.