Isúso 21:43 - Библия - Пэ Балтитко Романи чиб (Романэс) 2019

⁴³ Адя́кэ отдыя́ Рай Дэвэ́л Израилёскэ сари́ пхув, пал сави́ совлахадя́ Ёв тэ дэл лэ́нгирэ дадэ́нгэ, и ёнэ дорэснэ́ (долынэ) ла дро мэкно́ миштыпэ́н (наследиё) и лынэ́ тэ дживэ́н пэ ла́тэ.

Biblija - Pe Baltitko Romani čib (Romanes) 2019

⁴³ Adiáke otdyjá Raj Devél Izrailjoske sarí phuv, pal saví sovlahadiá Jov te del léngire dadénge, i jone doresné (dolyne) la dro meknó mištypén (nasliedijo) i lyné te dživén pe láte.

Isúso 21:43 Referans Kwoze

Džiibén 13:15

пал-дова́ со сари́ пхув, сави́ ту дыкхэ́са, Мэ да́ва ту́кэ и тырэ́ родо́скэ пэ ве́ки,

Džiibén 28:4

И мэк тэ дэл ту́кэ бахтякирибэ́н Авраамо́скиро, и тырэ́-чхавэ́нгирэ родо́скэ ту́са, соб (кай) ту тэ прилэс пхув сыр мэкно́ миштыпэ́н, пэ сави́ ту са́нас чу́жо, сави́ Дэвэ́л дыя́ Авраамо́скэ!”

Psalmy 44:3

Ту традыян криг Пэ́скирэ вастэ́са Наюды́тка на́цыи, а чхудя́н пэ́скирэ манушэ́н тэ дживэ́н; Ту тасадян Наюды́тка на́цыи, а дыя́н Пэскирэнгэ тэ роскхувэнпэ.

Яви́р Зако́но 11:31

Пал-дова́ со тумэ́ пириджана Иорда́но, соб (кай) тэ джа́н тэ лэс пхув, сави́ Рай Дэвэ́л, тумаро́ Дэвэ́л, дэ́ла тумэ́нгэ и тумэ́ лэ́на ла, и явэ́на тэ дживэ́н пэ ла́тэ.

Vygiiben 3:8

и Мэ джа́ва тэ ракхав лэн Египтянэнгирэ вастэ́ндыр и тэ вылыджав лэн далэ́ пхувья́тыр пэ лачхи́ и бари пхув, кай тхадэ́ла тхуд и авги́н, пэ Хананеенгири, Хитеенгири, Амореенгири, Ферезеенгири, Евеенгири и Евусеенгири пхув.

Яви́р Зако́но 17:14

Ке́ли ту явэ́са пэ пхув, сави́ Рай Дэвэ́л, Дэвэ́л тыро́, дэ́ла ту́кэ и ту явэ́са тэ хулаинэс ла́са, и ту лэ́са тэ дживэ́с пэ ла́тэ, и пхэнэ́са: “Чхува́ва мэ пэ пэ́стэ крали́с, сыр явирэ манушэ́ндэ, савэ́ исын пашы́л ма́ндэ”,

Džiibén 12:7

И Дэвэ́л сыкадыя́ Аврамоскэ, и пхэндя́: “Дая́ пхув Мэ да́ва тырэ́ родо́скэ, саво́ явэ́ла анги́л.” И ёв кэрдя́ алта́рё одо́й Ра́скэ-Дэвлэ́скэ, Саво́ сыкадыя́ лэ́скэ.

Яви́р Зако́но 34:4

И пхэндя́ лэ́скэ Рай Дэвэ́л: “Ѓа́да, исын пхув, пал сави́ мэ совлахадём Авраамо́скэ, Исаако́скэ и Яково́скэ, ракири́: ‘Родоскэ тырэ́скэ Мэ да́ва ла’; Мэ дыём ту́кэ тэ дыкхэ́с ла якхэ́нца тырэнца, нэ пэ ла́тэ ту на заджаса.”

Čysly 33:53

И лэн пэ́скэ дая́ пхув, и дживэ́н пэ ла́тэ, пал-дова́ со Мэ да́ва тумэ́нгэ дая́ пхув;

Isúso 21:42

Пашэ далэ́ фо́рья сыс: пашы́л кажно фо́ро, пашы́л лэ́стэ сыс кхэтаны́ пхув – адя́кэ сыс пашы́л далэ́ сарэ́ фо́рья.

Ниеми́я 9:8

и Ту ґалыян лэс чачунэса анги́л Пэ́стэ и дыя́н лэ́скэ завето, соб (кай) тэ дэс лэ́скирэ чхавэ́нгэ пхув Хананеенгири, Хетеенгири, Амореенгири, Ферезеенгири, Евусеенгири, Гергесеенгири. И Ту кэрдя́н пир Пэ́скиро лав, пал-дова́ со Ту сан чачуно́.

Ниеми́я 9:24

И загинэ́ чхавэ́ лэ́нгирэ и пхув яця́ лэ́нгири. Ту отдыян Хананеенгирэ манушэ́н лэ́нгэ дрэ васта́ и кра́лья лэ́нгирэ ячнэ́ тырэ́ и манушэ́н, соб (кай) ёнэ тэ кэрэ́н лэ́нца, со закамэна.

Čysly 34:2

“Дэ упхэныбэ́н Израилёскирэ чхавэ́нгэ и пхэн лэ́нгэ: ‘Ке́ли тумэ́ заджа́на пэ Ханаано́скири пхув, тэды, ґа́да, исын пхув, сави́ доячэлапэ тумэ́нгэ сыр мэкно́ миштыпэ́н, Ханаано́скири пхув ла́кирэ межэнца:

Яви́р Зако́но 12:29

Ке́ли Рай Дэвэ́л, Дэвэ́л тыро́ традэ́ла криг манушэ́н тырэ́ мо́стыр, кэ савэ́ ту джа́са, соб (кай) тэ лэс лофо пэ́скэ пэ лэ́ндэ, и ту, лыи лэн, лэ́са тэ дживэ́с пэ лэ́нгири пхув;

Isúso 1:6

Яв зорало́ и муршкано́; пал-дова́ со ту адалэ́ манушэ́нгэ пиридэса пхув, сави́ Мэ совлахадём дадэ́нгэ лэнгирэнгэ тэ дав лэ́нгэ.

Сэндарьенгири Лылвари́ 11:24

Ци нанэ ту́тэ дова́, со дыя́ ту́кэ Хамосо, тыро́ дэвлоро? И амэ́ндэ исын саро́ дова́, со дыя́ амэ́нгэ дро мэкно́ миштыпэ́н Рай Дэвэ́л, амаро́ Дэвэ́л.

1 Kralip 12:8

Ке́ли явдя́ Яково дро Еги́пто, и дада́ тумарэ́ задынэ го́дла кэ Рай Дэвэ́л, тэды Рай Дэвэ́л бичхадя́ Мойза́с и Аароно́с, и ёнэ вылыджинэ́ тумарэ́ дадэн Египто́стыр и чхудэ́ лэн тэ бэшэ́н пэ дава́ штэ́то.

2 Паралипоменоно 20:8

И ёнэ лынэ́ тэ дживэ́н пэ ла́тэ, и кэрдэ́ Ту́кэ пэ ла́тэ свэ́нто штэ́то дро лав Тыро́, ракири́:

Psalmy 78:55

И Ёв традыя́ криг Наюды́тка на́цыи анги́л лэ́ндэ, и Ёв роскэрдя́ пэ паша́ пхув машки́р лэ́ндэ, сыр мэкно́ миштыпэ́н пир чэрта, и Ёв кэрдя́, соб (кай) Израилёскирэ ро́ды тэ дживэ́н пэ пэ́скирэ ша́тры.

Psalmy 105:8

Ёв усады (сак) рипирэла Пэ́скиро Зако́но, лава́, савэ́ Ёв припхэндя́ барэнгэ (тысёнцэнгэ) родэ́нгэ,

Ереме́ё 32:23

И ёнэ загинэ́ и ухтылдэ́ дая́ пхув, нэ ёнэ на кандынэ́ Тыри́ зан, и ёнэ на кэрдэ́ пир Тыро́ Зако́но. Ёнэ сарэ́са на кэрдэ́ нисо́ далэ́стыр, со Ту припхэндян лэ́нгэ тэ кэрэ́н. Палдава́ Ту и кэрдя́н адя́кэ, соб (кай) сари́ дая́ биба́хт тэ явэ́л пэ лэ́ндэ.