Isúso 22:23 - Библия - Пэ Балтитко Романи чиб (Романэс) 2019

²³ Ко́ли амэ кэрдя́м алта́рё (жэртвенико) ваш дова́, соб (кай) тэ отджас Ра́стыр-Дэвлэ́стыр, и ваш дова́, соб (кай) тэ янас пэ лэ́стэ цэ́ло схачкирибэ́н и маруно́ яныбэ́н и, соб (кай) тэ кэра́с пэ лэ́стэ рама́нё (ми́рно) свэ́нто яныбэ́н Ра́скэ-Дэвлэ́скэ: тэды мэк тэ пхучэл Кокоро́ Рай Дэвэ́л!

Biblija - Pe Baltitko Romani čib (Romanes) 2019

²³ Kóli ame kerdiám altárjo (žertvieniko) vaš dová, sob (kaj) te otdžas Rástyr-Devléstyr, i vaš dová, sob (kaj) te janas pe léste célo shačkiribén i marunó janybén i, sob (kaj) te kerás pe léste ramánjo (mírno) svénto janybén Ráske-Devléske: tedy mek te phučel Kokoró Raj Devél!

Isúso 22:23 Referans Kwoze

1 Kralip 20:16

Адя́кэ кэрдя́ Ионафа́но завето Давидо́скирэ кхэрэса и пхэндя́: “Мэк тэ Рай Дэвэ́л Давидо́скирэ вэргэ́ндыр!”

Яви́р Зако́но 18:19

а кон на явэ́ла тэ шунэ́л Мирэ́ лава́, савэ́ одова́ проро́ко явэ́ла тэ ракирэ́л Мирэ́ лавэ́са, одова́ отпхэнэ́ла Ма́нгэ.

Езэкилё 33:8

Ко́ли Мэ пхэна́ва злыднитконэ манушэ́скэ: ‘Злыдня ману́ш! Мэрэ́са мэрибнаса’, – а ту на явэ́са тэ ракирэ́с ничи́, соб (кай) тэ зракхэс злыднитконэ манушэ́с лэ́скирэ дромэ́стыр, кодова́ ману́ш мэрэ́ла пал пэ́скири злыднима, нэ лэ́скиро рат Мэ выродава Тырэ́ вастэ́стыр.

Езэкилё 33:6

Ко́ли ж ракхибнаскиро дыкхця́, со джа́ла курта́ла, нэ на забашадя, на пхэндя́ пал дава́ народоскэ, тэ́ньчи, ке́ли явэ́ла курта́ла и залэла джиибэ́н вари-конэ́с лэ́ндыр, кадава́ явэ́ла ухтылдо пал пэ́скиро грэ́хо, нэ лэ́скиро рат Мэ выродава ракхибнарискирэ вастэ́стыр.

Езэкилё 3:18

Ко́ли Мэ пхэна́ва грэхитконэ́ манушэ́скэ: ‘Ту мэрэ́са!’, а ту на сыклякирэса лэс, на пхэнэ́са, соб (кай) тэ зракхэс грэхитконэ́ манушэ́с лэскрэ грэхитконэ́ дромэ́стыр, соб (кай) тэ явэ́л ёв джидо́, адава́ грэхи́тко ману́ш мэрэ́ла дрэ пэ́скрэ грэ́хи, а ту явэ́са банго́ анги́л Ма́ндэ пал лэ́скиро рат.

2 Паралипоменоно 24:22

И на пририпирдя кра́ли Иоа́со лачхипэ́н, саво́ кэрдя́ лэ́скэ Иодаё, лэ́скиро дад, и замардя́ лэ́скирэ чхавэ́с. И ёв, ке́ли мэрэлас, то ракирдя́: “Мэк тэ дыкхэ́л Рай Дэвэ́л и мэк тэ отплэскирэл палэ!”

Яви́р Зако́но 12:11

то тэды, саво́ штэ́то выкэдэ́ла Рай Дэвэ́л, Дэвэ́л тумаро́, соб (кай) тэ явэ́л лав Лэ́скиро одо́й, одори́к янэ́н саро́, со мэ пхэна́ва тумэ́нгэ: тумарэ́ цэ́ла схачкирибэна и тумарэ́ свэ́нта дыибэна́ Ра́скэ-Дэвлэ́скэ, тумарэ́ дэшэнгирья (десятины) и тумарэ́ вастэнгиро ґаздыпэн, и саро́, со исын выкэдымо фэды́р пир тумарэ́ совэла, пал со тумэ́ дынэ́ лав Ра́скэ-Дэвлэ́скэ;

Džiibén 9:4

На хан джиды лоч (плоть), ратэ́са на хан.

Isúso 22:24

Нэ амэ кэрдя́м дава́ пир зракхибэ́н долэ́стыр, соб (кай) дрэ яви́р часо тэ на пхэнэ́н тумарэ́ чхавэ́ амарэ́ чхавэ́нгэ: “Со тумэ́нгэ кэ Рай Дэвэ́л, Дэвэ́л Израилёскиро!