Isúso 2:14 - Библия - Пэ Балтитко Романи чиб (Романэс) 2019

¹⁴ Адалэ́ мануша́ пхэндлэ́ ла́кэ: “Ди амаро́ заме́ст тумэ́ндэ мэк тэ явэ́л отдыно́ мэрибна́скэ, ко́ли тумэ́ на отчхакирэна дава́ рэ́ндо амаро́; ке́ли Рай Дэвэ́л отдэ́ла амэ́нгэ пхув, амэ кэра́са ту́кэ тангипэ́н и чачипэ́н”.

Biblija - Pe Baltitko Romani čib (Romanes) 2019

¹⁴ Adalé manušá phendlé láke: “Di amaró zamiést tuménde mek te javél otdynó meribnáske, kóli tumé na otčhakirena davá réndo amaró; kiéli Raj Devél otdéla aménge phuv, ame kerása túke tangipén i čačipén”.

Isúso 2:14 Referans Kwoze

Матфеё 5:7

Бахталэ́ исын одолэ́, савэ́ примангэна банг манушэ́нгэ, пал-дова́ со лэ́нгэ явэ́ла примангло.

Pritčy 18:24

Манушэ́скэ, савэ́стэ исын бут дру́ги (мала́), кокорэскэ трэй тэ явэ́л малытко (другитко) кэ яви́р, нэ исын мал, саво́ исын буты́р пашылэды́р ту́кэ тырэ́ пшалэстыр.

Džiibén 24:49

И, акана́ пхэнэ́н ма́нгэ, ци камэ́на тумэ́ тэ кэрэ́н лачхипэ́н и чачипэ́н мирэ́ ра́скэ, ци над? Пхэнэ́н ма́нгэ, и мэ джа́ва дрэ екх риг ци дрэ яви́р.”

3 Kralip 20:39

Ке́ли кра́ли традэлас пашы́л, то ёв дыя́ го́дла крали́скэ и пхэндя́: “О писха́ри тыро́ гия́ пэ марибэ́н, и, акэ, екх ману́ш отгия́ дрэ риг, лыджия́ кэ мэ, манушэ́с и пхэндя́: “Ракх адалэ́ манушэ́с; ко́ли тэ на явэ́л ёв, то тыро́ джиибэ́н явэ́ла пал лэ́скиро джиибэ́н, ци ту явэ́са банго́ тэ ублавэс таланто руп.

2 Kralip 9:1

И пхэндя́ Дави́до: “Ци яця́пэ вари-кон Сауло́скирэ кхэрэ́стыр? Мэ кэравас лэ́скэ лачхипэ́н (тангипэ́н) пал Ионафаностэ.

1 Kralip 20:8

Ту сыка́в тангипэ́н тырэ́ дынари́скэ, пал-дова́ со ту прилыян тырэ́ дынари́с дро Ра́скирэ-Дэвлэ́скиро завето ту́са; и ко́ли сыс сави́ банг пэ ма́ндэ, тэды ту мулякир ман; со́скэ ту́кэ тэ лыджас ман кэ тыро́ дад?”

Isúso 6:25

Раав, биладжакуна джувля́, и кхэр ла́кирэ дадэ́скиро, и сарэ́н, кон ла́тэ сыс, Ису́со ячкирдя́ джидэн, и ёй дживэ́ла машки́р Израилё кэ дава́ дывэ́с: пал-дова́ со ёй гарадя манушэ́н, савэ́н бичхадя́ Ису́со тэ обдыкхэн Ерихо́но.

Isúso 6:17

Фо́ро явэ́ла тэл арманя (прокошыбэ́н), и саро́, со исын дрэ лэ́стэ, Ра́скэ-Дэвлэ́скэ; екх Раав биладжакуны джувлы́ мэк тэ ячэ́лпэ джиды, ёй и кажно (сва́ко) ману́ш, кон явэ́ла ла́тэ дро кхэр; пал-дова́ со ёй гарадя манушэ́н, савэ́н амэ бичхадям.

Isúso 2:13

со тумэ́ ячкирэна джидэн дадэ́с мирэс и да мирья, и пшалэ́н мирэн, и пхэнен мирэн, и сарэ́н, кон исын лэ́ндэ, и зракхэна дия́ амарэ́ мэрибна́стыр”.

Isúso 2:15

И змэкхця ёй лэн пир шэло пир фэнштра, пал-дова́ со кхэр ла́киро сыс дрэ форо́скири ва́нта, и ёй дживдя́ дрэ ва́нта;

Džiibén 47:29

И явдя́ часо Израилёскэ тэ мэрэ́л, и кхардя́ ёв пэ́скирэ чхавэ́с Ёзас, и пхэндя́ лэ́скэ: “Ко́ли мэ латхём дрэ тырэ́ якха́ ла́ска, чхув тыро́ васт тэл стаць (стёгно) ма́ндэ и совлаха́, со ту кэрэ́са пир ма́нгэ тангипэ́н и чачипэ́н, на гаравэса ман дро Еги́пто.

Isúso 6:22

А дуе тэрнэ́ манушэ́нгэ, савэ́ обдыкхэнас пхув, Ису́со пхэндя́: “Джа́н дро кхэр адалэ́ биладжакунэ́-джувля́киро и вылыджан одотхы́р ла и сарэ́н, кон исын ла́тэ, адя́кэ сыр тумэ́ совлахадэ ла́кэ”.

2 Kralip 2:5

И бичхадя́ Дави́до пэ́скирэ манушэ́н кэ Иависо Галаадо́скирэ мануша́, тэ пхэнэ́н лэ́нгэ: “Тэ явэ́н бахтякирдэ тумэ́ Ра́стыр-Дэвлэ́стыр, пал дова́ со кэрдэ́ дава́ лачхипэ́н пэ́скирэ хула́скэ Сауло́скэ и ґарадэ́ лэс.

2 Kralip 2:6

И какана́ мэк тэ отдэ́л тумэ́нгэ Рай Дэвэ́л лачхипна́са и чачипна́са; и мэ кэра́ва тумэ́нгэ миштыпэ́н пал дова́, со тумэ́ дава́ кэрдэ́;

Pritčy 14:22

Ци на хохавэнапэ одолэ́, савэ́ придуминэна чорипэ́н? Нэ кодолэ́, савэ́ придуминэна лачхипэ́н, дыкхэ́на явирэ манушэ́ндыр дро́го лачхипэ́н и патяибэ́н.

Apostolengiri Butý 23:22

Тысёнцэнгиро отмэкця́ тэрнэ́ манушэ́с, и припхэндя́ лэ́скэ: “Никонэ́скэ на ра́кир пал дава́, со ту роспхэндян ма́нгэ.”