Isúso 15:11 - Библия - Пэ Балтитко Романи чиб (Романэс) 2019

¹¹ Адатхы́р межакири риг джа́ла паш-ратитконэ́ (севернонэ) Екроноскирэ ригаса, и рискирэ́ла риг кэ Шикароно, проджа́ла пирда́л бэ́рга Ваало и доджа́ла кэ Иавнеило, и яго́ро межакиро доджа́ла кэ са́мо мо́рё (дэрья́в). Западнонэ-межакири риг исын пир брэ́го барэ́ морёстыр (дэрьявэстыр).

Biblija - Pe Baltitko Romani čib (Romanes) 2019

¹¹ Adathýr miežakiri rig džála paš-ratitkoné (sieviernone) Jekronoskire rigasa, i riskiréla rig ke Šikarono, prodžála pirdál bérga Vaalo i dodžála ke Iavnieilo, i jagóro miežakiro dodžála ke sámo mórjo (derjáv). Zapadnone-miežakiri rig isyn pir brégo baré morjostyr (derjavestyr).

Isúso 15:11 Referans Kwoze

4 Kralip 1:16

И пхэндя́ Или́я лэ́скэ: “Адя́кэ ракирэ́ла Рай Дэвэ́л: ‘Палдова́, со ту бичхадян манушэ́н тэ пхучэспэ Веельзевулостыр, Акароно́скирэ дэвлыткиматыр, сы́рбы дро Израилё нанэ Дэвлэ́с, соб (кай) тэ пхучэспэ пал лав Лэ́скиро, – чхуибнастыр, пэ саво́ ту пасиян, на зджаса лэ́стыр, а мэрэ́са.’”

4 Kralip 1:6

И пхэндлэ́ лэ́скэ: “Гил (пэ стреч) амэ́нгэ выгия́ ману́ш и пхэндя́ амэ́нгэ: ‘Джа́н, рисён кэ кра́ли, саво́ бичхадя́ тумэн, и пхэнэ́н лэ́скэ: адя́кэ ракирэ́ла Рай Дэвэ́л: “Нау́што нанэ Дэвлэ́с дро Израилё, со ту бичхавэса тэ пхучэс Веельзевулостыр, Акароно́скирэ дэвлыткиматыр? Палдава́ чхуибнастыр, пэ сави́ ту пасиян, ту на зджаса лэ́стыр, нэ мэрэ́са.’”

1 Kralip 7:14

И рискирдэ́ сыс Израилёскэ фо́рья, савэ́ лынэ́ Филистимля́ни Израилёстыр, Акароностыр и кэ Гефа, и лэ́нгирэ рига́ кэрдя́ вольнонэнца Израилё Филистимлянэнгирэ вастэ́ндыр, и сыс рама́нё (миро) машки́р Израилё и Амореендэ.

1 Kralip 5:10

И отбичхадэ ёнэ Дэвлэ́скиро ковчэго дро Аскалоно; и, ке́ли явдя́ Дэвлэ́скиро ковчэго дро Аскалоно, то лынэ́ тэ дэн го́дла Аскалонитяни, ракири́: “Яндлэ́ кэ амэ Израилёскирэ Дэвлэ́скиро ковчэго, соб (кай) тэ мулякирэс амэн и амарэ́ манушэ́н.”

Isúso 15:45

Екроно лэ́скирэ форьенца и гавэнца, савэ́ сыс тэл лэ́скири зор.

Isúso 15:9

бэргакирэ вучипна́стыр межакири риг рискирэ́ла кэ Нефтоахоскири панескири ґанынгори (источнико) и джа́ла кэ фо́рья Ефроноскирэ бэргакирэ, и рискирэ́ла межакири риг кэ Ваало, саво́ исын Кири́аф-Яримо;

Isúso 15:10

Тэ́ньци (потом) рискирэ́ла ме́жа Ваалатыр кэ мо́рё (дэрья́в), кэ бэ́рга Сеиро, и джа́ла паш-ратитконэ́ бэргакирэ Иеаримоскирэ ригаса, сави́ исын Кесалоно, и доджа́ла тэлэ́ кэ Вефсамисо, и проджа́ла пирда́л Фимна.

Isúso 15:12

Ѓа́да, исын межакири риг Юда́скирэ-чхавэ́нгиро пир лэ́нгирэ кхэри́тка ро́ды (пле́ми) сарэ́ ригэ́ндыр.

1 Kralip 17:52

И ґаздынэ́пэ Израилёскирэ и Юдэя́кирэ мурша́, и задынэ го́дла, и традынэ Филистимлянэн кэ загиибэ́н дро до́ло и кэ Акароноскирэ вудара́. И пынэ́ домардэ́ Филистимля́ни пир Шааримоскиро дром кэ Гефа и кэ Акароно.

Čysly 34:6

а западнонэ межаса явэ́ла тумэ́ндэ баро́ мо́рё (дэрья́в): дава́ явэ́ла тумэ́ндэ ме́жа кэ западо (пал-панитко риг);

Сэндарьенгири Лылвари́ 1:18

Юда лыя́ адя́кэ-паць Газа, ла́кирэ ригэнца, Аскалоно, лэ́скирэ ригэнца, и Екроно, лэ́скирэ ригэнца.

1 Kralip 5:8

И бичхадэ́, и скэдынэ́ кэ пэ сарэ́н Филимиякирэ хулан, и пхэндлэ́: “Со амэ́нгэ тэ кэра́с Израилёскирэ-Дэвлэ́скирэ ковчэгоса?” И пхэндлэ́: “Мэк Израилёскирэ Дэвлэ́скиро ковчэго тэ пириджал дро Гефо.” И отбичхадэ Израилёскиро Дэвлэ́скиро ковчэго дро Гефо.

2 Паралипоменоно 26:6

И ёв выгия́, и мардя́пэ Филистимлянэнца, и роспхагирдя́ Гефоскирэ ва́нты, ва́нты дрэ Иавне́я, ва́нты дрэ Азото; и кэрдя́ фо́рья дрэ Азотоскири округа и Филистимлянэндэ.